Connect with us

Mu shaƙata

Yadda Naziru ya zama sarkin waƙar sarkin Kano – Matashiya

Published

on

Yadda aka zaɓo Naziru har ya       zama Sarkin waƙa

Sarkin Kano Muhammadu Sanusi ll ya naɗa Naziru Ahmad a matsayin sarkin waƙarsa.

Naziru Ahmad dai ya kasance mawaƙi da a yawa lokuta ke karkata ga masu sarauta.

An zaɓoshi ne ganin yadda ke waƙarsa cikin tsari tareda yanayi na al ada.

Naziru sarkin waƙa na yin waƙoƙi ne waɗanda suka sha bambam da na sauran mawaƙan hausa na zamani.

Yana yiwa kansa kirari da sarkin waƙa ne tun kafin a naɗashi sarkin waƙa, cikin wata tattaunawa da jaridar Daily Trust ta yi da shi ya bayyana cewa bai san dalilin da ya shigar da shi sana ar waƙa ba, sai dai ya taba mafarkin ya zama mawaƙi tun lokacin yana shekara 7 a duniya.

Cikin tattaunawar ya ce lokacin da ya fara waƙa babu ɗakin waƙa wato STUDIO sai dai ya rera a gaban mutane.

A cikin shekarar 2000 kuwa, sarkin waƙa Naziru ya fara shiga waƙar ka in da na in.

Ko da aka tambayeshi menen dalilin da ya sa ya karkata kan waƙarsa yanayin gargajiya?

Nazir Ahmad ya ce yana yin hakan ne ganin yadda da yawan mawaƙa ke tsayar da kansu kan zamani zalla, kuma yana da kyau a ce mawaƙa na ɗabbaƙa yanayin waƙa irin nazamanin baya kamar shata da ɗan kwairo, sai dai hakan na da wuya ganin yadda rubutawa da rera waƙar ke  buƙatar nazari, har ma yake tunanin hakan ne ke hana sauran mawaƙan ɗaukar salonsu.

A cikin tattaunawar an tambayeshi ko shin zargin da ake na yin soyayya da jaruma Hadiza Gabon gaskiya ne?

Ya ce tabbas haka ne, kuma suna ƙaunar junansu amma ba su tsayar da lokacin da za su yi aure ba Allah ne masani sun muƙa al amuransu gareshi.

An naɗa Naziru sarkin waƙar sarkin Kano ne a fadar Sarkin Kano Muhammadu Sanusi ll, a ranar 27 ga watan Disambar da ya gabata.

Manyan jaruman fina finan hausa kamar Ali Nuhu, Sadiƙ Sani Sadiƙ da sauran mawaƙa maza da mata ne suka samu halartar bikin naɗin bayan da aka yi walimar cin abinci a daren ranar har ma mujallar Matashiya ta hango Ado Gwanja a wajen.

1 Comment

1 Comment

  1. MaxwellBig

    March 24, 2019 at 2:58 pm

    Hello. I have checked your matashiya.com and i
    see you’ve got some duplicate content so probably it is the reason that you don’t rank high in google.
    But you can fix this issue fast. There is a tool that
    rewrites content like human, just search in google: miftolo’s tools

Leave a Reply

Mu shaƙata

Tsawon shekaru 13 waƙoƙi 100 na rera da bakina – D One

Published

on

Mawaƙi Abdul D One ya bayyana cewar ya kwashe shekaru goma sha uku yana waƙa, tun lokacin da ya samu asalin sunan D One a makarantar sakadire.

Yayin zantarwarmu da shi ya ce ya fara rubutun waƙa a shakarar 2007, sannan ya fara shiga ɗakin rera waƙa a shekarar 2009.

Ya rera waƙoƙi guda 100 da bakinsa.

Sai dai mawaƙin ya bayyana cewar ba zai iya tuna waƙar da ya fara rerawa  da bakinsa ba.

Cikin wata tattaunawar da mujallar Matashiya ta yi da shararren mawaƙin nan da ludayinsa ke kan dawo a masana antar fina finan Hausa wato Abdul D One ya ce waƙar Mahaifiya ya fi ƙauna a rayuwarsa.

Mawaƙin ya bayyana dalilinsa na cewar al’umma sun karɓi waƙar suna ƙaunarta kuma hakane ya sa yake matuƙar son waƙar saboda abinda mutane suke so shi yake ƙauna.

Zantawar tamu bata tsaya iya nan ba har sai da mawaƙin ya bayyana cewar ya yi waƙoƙi da sun haura guda ɗari 100 amma a cikinsu guda biyu rak ya fito a cikin faifan bidiyo.

A karo na biyu Abdul D One ya fito a waƙarsa ta Shalele, bayan waƙarsa ta farko da ya fito cikin faifan bidiyo wato Kece Tawa.

Waƙa ta gaba kuwa itace Zainabu Abu, wadda suka rerata tare da ubangidansa wato Umar M Shareef.

Ana sa ran za su fito tare a cikin faifan bidiyon waƙar wadda itace ta uku wanda D One ke fitowa a faifan bidiyo.

Domin masoyansa su kalla hakan ya sa mawaƙin ke wallafa waƙoƙinsa a shafinsa na youtube Abdul D One.

Continue Reading

Hotuna

Bayan shekaru 10 yana waƙa, a karon farko ya saki bidiyon waƙar sa ya fito a ciki

Published

on

Abdul D One mawaƙin da ake damawa da shi a masana antar fina finai ta Kannywood ya saƙi waƙa ta farko da ya fito a faifan bidoyo mai auna KECE TAWA.

Mawaƙin da ya bayyanawa Mujallar Matashiya cewar, a tsawon shekaru 10 da yayi yana waƙa bai taɓa fita a faifan bidiyo ba sai a yanzu.

Asalin sunansa Abdulƙadir Tajudden wanda aka haifeshi a garin Dikke da ke ƙaramar hukumar Funtua a jihar Katsina.

An haifeshi a ranar 26 ga watan satumba na shekarar 1994.

Ya zauna a ƙarƙashin kamfanin Shareef Studio da ke ƙarƙashin jagoranci da kulawar mawaƙi Umar M Shareef.

Duk da kasancewar mawaƙin yana garin Kaduna don cigaba da gudanar da sana arsa ta waƙa.

Waƙoƙinsa sun yi shura kuma ana sakasu a fina finai da dama, wasu kuma kan bashi aikin waƙa don su fito a cikin bidiyon.

 

Duk da kasancewarsa mawaƙi mai ƙaramin shekaru idan aka kwatanta da sauran manyan mawaƙa da ludayinsu ke kan dawo, Abdul D. One ya shahara wanda ya samu lambobin yabo da dama a kan waƙoƙinsa.

Ya kan yi waƙoƙin da suka danganci yanayi musamman waƙarsa ta kwananan wanda ya yi a kan rashin tsaro a Najeriya.

Ko da Mujallar Matashiya ta tambayeshi ya yaji bayan da ya saki wannan bidiyon waƙarsa ta farko a shafinsa na Youtube?

Abdul D One ya ce ya ji daɗi ga yadda aikin ya kasance kuma ya samu yabo da yawa daga mutane daban daban a kan waƙar.

Wasu daga cikin waƙoƙinsa waɗanda suka shahara akwai :-

1  Mahaifiya

2 Kar ki manta da ni

3 Dakta Bahijja

4 Abokiyar Rayuwa wanda Adam Zango ya fito shi da jaruma Zee Fretty.

5 Jaruma a cikin fim ɗin Jaruma.

6 Nawwara

7 Shaƙuwa

8 Baya ba zani

9 Waƙar biki ta gidan biki wato Ga Amarya

10 Abinda yake Raina wanda aka saka a fim ɗin mansoor

Continue Reading

Mu shaƙata

Ban ce na ɗauki nauyin karatun yara 101 ba, kuma ba ni na ce na biya kuɗin karatu sama da miliyan 46 ba

Published

on

A kwanakinnan labarin da ke yamutsa hazo har al umma ke ta ƙoƙarin yin sharhi a kai bai wuce yadda aka ga wani hoto da jarumin Adam Zango ya wallafa a shafinsa na Instagram ba.

Hoton da ke nuna yabawa da ɗaukar nauyin karatun yara da yakai sama da naira miliyan 46.

Da yawan mutane na yin raddi kan batun ciki har da masu ruwa da tsaki a cikin masana antar da ake tunanin cewar na da alaƙa da ƙut da ƙut da jarumin da ma sauran manyan jarumai.

Al amarin da ke nuni da cewa kaf masana antar babu wanda ke da maƙudan kuɗaɗen da zai iya bayarwa kyauta don ɗaukar nauyin karatun marayu kamar yadda takardar ta ƙunsa.

A binciken mujallar Matashiya kuwa bayan dogon nazari da muka yi muka hangi cewa shi fa jarumin bai faɗa cewar ya ɗauki nauyin karatun yara ba, hasali ma kalaman da ya rubuta na nuni da cewa umarni ne ga masu dama da su yi amfani da ita kwajen tallafar marayu komai ƙanƙantar sa .

Haka kuma bisa bin diddigin labarin da mujallar ta yi na ganin an samo bakin zaren mun yi ƙoƙarin jin ta bakin jarumin da nufin samun ƙwaƙƙwarar hujja don tabbatar da gaskiyar al amarin, sai dai bai samu damar ɗaga wayarmu ba, duk da cwwa a wayar da suka yi da aokin aiki Jafar Jafar ya ce shi bai yi don a sani ba saboda Allah ya yi, to amma idan haka ne me yasa ya saka takardar da aka jinjina masa a shafinsa na Instagram?

Kuma mun yi iya bakin ƙoƙarinmu wajen samo ainihin takardar shaidar biyan kuɗin daga banki amma abin ya ci tura, don duk bankin da muka tuntuɓa sai su ce ba su da labarin haka.

Adam Zango dai na yin wani al amari da ke jawo cece kuce ga al umma lokaci zuwa lokaci kamar yadda ya sha yi a baya.

Ya kan yi abu na jan hankali wanda al umma ke tunanin sai bayan sun nutsu su ga lamarin ba haka yake ba.

Mujallar Matashiya ba ta yi ƙasa a gwiwa ba mun ƙara bin diddigi daga makusantansa da nufin samun sahihancin hakan amma ba ko alamar samun hakan, kusan kowa a jikinsa cewa yake shima a shafin jarumin ya ga haka.

Haka zalika a zahirin gaskiyar abinda ke da alaƙa da haka duk mutumin da ya iya ɗaukar zunzurutun kuɗaɗe kamar haka kuma ya wallafa takardar ban girma da aka bashi ba zai ƙi bayyanawa ƴan jarida gaskiyar al amari ba.

Binciken da mujallar Matashiya ta yi ta gano cewa jarumin ya yi hakan ne don ƙara ɗaukaka da kuma tattauna batu a shafukan sada zumunta, a wani ɓangaren kuma ya yi nuni ga masu hannu da shuni cewa su kasance masu aikata alkhairi komai ƙanƙantarsa.

Batun samun bidiyon godiya kuwa daga wani wanda ya ce daga fadar masarautar zazzau yake, binciken da muka yi mun gano cewar Adam Zango na da kyakkyawar alaƙa da masarautar da ko me ya buƙata za a yi masa musamman waɗanda ke ƙasa ƙasa.

Har yanzu dai babu tabbaci ko kwakkwarar hujja ta cewa jarumin ya biya waɗannan kuɗaɗe, sai dai wani bidiyo da ke nuni da shugaban makarantar da aka biyawa yaran kuɗin makarantar ya nuna wata takarda wadda irinta ce dai jarumin ya wallafa a shafin nasa.

Wannan dai rahoto ne daga mujallar Matashiya bisa bin diddigin Abubuakar Murtala Ibrahim.

Continue Reading

Talla

Trending

%d bloggers like this: