Labaran ƙasa

Za’a cigaba da shari’ar Walter Onnonghen

Published

6 years ago

January 30, 2019

Matashiya

A ranar litinin ne kotun kula da da’ar ma’aikata CCT ta dage zaman sauraren tuhumar babban mai sharia’ar Najeriya, Walter Onnonghen da ya kamata a fara sauraro yau Litini zuwa wani lokaci da ba a fadi ba.

Shugaban kotun CCT Danladi Umar ya bayyana cewa an yanke wannan hukunci ne bisa hukuncin da kotun daukaka kara ta yanke cewa a dakatar da ci gaba da sauraren wannan shari’a a kotun CCT.

Zaman da aka kwashe minti 30 ana yi, kowa ya amince da a dakatar da ci gaba da sauraren wannan kara.

Dakatar da babban Mai shari’a Najeriya, Walter Onnoghen da Shugaba Muhammadu Buhari ya yi a ranar Juma’a ta samu rashin goyon baya da kuma nuna damuwa daga bangaren Amurka da Kungiyar Tarayyar Turai.

Ofishin Jakadancin Amurka da ke Najeriya ya fitar da sanarwar nuna matukar damuwa da yin wannan hukunci wanda Buhari ya dauka a daidai lokacin da za a gudanar da zaben 2019.

Sun fi nuna damuwar ta su ne ganin cewa Buhari ba shi da ikon dakatar da Cif Jojin Tarayya ba tare da aika bukatar yin hakan a gaban Majalisar Dattawa ba.

Sannan kuma sun nuna shakkun cewa su na tababar da yin zabe mai adalci tunda aka cire Onnoghen a daidai kwanaki kadan kafin zaben Shugaban Kasa na 2019.

Shi dai Buhari ya ce ya yi amfani ne da umarnin da Kotun CCT ta bashi cewa ya dakarar da Onnoghen ya nada wani har sai bayan gama shari’ar Onnoghen din.

Amurka ta ce a gaskiya yin haka ya janyo wa Buhari gwasalewa da kuma tababar alkwarin da ya dauka cewa za a yi zabe mai adalci.

Don haka ta shawarce shi da a gaggauta magance wannan matsala gudun kada ta janyo wa Najeriya mumunan rikici.

Ita ma Tarrayar Turai ta nuna rashin jin dadin lokacin da aka yi dakatarwar, wato kwanaki kadan kafin zaben shugaban kasa wanda ta ce ya kawo shakku a kan Buhari.

Turai ta ce za ta zuba ido sosai ta ga yadda gwamnati za ta yi zaben 2019, kuma za ta zuba ido wajen ganin rawar da jami’an tsaro za su taka.

Daga nan sai kungiyar ta yi kira ga jam’iyyun adawa da su bi raddin rigimar kamar yadda doka ta tanada, ba tare da neman tashi-tashina ba.

Labaran ƙasa

Gurguwar Fahimta A Ka Yi Wa Sabuwar Dokar Haraji In Ji Tsohon Shugaban Hukumar Tattara kuɗaɗen Shiga FIRS

Published

2 weeks ago

December 1, 2024

Matashiya

Tsohon shugaban hukumar tattara kuɗaɗen shiga a Najeriya Muhammad Nani ya ce mutane ba su fahimci sabon tsarin haraji da ake son yi wa gyaran fuska a majalisa ba

A cewarsa, sabon tsarin zai amfanar da kowanne ɓangare na Najeriya.

Muhammad Nani ya ce kuskuren fahimta ne yadda wasu ke tunanin tsarin zai amfanar da jihohin Legas da Rivers kaɗai maimakon ƙasa baki ɗaya.

Ya ce tsarin zai taimaka wajen amfanar da kowanne ɓangare tare da samun wani kaso ga ɓangaren da su ke da ƙarancin kuɗaɗen shiga

Ya ƙara da cewa ya karanta sabuwar dokar da ake son yi wa gyara, ya misalta hakan da damar cin gashin kai da aka bai wa ƙananan hukumomi a Najeriya wanda ya ce shi ma tsari ne dai zai amfanar da ƙasar baki ɗaya

Muhammad Nani ya ce bayan suka da tsarin ya fara damu wasu daga cikin ƴan majalisar tattalin arziki sun fara janyewa daga goyon bayan tsarin, sai dai sun buƙaci a sake shigar da masu ruwa da tsaki don ci gaba da fahimtar dokar.

Idan za a iya tunawa, kungiyar gwamnonin arewacin Najeriya sun yi watsi da tsarin har ma gwamnan jihar Borno ya ce idan aka tabbatar da shi ba za su iya biyan ko da albashi ba.

Kudirin dai ya tsallake karatu na biyu a gaban majalisar dattawa.

A nasa ɓangaren, mataimakin shugaban majalisar dattawa Barai I. Jibrin, ya ce an yi wa dokar karatu na biyu ne don bayar da dama ga masana don yin bincike tare da nazartar sabuwar dokar.

“Ba za a iya bayar da damar yin nazarin dokar ba har sai an yi mata karatu na biyu, a don haka ba gaggawa mu ka yi ba, batu a kan hakan ma yanzu aka fara ba wai an gama ba” in ji Barau.

A cewar tsohon shugaban hukumar tattara kuɗaɗen shiga ta ƙasa Muhammad Nani, sashe na 77 da ake magana a kai na cikin dokar na iya ɗaukar shekaru uku zuwa kafin kafin fara aiwatarwa.

Sannan ya ce batun bayar da kuɗaɗen shiga ga jihohin da ke da rigistar kamfanoni ita ma an sauya ta, yadda jihar da aka shigar da kaya za ta samu kaso mai yawa

A cewarsa, sabuwar dokar za ta ƙara yawan kuɗaɗen shiga ga jihohi tare da tallafawa wadanda su ke samun karancin kudaden shiga daga asusun rarraba arzikin ƙasa.

Labaran ƙasa

Farashin Man Fetur Na Iya Sake Tashi Sama A Najeriya

Published

2 months ago

October 13, 2024

Matashiya

Masana sun yi hasashen cewar farashin kan fetur na iya sake hauhawa a Najeriya.

Dakta Muda Yusuf masanin tattalin arziki ya rikicin da ke faruwaa a gabas ta tsakiya da yakin da ke faruwa tsakanin Iran da Israela na iya sake sakawa farashin man fetur ya sake hauhawa.

Haka kuma yadda darajar naira ke sake faduwa a kasuwar hada hadar kudi hakan na iya sake jefa naira cikin wani hali wanda ka iya shafar man fetur.

Sannan farashin gangar mai na dada hauhawa wanda shi ma hanya ce da dalilin iya karuwar farashin a Najeriya.

Idan ba a manta ba a ranar Laraba ne aka wayi gari da sabon farashin man fetur wanda kamfanin mai na Nnpc ke siyar da lita guda naira 1,030 a Abuja yayin da ake siyaarwa naira 1,070 a Kano.

Batun da mutane ke kokawa a kansa har ma aka yi kira ga shugaban kasa Bola Ahmed Tinubu da ya gaggauta mayar da tsohon farashin.

Karin da aka sake samu dai ya haifar da cece kuce ga yan kasar har ma da manyan yan siyasar Najeriya.

Labaran ƙasa

Gwamnatin Tarayya Ta Bai Wa Dillalan Mai Izinin Fara Siyo Mai Daga Matatar Dangote

Published

2 months ago

October 11, 2024

Matashiya

Gwamnatin tarayyar Najeriya ta bai wa dilallan man fetur izinin fara siyo mai kai tsaye daga matatar mai ta Dangote.

Gwamnatin ta ce daga yanzu ba sai dilallan mai sun tuntubi kamfanin mai na ƙasa NNPC ba.

A wata sanarwar da ministan kudi Wale Edun ya fitar yau, ya ce majalisar zartarwa ta kasa ta amince dilallan man su fara siyo man kai tsaye daga matatar ba tare da tuntubar NNPC ba.