Connect with us

Labarai

Wanda yake da katin zaɓe ne kaɗai zai yi zaɓe — Inec

Published

on

Kwamishinan zaɓe na jihar kano Farfesa R.A Shehu ya bayyana cewa cikin shirin zaɓen 2019 da     hukumar ta shirya, sam sam katin zaɓen da aka yi a mazaɓa ba zai yi aiki a wata mazaɓar ba.

Farfesa Shehu ya ce hukumar zaɓe ta INEC ta        shirya magance duk wata kafa da za a iya yin maguɗi a zaɓe mai zuwa.

“Ko da na urar tantancewa sai da muka samo     wadda ta fi ta baya inganci kuma da ita za a yi aiki, sannan ko da ta samu    matsala za mu ɗage zaɓen mazaɓar da ta samu matsalar zuwa wani   lokaci ba mai tsawo ba.

R.A Shehu wanda shi ne kwamishinan zaɓe na jihar Kano ya koka dangane da yadda wasu mutanen ba su je sun karɓi katin zaɓensu ba, ya ce akwai katin zaɓe na sama mutane sama da dubu 700 a ƙasa.

Sannan ya roƙi al umma da su kasance masu taka tsantsan wajen tabbatar da cewar sun yi duk mai yuwuwa don ganin an yi zaɓe cikinkwanciyar     hankali.

Tuni dai hukumar zaɓe ta ƙasa ta tabbatar da cewar ta shirya tsaf don ganin ta yi zaɓe nagartacce wanda kowa zai yi na am da shi, duba ga irin       sabbin kayan aiki ingantattu da ta samar don ganin an yi zaɓen ba tare da matsala ba.

 

Click to comment

Leave a Reply

Labarai

‘Yan Sanda Sun Kama Wadanda Suka Saci Zinare A Abuja

Published

on

Rundunar ‘yan sanadan Babban birnin tarayya Abuja ta kama wasu mutane Uku da ake zargi da fasa wani gida, inda suka sace zinare da wasu kayayyaki masu kudi a gidan da ke Abuja.

Mataimakin kwamishinan ‘yan sandan Birnin ACP Olumuwiya Adejobi ne ya bayyana hakan a yayin wani taron manema labarai a birnin.

Adejobi ya bayyana cewa an kama mutanen ne bayan wani bincike da kwamitin binciken bayanan sirri IRT ya gudanar, har ta kai ga ya gano wadanda suka aikata laifin.

Ya a yayin binciken, binciken ya nuna babban wanda ake zargi da hannu a lamarin yana sana’ar sayar da kifi ne a kasuwar kifi ta Kado da ke Abuja.

Adejobi ya kara da cewa wadanda ake zargin sun yi wa gidaje uku fashi a unguwar Lugbe da ke birnin.

Ya ce kafin su shiga gida na hudun ne sun yi amfani da wani karfe wajen bankara tagar gidan, inda kuma ta nan ne suka samu damar shiga gidan.

Acewarsu bayan shigar mutanen gidan suka fara bincike domin samun abinda za su sace, inda suka samu damar ganin wata akwati da ke ajiye daga nan ne suka dauka suka tafi da ita.

Kazalika ya ce bayan tafiya da akwatin sun yi amfani da guduma wajen balla murfin akwatin, inda anan ne suka samu kudi, da takardu, kuma zinare a cikin ta.

Har ila yau ya kara da cewa jagoran tafiyar mutanen bayan ganin kayan da ke akwatin ya kira mai saye ya siyar da kayan naira miliyan 60.

Ya ce daga zarar sun kammala bincike za su gurfanar da su a gaban kotu domin yi musu hukunci akan abinda suka aikata.

Continue Reading

Labarai

‘Yan Bindiga Sun Hallaka Mutane 18 A Benue

Published

on

Wasu ‘yan bindiga sun hallaka mutane 18 a karamar hukumar Katsina-Ala a Jihar Benue.

Maharan sun hallaka mutanen ne da karfe 11.00 na daren ranar Juma’a a kauyen Mbacher da ke karamar hukumar.

Zuwan ‘yan bindigan ke da wuya suka bude wuta akan mazauna yankin.

Shugaban karamar hukumar Justine Shaku ya bayyana takaicinsa dangane da lamarin, ya ce sai bayan maharan sun gama ta’asarsu jami’an soji suka zo gurin.

Shugaban ya ce maharan sun shiga gida-gida inda suke fito da mutane su na hallaka su.

Shaku ya kara da cewa wasu daga cikin mazauna yankin maharan sun raunatasu a yayin harin.

Sannan ya kuma jajantawa wadanda raunukan ya shafa, tare kuma da jajantawa ‘yan uwan wadanda suka rasa rayukansu.

‘Yan bindigar sun ka harin ne bayan gwamnatin jihar ta sanya dokar hana fita daga 6.00am zuwa 6.00pm.

 

Continue Reading

Labarai

Mataimakin Gwamnan Edo Philip Shu’aibu Ya Fice Daga PDP Ya Koma APC

Published

on

Mataimakin gwamnan Jihar Edo Philip Shaibu ya sauya sheka daga jam’iyyarsa ta PDP zuwa APC a Jihar.

Shu’aibu ya koma APC ne a yayin kaddamar da wani kwamitin gudanarwa na jam’iyyar bisa zaben gwamnan Jihar da ke tafe.

Mataimakin gwamnan na Edo ya koma APC ne bayan kotu ta mayar da shi kan mukaminsa bayan tsige shi da majalisar dokokin Jihar ta yi daga mataimakin gwamnan Jihar bisa wasu zarge-zarge da ta yi masa.

 

An kaddamar da kwamitin ne a yau Asabar, kuma ya samu halartar shugaban jam’iyyar na Kasa APC Dr Abdullahi Umar Ganduje.

Sauran wadanda suka halarci taron sun hada da gwamnan Jihar Ondo Lucky Aiyedatiwa da na Cross River Bassey Otu.

Sannan shugaban jam’iyyar ta APC a jihar Jarett Tenebe da dan takarar gwamnan jihar a jam’iyyar ta APC

Monday Okpebholo da kuma Sanata Adams Oshiomole.

Philip ya koma jam’iyyar ta APC ne kwanaki biyu bayan wani hari da aka kai masa a lokacin da yake gudanar da murnar hukuncin da kotu ta yanke akansa na ci gaba da zama mataimakin gwamnan Jihar.

Harin da aka kai’wa Philip hakan ya sanya jam’iyyar APC ta zargi jam’iyyar PDP da shirya kai’wa Shu’aibu harin sakamakon mayar da shi mukaminsa da kotu ta yi.

 

 

Continue Reading

Talla

Trending

%d bloggers like this: