Siyasa
Za mu shafe siyasar Atiku daga Gobe Asabar Inji Tinubu
Jigon jam’iyyar APC, Bola Tinubu, ya ce jam’iyyar su za ta yi wa dan takarar shugabancin kasa a karkashin jam’iyyar PDP, Atiku Abubakar ritaya kwata-kwata daga siyasa.
Tinubu y ace zaben shugaban kasa ya wuce a ce kawai zabe ne tsakanin mutane biyu, wato Shugaba Muhammadu Buhari da Atiku Abubakar.
Ya ce zabe ne mai muhimmancin da APC za ta tura Atiku zuwa zaman ritaya daga shiga harkokin siyasa kwata-kwata.
Duk da haka, Tinubu ya ce amma fa ya na so jama’a su sani cewa Atiku abokin sa ne na kusa, tun kafin ya fito takara, har yanzu ma da ya ke takara abokin sa din ne.
Sai ya ci gaba da cewa ya na fatan kuma zai ci gaba da kasancewa abokin sa bayan zaben gobe Asabar idan sun kayar da shi.
“Za mu yi wa Atiku korar yin ritaya daga siyasa don amfanin Najeriya gaba daya, kuma don amfanin shi kan sa Atikun.” Haka Tinubu ya kara bayyanawa a cikin takardar da kakakin yada labaran sa, Tunde Ramanu ya fitar ga manema labarai jiya Alhamis da yamma.
“Mu na so shi ma Peter Obi mu tura shi ritaya tare da Ogan sa, domin su je su zauna su natsu kuma su koyi yadda za su rika tausayin al’umma.
Ya kara da cewa a dukkan tsare-tsare da manufofin Atiku, babu wani abin alheri da ‘yan Najeriya za su amfana.
Da ya juya kan jam’iyyar su ya APC, ya ce a kullum manufofin APC su ne yadda za ta samar wa ‘yan Najeriya ingantacciyar rayuwa a cikin sauki, ba kamar manufofin da ke tattare da jam’iyyar PDP ba.
Ya buga misali da ayyuka irin su ciyar da daliban makaranta da shirin raba kudade na ‘tradermoni’ ga masu karamin karfi ‘yan tireda.
Har ila yau, Tinubu ya kara da cewa “duk da haka APC ba ta ma gamu da ayyukan da ta gudanar ba, shi ya sa ta ke so a kara zabar Buhari domin a kara samun ayyuka nunkin-ba-nunkin fiye da wanda aka samar a wannan shekaru hudu na zangon san a farko.”
Ya ce a zango na biyu Buhari zai kara himma sosai wajen inganta tattalin arzikin kasa.
Jam’iyyar APC da gwamnatin jihar Kano sun yi musayar yawu kan zargin wani shiri na karkatar da sama da Naira biliyan Takwas na kuɗin ƙananan hukumomin jihar.
Shugaban jam’iyyar APC na jihar Kano, Abdullahi Abbas, a wata sanarwa da ya fitar ranar Talata a Abuja, ya yi zargin cewa gwamnatin jihar na ƙoƙarin karkatar da naira biliyan 8,080,190,875.13.
A cewarsa rashin tabbas kan abin da zai kasance sakamakon hukuncin da kotun ƙoli ta yanke kan zaɓen gwamnan jihar ya sanya gwamnatin ɗaukar wannan matakin.
Shugaban jam’iyyar APC ya kuma gargadi ƙananan hukumomi da bankunan kasuwanci da su dakatar da shirin fitar da kuɗaɗen.
Jaridar Daily Trust ta ce da yake mayar da martani, kwamishinan yaɗa labarai na jihar Kano, Baba Halilu Dantiye, ya bayyana cewa.
Sannen abu ne cewa gwamnatin jihar Kano a ƙarƙashin ingantaccen shugabancin Injiniya Abba Kabir Yusuf, a cikin watanni bakwai da suka gabata ta yi suna wajen ganin an tabbatar da gaskiya da adalci da amfani da dukiyar al’umma yadda ya dace.
Ya kara da cewa gwamnatin Gwamna Abba Kabir Yusuf ba za ta bari mutanen da ke jin zafi ba domin faɗuwa zaɓe kaɗai ba, amma saboda sun yi asarar hanyoyin satar dukiyar gwamnati su ɗauke mata hankali ba.
Tsohon gwamnan jihar Kano, Ibrahim Shekarau ya tofa albarkacin bakinsa game da shari’ar zaben da ake yi a kotun koli.
A wata zantawa da aka yi da shi, Sanata Ibrahim Shekarau ya ba gwamna Abba Kabir Yusuf da Nasiru Yusuf Gawuna shawara.
Babban ‘dan siyasar ya yi kira ga gwamna mai-ci da Nasiru Yusuf Gawuna da kotu ta ce shi ya lashe zabe da su koma Allah SWT.
Malam Shekarau ya bukaci ‘yan siyasar su roki zabin Ubangiji kuma su karbi duk kaddarar da ta auka masu bayan hukuncin kotu.
Rohoton na zuwa ne a daidai lokacin da ake jiran kotun koli ta yi hukunci karshe a shari’ar zaben gwamnan na jihar Kano.
Tsohon Ministan ilmin ya yi magana a Rumfar Afrika, ya ce abin da ya fi dacewa shi ne ayi addu’ar zabi mafi alheri ga mutanen Kano.
Shekarau wanda ya yi gwamna tsakanin shekarar 2003 da 2011 ya yi wannan addu’ar, sannan ya ce yana fatan APC da NNPP za su yi irin haka.
Gwamnan jihar Kano Injiniya Abba Kabir Yusuf ya bayyana kwarin gwiwarsa a game da hukuncin Kotun Koli.
Abba Kabir ya bayyana haka ne a jiya Lahadi 24 ga watan Disamba a filin wasa na Sani Abacha yayin bikin horas da matasa 2,500 a jihar.
Gwamnan ya yabawa alkalan kan yadda suka dage don ganin sun yi adalci kan shari’ar da ke gabansu.
Ya kuma yi kira ga jama’ar jihar da su kwantar da hankalinsu da kuma kara musu karfin gwiwa kan alkalan kotun.
Abba Kabir ya tabbatar wa magoya bayansa cewa ya na da tabbacin samun nasara a shari’ar da za a yanke.
Wannan na zuwa ne bayan da kotunan baya su ka soke nasararsa.
Gwamnan ya sake daukaka kara zuwa Kotun Koli inda a ranar Alhamis 21 ga watan Disamba ta zauna domin sauraron korafin
-
Labarai2 months agoMafi Karancin Sadaki A Najeriya Ya Koma Dubu 99,241
-
Mu shaƙata1 year agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya5 years agoMenene Genotype ? Amfanin yinsa kafin Aure – Mujallar Matashiya
-
Bidiyo4 years agoWanene Halilu Ahmad Getso? Ƴar cikin Gida