Addini
Lalacewar tarbiyya a mahangar addinin musulunci
Tare da Malam Dayyib sadi Gaida
Abu ne sananne a wurin dukkanin musulmi dama wadanda ba musulmi ba cewa addinin musulunci ya bada cikakkiyar kulawa a bangaren tarbiyya, idan kace gabadaya addinin musulunci sunansa tarbiyya bakayi kuskure ba.
ALLAH subhanahu wataala ya aiko annabawa daban daban ga alumma daban daban duk domin tabbatar da ko kuma gyaran tarbiyya, hakan yasa aka saukar da littattafai da dama, kamar su attaura da injila da zabura da kuma alqurani mai girma, kuma aka ware malaika guda wanda aukinsa kawai saukar da wahayi ga annbawa, duka dai domin tabbatar da ko kuma gyaran tarbiyya.
Idan muka koma baya, wato asali ko kuma ince tushe,yadda zamuga ALLAH subhanahu wataala ya shirya tsarin tarbiyya ga fiyayyan halitta annabinmu Muhammad saw, ta yadda aka haifeshi maraya, ba uba kuma mahaifiyar sa bata wuce shekara shida ba ta koma ga, ALLAH, hakan yasa ya taso hannun dangi cikin kyakkyawar kulawa da tausayawa, malamai sunce anyi haka ne domin a nuna mana yadda ake hada karfi da karfe wajan tarbiyya.
Bayan ya girma ALLAH ya zaba masa mata ta gari, da abokanai na gari, domin samun wadannan jinsi biyu managar ta, wato mace ta gari fa aboki na gari na taimakawa wa wajan samun ingattacciyar tarbiyya.
Musulunci ya wajabta tarbiyya, kuma ya fadi wadanda tarbiyya ta wajaba akansu, kuma ya koyar da su yadda zasu tarbiyyantar da wadanda aka daura musu hakkin. Tarbiyyan tarwa.
Gyaruwa ko lalacewar tarbiyya tana kan jinsin mutane uku 3 na farko iyaye, na biyu makaranta, na uku muatanan unguwa., idan wadannan turaku uku sukayi tsayiwa irinta daka, bisa kyakyawar niyya kowa ya sauke bakin gwargwadon nauyin da ke kansa na tarbiyya to babu maganar lalacewar tarbiyya awannan al umma, idan aka samu akasin haka kuwa to sai dai ace inna lillahi wa inna ialihi rajiun
Nauyin dake kan uwa da uba dangane da tarbiyya.
iyaye sune dirka ta farko da hakkin bada tarbiyyar ƴaƴa ta hau kansu, shiyasa manzon Allah saw yace (kowanne abun haihuwa ana haifarsa ne akan fidrah ta addinin musulunci , sai daga baya iyayansa su maidashi bayahude ko kirister ko kuma bamaguje ) da wannaan zamu fahimci cewa lallai iyaye suke kan gaba da kaso mafi tsoka wajan gina tarbiyya ko rugujewar ta.
Mafiya yawan lokutan yara suna yin sane agida tare da iyaye ,musanman ma uwa mace don haka ya zama wajibi gareta tayi aiki tukuru wajan sauke nauyin da allah ya dora mata na tarbiyyar yayanta.kamar yadda shima uba ya zama tilas ya sauke nasa nauyin,
Nauyin da ke kan makaranta , lallai makaranta itace ta dirka ta biyu wajen tabbatar da ingattacciyar tarbiyya yara
Malam Abduljabbar Kabara ya ce ya kori lauyoyinsa saboda sun saɓa yarjejeniyar da suka yi.
Malamin ya bayyanawa kotun haka a yau Alhamis yayin da ake ci gaba da sauraron shari’ar.
A cewar malamin yanzu yana sake neman wasu lauyoyin da zasu tsaya masa.
Wannan shine karo na uku, da Malamin dake tsare a gidan gyara hali, ya sake watsi da Lauyoyinsa.
Malam Abduljabbar kamar yadda ya yiwa Lauyoyinsa na baya, yana zarginsu da gaza kare shi a gaban Kotu.
Su kuwa lauyoyin gwamnatin jihar Kano sun buƙaci kotun ta umurci hukumar dake baiwa marasa ƙarfi kariya a kotu kyauta, watau Legal Aid Council da ta bawa Malamin lauyan.
A ƙarshe, kotun ta amince da hakan kuma ta yi umarni ga Legal Aid Council ta bawa Abduljabar Lauyoyin da za su kare shi.
Sai dai, Malam AbdulJabbar ya buƙaci kotu ta rabu da shi zai iya cigaba da kare kansa, tunda duk lauyan da ya ɗauka sai ya ce ana yi masa barazana da rayuwarsa.
A ƙarshe mai shari’a ya ɗage zaman zuwa ranar 26 ga Mayu, 2022.
Ahmad Sulaiman Abdullahi
An gurfanar da Fasto Abraham malamin addini a kotu wanda ya faɗa ma mabiyansa cewa yana iya kai su aljannah, inda yace musu Omuo-Ekiti ne ƙofar shiga aljanna.
Fasto Abraham dai ya nemi mabiyansa su biya kuɗi N310,000 domin shiga aljannah bayan ya ce masu ya san hanyar da ake bi a shige ta.
An gurfanar da faston a wata kotun majistare ta jihar Ekiti da ke zama a Ado-Ekiti.
Ɗan sanda mai gabatar da ƙara, Sufeto Johnson Okunade, ya ce laifin ya saɓa wa sashe na 416 na dokar laifuka ta jihar Ekiti na shekarar 2012.
Johnson ya ƙara da cewa kai Fasto Noah Abraham Adelegan a ranar 27 ga watan Afrilu, a Omuo Oke-Ekiti a yankin Omuo, ta hanyar karya da niyar zamba, ka gabatar da kanka ga taron jama’a a cocin Christ High Commission Ministry, Omuo, Oke-Ekiti, a matsayin wanda zai iya kaisu aljannah kafin tashin duniya.
Inda nan take suka biya kuɗi daga N300,000 zuwa N310,000 kwannensu.”
Lauyan wanda ake ƙara, Adunni Olanipekun, ya buƙaci kotun da ta bayar da belin wanda yake karewa, inda ya ƙara da cewa a shirye yake ya gabatar da amintattun wadanda za su tsaya masa.
Sufeto Okunade yace bashi da ja akan buƙatar belin, amma ya buƙaci kotun da ta yi amfani da damar ta wajen bayar da belin ko kuma ƙin amincewa da shi.
Alkalin kotun mai shari’a Titilola Olaolorun ta bayar da belin wanda ake ƙara a kan kudi N100,000 tare da mutane biyu da za su tsaya masa.
A ƙarshe mai shari’ar ta ɗage sauraron karar zuwa ranar 24 ga watan Mayu.
Hukumar Hisbah a jihar Kano ta sami nasarar kama wasu mata masu ƙananan shekaru a rukunin unguwar Nassarawa ta jihar.
Mai magana da yawun hukumar Lawal Ibrahim Fagge ya tabbatarwa da Matashiya TV cewar, an kama ƴan matan ne a wuraren hokewa kamar Pikolo Joint da wani gida mai suna ICU da ke unguwar Badawa a Kano.
Hukumar ta kai sumamen ne bayan samun rahooto a kan yadda ake samun ɓata gari na ta’ammali da miyagun kwayoyi da shan shisha da sauran ayyukan ashsha a wajen.
Babban kwamandan hukumar Ustaz Haroon Ibn Sina ya ja hankalin iyaye da su dinga kula da ƴaƴansu tare da tunatar da su a kan haƙkin da ya rataya a wuyansu na kula da tarbiyya.
Sa’annan ya aike da takardar gayyata ga iyayen ƴan matan da aka kama don ganin sun zo domin tantance yaran da aka kama.
Hukumar Hisbah ta ce ba za ta lamunci yadda wasu ɓata gari ke gudanar da ayyukan ashsha a jihar ba, kuma za ta sa ƙafar wando ɗaya da duk wanda ya yi ƙokarin tsallake dokokin ta.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari