Connect with us

Labarin wasanni

Zidane ya Ƙoma RealMadrid, don ya ceto su daga halin da suke ciki

Published

on

Ƙungiyar ƙwallon kafa ta Real Madrid ta sanar da dawowar tsohon mai horar da ƙungiyar ta,Zinadine Zidane horar da ƴan wasanta.
Tun bayan dakatar da Santiago Solari daga horar da ƴan wasan ajin farko zuwa horar da ƴan wasan Club din masu tasowa. Zidane ya ajiye aikinsa ne da kansa inda ya sanar da murabus dinsa bayan ya lashe kofuna. Zidane ya ajiye aikine kwanaki 2 bayan kai Club din ga nasarar cin kofin zakarun Turai karo na 3 a jere.
Tuni dai Real Madrid ta sanar da matakin bai wa Zidane sabon kwantiragin shekaru 3 wanda zai kai shi nan da shekarar 2022.
Yanzu haka dai Real Madrid na matsayin na 3 ne a teburin Laliga da tazarar maki 12 tsakaninta da Barcelona da ke saman tebur.

Click to comment

Leave a Reply

Labarin wasanni

Ronaldinho ya kammala wa’adinsa na zaman Kurkuku

Published

on

Daga Bashir Muhammad

Tsohon dan wasan kungiyar kwallon kafa ta Batcelona kuma dan Asalin kasar Brazil Ronadldinho ya kammala zaman kurkuku da yayi na tsawon wata shida.

Tun farko dai kotu a kasar Uruguai ce ta kama Ronaldinho da laifin shiga kasar da takardar jabu.

Wanda hakan yasa kotun ta yanke masa hukuncin zaman gidan kurkuku na tsawon watanni shida.

Yanzu haka dai Ronaldinho mai shkearu 40 ya koma kasarsa ta Brazil bayan kammala wa’adin sa na zaman kurkuku.

Ronadldinho ya taba lashe kambun dan wasan duniya har sau biyu a shekarar 2007 da 2008.

Ya kuma taimakawa kungiyar kwallon kafa ta barcelona wajen lashe kofuna daban daban a lokacin da ludayin sa kan dawo.

Continue Reading

Labarin wasanni

Buhari ya nada Amokachi Matsayin mai bashi shawara

Published

on

Shugaban kasa Muhammadu Buhari ya nada tsohon dan kwallon kafar Najeriya Daniel Amokachi a matsayin mai taimaka masa kan harkokin wasanni.

Ministan wasannin Sunday Dare shine ya sanar da hakan ta cikin wata takarda da Sakataren Gwamnati Boss Mustapha ya sanyawa hannu.
Takardar ta bayyana amincewar shugaban kasa Muhammadu Buhari na baiwa Amokachi mukamin mataimaki na musamman akan harkokin wasanni

Daniel Amokachi na daga cikin fitattun ‘yan kwallon kafar da suka daga darajar Najeriya wajen lashe mata kofin Afirka da Olympics, yayin da ya taka leda a kungiyar Everton ta Ingila da Club Brugge ta Belgium da kuma Besiktas ta Turkiya wasa.

Sau 3 yana lashe kyauta dan wasan Afirka da yafi fice saboda kwarewar sa, yayin da ya taka rawa wajen kai Najeriya gasar cin kofin duniya na farko a Amurka da Faransa.

Tsohon dan wasan ya kuma lashe gasar cin kofin Afirka a matsayin mataimakin mai horar da Super Eagle.

Continue Reading

Labarin wasanni

BARCELONA – Suarez zai koma tsohuwar kungiyarsa ta Ajax

Published

on

Akwai yiwuwar dan wasan gaba na Barcelona Luis Suarez, ya koma tsohuwar kungiyarsa ta Ajax dake kasar Holland, bayan makomarsa a Barcelonan ta shiga hali na rashin tabbas, a dalilin lallasa su da kwallaye 8-2 da Bayern Munich ta yi a gasar zakarun Turai.

Tuni dai Barcelona ta sanya ‘yan wasanta da shekarunsu suka tura a kasuwa, wadanda ake kyautata zaton Suarez na cikinsu, la’akari da cewar shekara guda kawai ta rage a yarjejeniyar da ya kulla da kungiyar, kuma a yanzu haka babu batun tattaunawa don kara wa’adinta.

Bayanai sun ce Ajax ta soma shirin mikawa Suarez tayin yi mata kome bayan shafe shekaru 9 da rabuwarsu.

A shekarar 2007 Suarez ya soma haskawa Ajax, inda ya shafe shekaru 3 da rabi, tare da ci mata kwallaye 111 a wasanni 159 da ya buga mata, kafin daga bisani ya koma kungiyar kwalon kafa ta Liverpool dake ingila a 2011.

Yanzu haka kuma, Suarez ya ci wa Barcelona kwallaye 195 a wasanni 292 da ya buga mata, tun bayan soma haskawa a kungiyar daga watan Yulin 2014.

Continue Reading

Talla

Trending

%d bloggers like this: