Connect with us

Labarai

Kotu ta yi watsi da ƙarar dake neman a hana Abba Kabir Yusuf takara

Published

on

Kotu ta yi watsi da ƙarar dake neman a hana Abba Kabir Yusuf takara

A ranar Litinin din ne wata Babban Kotun Jihar Kano ta yi watsi da karar da Ja’afar Sani Bello, dan takarar gwamna na jam’iyyar PDP ya shigar gabanta, yana neman ta hana Abba Kabir Yusuf yin takara a zaben shekara ta 2019.

A ranar 2 ga watan Oktoban 2018 ne Abba Kabir Yusuf ya ci zaben fitar da gwani da jam’iyyar PDP ta yi a Kano, inda ya samu kuri’a 2,421 inda ya kayar da abokin takarar tasa, Ja’afar Sani Bello wanda ya samu kuri’a 1,258.

Sakamakon rashin gamsuwa da sakamakon zaben fitar da gwanin, sai Ja’afar Sani Bello ya maka Abba Kabir Yusuf a Babban Kotun Jihar Kano mai lamba 3, yana nema a bayyana shi a matsayin dan takarar gwamnan PDP a Kano, saboda a cewarsa, Abba Kabir Yusuf ya karya Sashi na 8 na Kundin Tsarin Mulkin Jam’iyyar wanda aka yi wa kwaskwarima.

Sashin dai ya yi tanadin cewa, duk wanda ya bar jam’iyyar ta PDP kuma yake so ya kara komawa, dole sai ya rubuta wa sakataren jam’iyyar na mazabarsa, ya sanar da shi niyyarsa ta dawowa jam’iyyar, abinda a cewar Ja’afar Sani Bello, Abba Kabir Yusuf bai yi ba.

Da yake gabatar da hukuncin, Alkalin Kotun, Ahmad Badamasi ya ce an shigar da karar ne bayan cikar wa’adin kwana 14 da doka ta bada dama a shigar da kara, kamar yadda Sashi na 258 (9) na Kundin Tsarin Mulkin Najeriya na 1999 ya tanada.

A cewar alkalin, duk wani korafin zabe da yake gaban kotu mai hurumi dole ya zama an shigar da shi cikin kwanaki 14 da doka ta tanada.

“Yayinda a fili yake cewa jam’iyyar siyasa ita ce a sama wajen warware korafe-korafen zabe, amma kotu na iya sa baki don ta ta tabbatar da cewa an yi adalci a tsakanin al’umma.

“A irin wannan yanayi, ana iya kiran kotun ta warware karar don tabbatar da cewa an yi adalci.

“Kamar yadda Sashi na 258 (9) na Kundin Tsarin Mulkin Najeriya na 1999 wanda aka yi wa kwaskwarima ya tanada, duk wata karar zabe dole ne a shigar da ita gaban kotu cikin kwana 14.

“Wannan zaben fitar da gwani da aka gudanar wanda ake kara na uku (PDP) ce ta gudanar da shi tsakanin 1 zuwa 2 ga watan Oktoba inda mai shigar da kara, Ja’afar Sani Bello ya zo na biyu da kuri’a 1,258.

“Amma, duba da wannan al’amari, mai shigar da kara ya shigar da kara ne ranar 16 ga watan Oktoba. Duba da yadda karar take, masu shigar da kara sun yi tunanin cewa sun shigar da karar cikin kwanaki 14 da ake bukata, amma a wajen wannan kotu, an yi watsi da wannan kara saboda sun haura wa’adin da ya kamata su shigar da kararsu”, in ji Mai Shari’a Badamasi.

Bayan yanke hukuncin, lauyan Abba Kabir Yusuf ya bukaci Ja’afar Sani Bello ya ba Abban Naira Miliyan 1, amma lauyan Ja’afar Sani Bello ya roki kotun ba kada ta amsa wannan bukata.
Lauyan Abba ya bayyana farin cikinsa da wannan hukunci, inda ya ce lokaci kuma ya kure wa Ja’afar Sani Bello ballai ya kara shigar da kara.
Ja’afar Sani Bello ya ce zai tuntubi aminansa na siyasa don sanin matakin da zai dauka a gaba.

Ya kara da cewa har yanzu yana nan a jam’iyyar PDP, kuma zai yi aiki tukuru don tabbatar da nasararta a zabubbuka masu zuwa.

Click to comment

Leave a Reply

Labarai

Gwamnatina Ta Yi Duk Abinda Ya Dace Ga Ƴan Najeriya – Buhari

Published

on

Shugaban Najeriya Muhammadu Buhari ya sake tabbatar da cewar gwamnatinsa ta yi duk abinda ya dace wajen ciyar da Najeriya gaba.

Muhammadu Buhari ya bayyana haka a cikin jawabinsa na zagayowar ranar samun ƴancin kai a Najeriya.

Shugaban ya ce gwamnatinsa ta yi ƙoƙari matuƙa wajen bunƙasa tattalin arziƙi da kuma tantance bayanai a kan asusun ajiyar banki ta ƴan ƙasar.

Haka kuma ya ce gwamnatinsa ta mayar da hankalin wajen bunƙasa aikin gona wanda hakan ya zamtowar ƙasar hanyar nasara duka a ƙarƙashin mulkinsa.

Shugaba Buhari ya ce ya na jin matuƙar ciwo a bisa yajin aikin da ƙungiyar Malamn jami’a su ka shafe fiye da watanni bakwai su na yi.

A ɓangaren yajin aikin, ya ce gwamnatinsa ta yi tsare-tsare da aka shafe fiye da shekaru 11 ba a yi su a a gwamnatocin baya.

Shugaban ya sake tabbatar da aniyarsa na ganin an gudanar da sahihin zaɓe a shekarar 2023.

Wannan ne karo na ƙarshe da shugaban ya yi jawabin tunawa da zagayowar ranar samun ƴancin kai a matsayinsa na shugaban ƙasa.

Continue Reading

Labarai

Ganduje Ya Buƙaci Matasa Su Rungumi Zaman Lafiya

Published

on

Gwamnan jihar Kano Abdullahi Umar Ganduje ya buƙaci al’ummar jihar su zamto jakadun zaman lafiya.

Gwamna Ganduje ya bayyana buƙatar hakan a cikin jawabinsa na zagayowar ranar samun ƴancin kai da ya gabatar a filin wasa na Sani Abacha da ke unguwar Ƙofar Mata a Kano.

Yayin da Najeriya ke cika shekaru 62 da samun yancin kai, gwamna Ganduje buƙaci jama’a su kauceea dukkan maganganu da ayyukan da za su iya rusa zaman lafiya a jihar Kano.

Gwamnan ya godewa mutanen Kano a bisa haɗin kai da su ka bayar tare da tabbatar musu da cewar a shekara mai zuwa wani gwamnan ne zai kasance a Kano ba shi ba.

Sannan ya buƙaci ƴan Najeriya da su ci gaba da haƙuri a kan kasancewar bambancin ɗabi’u addini da al’ada wanda jihar Kano da Najeriya ke da su.

A taron da aka gudanar, sarkin Kano Alhaji aminu Ado Bayero ya jagoranci addu’a ta musamman a kan zaman lafiya tare da buƙatar matasa da su zamto jakadun zaman lafiya a duk wajen da su ka sami kansu.

Continue Reading

Labarai

Sarkin Kano Ya Buƙaci Matasa Su Kaucewa Fitina Lokacin Yaƙin Neman Zaɓe

Published

on

An Ja hankalin Matasa da yan Siyasa su gujewa dukkannin abunda zai tada hankalin al’uma a lokutan yakin neman zabe: Sarkin Kano.

Mai Martaba Sarkin Kano Alhaji Aminu Ado Bayero yaja Hankalin al’umma da yan siyasa su rika yin kalamai masu inganci a cikin al’umma

Sarkin ya bayyana haka ne lokacin da ya jagoranci gudanar da addu’oi na musamman domin samun zaman lafiya ga kasa baki daya wadda aka gudanar a babban masallacin juma’a dake cikin birnin Kano.

Alhaji Aminu Ado Bayero yace ya shirya wannan addu’a ne domin yiwa kasa addu’a da kuma zabuka da suke tunkararmu a shekara 2023.

Mai martaba sarkin kazalika yayi kira ga Matasa su gujewa dukkan abinda zai kawo fitina a lokutan yakin neman zabe.

Sarkin ya buƙaci al’umma su zama masu Ladabi da biyayya da tausasa harshinansu.

Kuma sarkin yayi fatan dukkan yan Siyasa zasu karbi shawarwari da Malamai suke bayarwa na suyi yakin neman zabe cikin nutsuwa ba tareda wani tashin hankali ba.

Daga nan kuma Mai Martaba Sarkin na Kano Alhaji Aminu Ado Bayero yace shirya adduoin yazo dai dai lokacin da ake bikin cikar Najeriya shekara 62 da samun yancin kai.

Continue Reading

Talla

Trending

%d bloggers like this: