Connect with us

Siyasa

Abinda suka yi muka musu, yadda muka ci zaɓe a Gama – Abba Boss

Published

on

Ɗan siyasar nan a Jihar Kano Muhammad Aminu Adamu wanda ake kira Abba Boss ya bayyana hanyar da suka bi suka ci zaɓe a Kano.

Abba Biss ya bayyana hakan ne cikin shirin Abokin tafiya da ake tattaunawa da shi a Mujallar Matashiya.

Ya ce a lokacin zaɓen gwamna kafin a tafi zagayen cikon giɓi ƴan kwankwansiyya sun fito da mutane da yawansu ma a a hayyacinsu suke ba, hakan ya sa mutanensu shiga shakku wajen bayyana a wajen zaɓen.

Cikin shirin ya bayyana nasararsu da ɗaukar matakin kowa kwamanda ta hanyar zuba dakarunsu don tsare akwatunansu.

Ya ƙara da cewa duk jita jitar da ake yaɗawa cewa an yi riguma a Gama, a cewarsa ko mutum ɗaya bai ga an nunawa yatsa ba.

Abba Boss ya alaƙanta rashin nasarar jam iyyar PDP da hanyar da suka bi wajen zaɓen ƴan takara.

Sannan ya sha alwashin cigaba da ƙoƙari wajen kawowa al ummar jihar Kano ayyukan cigaba ta hanyar miƙa ƙoƙon bararsu ga gwamnan jihar Kano.

Click to comment

Leave a Reply

Siyasa

Da Gaske Shekarau Na Shirin Ficewa Daga Jam’iyyar NNPP Yau?

Published

on

Rahotanni daga wasu kafafen yada labarai a Najeriya sun nuna cewar Sanatan Kano ta tsakiya Malam Ibrahim Shekarau na shirin ficewa daga jam’iyyar NNPP.

Jaridun sun ce Malam Ibrahim Shekarau na ahirin komawa jam’iyyar PDP bayan ficewarsa daga NNPP.

A na zargin cewar ficewar Sanata Shekarau na da alaka da wasu manyan alkawura da ɗan takarar shugaban kasa a jam’iyyar PDP Atiku Abubakar ya yi masa.

Daga wani ɓangaren an jiyo cewar wasu daga cikin jiga-jigar jam’iyyar NNPP sun buƙaci ganin Malam Shekarau domin ganawa da shi sai dai hakan ba ta yuwu ba.

An jiyo wani batu da ke nuna cewar ɗan takarar shugaban kasa a jam’iyyar LP na neman Sanata Shekarau da ya koma jam’iyyar.

Ana zargin cewar Sanata Ibrahim Shekarau zai fice daga jam’iyyar NNPP zuwa jam’iyyar PDP a yau Talata.

Continue Reading

Labarai

INEC A Kano Ta Fara Aikin Faɗaɗa Hanyar Rijistar Katin Zaɓe

Published

on

Farfesa Riskuwa Arabu Shehu

Hukumar zaɓe mai zaman kanta a Najeriya INEC reshen jihar Kano ta ce ta fara aikin faɗaɗa hanyoyin rage cunkoso tare da tabbatar da cewar ƴan jihar Kano da su ka kai shekaru 18 zuwa sama sun mallaki katin zaɓensu na dindindin.

Shugaban hukumar farfesa Riskuwa Arabu Shehu ne ya bayyana haka yau a helkwatar hukumar yayin taron manema labarai.

Ya ce duba ga yawan mutane da su ke zuwa domin yin rijistar zaɓe, akwai buƙatar faɗaɗawa domin rage cunkoso tare da samar da ƙarin na’u’rorin rijistar ta yadda za a sauƙaƙwa jama’a.

Daga cikin ayyukan da hukumar ta mayar da hankali a kai akwai gyara ga waɗanda katin zaɓensu ya samu matsala ko ya lalace ko kuma ya ɓata, da waɗanda su ka samu sauyin gari ko unguwa ko mazaɓa, sai mutanen da su ka kai shekaru 18 kuma ba su taɓa yin rijistar kartin zaɓe ba.

Haka kuma hukumar ta jadda cewar mutanen da su ke da rijistar zaɓen, babu buƙatar su sabuntata muddin ba matsala ne katin ya ke da shi ba.

Farfesa Riskuwa Arabu Shehu ya ce hukumar ta duƙufa wajen ganin an ci gaba da aikin rijistar zaɓen a filin wasa na Sani Abacha indoor stadium da ke unguwar ƙofar mata a Kano.

Sannan hakan ba zai shafi sauran wuraren da ake yin rijistar ba kamar ofisoshin hukumar na ƙananan hukumomi da ma helkwatar hukumar da ake gudanar da katin zaɓen a hain yanzu.

Ya ƙara da cewa akwai wasu jami;an hukumar da za su dinga shiga mazaɓu domin yin rijistar katin zaɓen ga waɗanda ba su da shi ko gyara ga masu matsala.

Haka kuma hukumar ta ja kunnen masu ƙoƙarin sabunta rijistar da gangan a kan cewar, akwai doka da aka tanada ta ɗauri ko tara ko kuma a hadawa mutum biyun muddin aka sameshi da laifin.

Continue Reading

Labarai

INEC Ta Soke Sunayen Ƴan Takarar Sanata Uku Na APC

Published

on

Hukumar zabe mai zaman kanta a Najeriya INEC ta cire sunan shugaban majalisar Dattawa Sanata Ahmad Lawan daga cikin sunayen ‘yan takarar da kuma wasu mutane biyu da su ke neman takara a zabe mai zuwa.

Bayan cire sunan Ahmad Lawan hukumar ta cire sunan gwamnan Jihar Ebonyi Dave Umahi da kuma ministan Neja Delta sanata Godwill Akpabio wanda kafin zaben fidda gwani su ka tsaya takarar shugaban kasa a jamm’iyyar APC.

Kwamishinan yada labarai da wayar da kan jama’a a hukUmar ta INEC shine ya sanar da cire sunayen ‘yan takara da hukumar ta fitar a jiya Juma’a.

Kwamishinan ya bayyana cewa idan jam’iyya ta mikawa hukumar zabe sunan wani dan takara wanda ba ta hanyar zaben fidda gwani aka zabe shi ba to babu shakka hukumar ba za ta sanya sunan sa a cikin ‘yan takara ba.

Ya kara da cewa dukkan wanda hukumar zabe ta ambato sunan sa a jiya juma’a to ba ta hanyar zaben fitar da gwani aka zabe shi ba.

Sannan ya ce babu wata doka da ta tilasta wa hukumar zaben ta sanya sunan wani dan takara da ba a zabeshi ta hanyar zaben fidda gwani ba.

Continue Reading

Talla

Trending

%d bloggers like this: