Connect with us

Labaran jiha

Mun cafke ƴan daba 950 ɗauke da muggan makamai masu tarin yawa cikin kwanaki tara – Wakili

Published

on

Daga Tijjani Adamu

Rundunar ‘yan sandan jihar Kano, ta ce a cikin kwanaki tara ta kama ‘yan Daba dari tara da 50 a fadin jihar nan.
Kwamishinan ‘yansandan jiha, CP Muhammad Wakili ne ya bayyana hakan yayin da ‘yan kwamatin samar da zaman lafiya a harkokin zabe na jihar Kano, suka kai masa ziyara jiya a ofishin sa.
CP Wakili, ya ce ‘yan daban da ake zargi sun kama sune a wurare daban-daban na cikin kwaryar birni tare da mugan makamai a tattare dasu.
Ya kuma ce a cikin mutane 950 an gurfanar da mutane 750 wadanda tini aka tura su gidajen Yari daban-daban a fadin jihar nan wadanda kuma suke jiran a kammala yanke masu hukunci a kotuna.
CP Wakili, ya kuma kara da cewar wadanda aka kama cikin su akwai masu dauke da mugan makamai sai kuma wasun su an kama su ne da miyagun kwayoyi.

Click to comment

Leave a Reply

Labaran jiha

Wata Kotu Ta Daure Wani Mutum Kan Yunkurin Sayar Da ‘Yarsa A Jihar Legas

Published

on

Wata babbar kotu da ke Jihar Benue ta bayar da izinin garkame wani mutum wanda yayi kokarin sayar da ‘yarsa akan kudi Naira Miliyan 20.

Jami’an rundunar ‘yan sandan Jihar su ne wadanda su ka gurfanar da wanda ake zargin shi da abokinsa a gaban kotun.

Jami’an sun ce abokin nasa shine wanda ya taimaka masa wajen hadin baki domin a siyar da yarinyar da kuma safarar mutane.

Jami’ar ‘yar sanda mai gabatar da kara ta bayyana cewa an kama mutanen ne a lokacin da su ke kokarin sayar da yariyar mai shekara hudu.

Ta ce ana tsaka da cinikin yarinyar su ka kama mutanen yayin da mutumin da za su sayarwa da yariyar ya tsere.

Jami’ar ta kuma bukaci kotun da ta yanke musu hukuncin sakamakon karya wasu dokokin da su ka saba dokar Jihar.

Bayan gabatar da karar Alkaliyar kotun ta aike da su gidan yari zuwa ranar daya ga watan Disamba domin ci gaba da da shari’ar.

Continue Reading

Labaran jiha

‘Yan Sanda A Jihar Legas Sun Tsinci Wani Jajiri A Cikin Leda

Published

on

Rundunar ‘yan sandan Jihar Legas ta tabbatar da tsintar wani jajiri wanda ake kyautata zaton mahaifiyarsa ce ta jefar da shi a cikin Kwandon shara.

Kakakin rundunar ‘yan sandan Jihar SP Benjamin Hundeyin ya ce an tsinci yaron da aka jefar ne a cikin Leda.

Kakakin wanda ya dora hoton jajirin a shafinsa na Twitter a jiya Alhamis ya ce ba don an yi gaggawar gano yaron ba da tuni ya rasa ransa.

Benjamin ya kara da cewa tun bayan tsintar yaron yana cikin koshin lafiya.

Kakakin ya yi kira ga mata masu dabi’ar zubar da ciki da su daina hakan don ya saɓa da dojar ƙasa.

Inda ya ce jefar da jajiran babban laifi ne kuma idan aka kama mutum zai fuskanci hukuncin mai tsanani.

Continue Reading

Labaran jiha

‘Yan Bindiga Sun Karbi Buhun Shinkafa 20 Da Kayayyaki A Matsayin Kudin Fansa

Published

on

Wasu ‘yan bindiga sun saki wasu mutane 12 da su ka yi garkuwa da su a Jihar Kaduna.

Kafin sako mutanen ‘yan bindigan sun karbi buhun shinkafa 20 da buhun Wake 20 jarkar Man gyada Jarkar Manja da kuma katin waya harna naira 10,000 a matsayin fansar mutanen da su ka sace.

Rahotanni sun bayyana cewa ‘yan bindigan sun hallaka wani Manomi tare da yin garkuwa da mutane 20 a cikin gonakinsu da ke yankin Jangali da kwada duk da ke cikin yankin na Birnin gwari.

Kungiyar ci gaban masarautun Birnin Gwari BEPU ce ta bayyana hakan ta cikin wata sanarwa da ta fitar ta hannun shugaban kungiyar Ishak Usman Kasai a ranar Alhamis.

Sanarwar ta ce a baya ‘yan bindigan sun nemi naira 12 a matsayin kudin Fansar wasu manoma da su ka yi garkuwa dasu.

Continue Reading

Talla

Trending

%d bloggers like this: