Labaran jiha
Gwamna Ganduje Ya Yi Alkawarin Rattaba Hannu Ga Sabuwar Dokar Kirkirar Sababbin Masarautu A Jihar Kano
Daga Abba Anwar
Gwamnan Jihar Kano Dakta Abdullahi Umar Ganduje ya yi alkawarin rattaba hannu ba tare da bata lokaci ba, ga kudurin nan da Majalisar Dokoki ta Jihar za ta turo masa kan bukatar samar da wasu sababbin Masarautu guda hudu daga masarautar Kano.
Ya bayyana hakan ne a yau Laraba a jawabi ga ‘yan jarida daf da fara zaman Majalisar Zartaswa ta jiha, a karo na 136, a gidan gwamnatin jihar Kano.
Ya ce sun samu labarin wata kungiya wadda ya bayyana da masu kishin jihar Kano, su ka kai bukatarsu ga Majalisar Jiha kan kara kirkiro wasu masarautu daga wadda a ke da ita yanzu.
Sai ya ce “A shirye nake da na rattaba hannu a wannan Kuduri da zarar Majalisa sun turo min ba tare da bata lokaci ba.” Masarautun da a ke bukatar kirkirowa kuwa sune, a Rano, Karaye, Bichi da Gaya.
Ya kara da kalubalen cewa ai duk mutumin da ya zo da wannan irin bukata an tabbatar ya na da tsananin kishin jama’ar jihar Kano din ne. Da kuma jihar gaba dayanta, kamar yadda ya nuna.
“Da zarar Majalisa ta gama yin duk abubuwan da za ta yi a kan wannan kuduri, kuma su ka kawo min, to ina mai tabbatarwa da al’umma cewar zan sa hannu kudurin ya zama Doka nan take ba tare da bata wani lokaci ba,” ya ce.
Sannan kuma ya tunasar da cewa dama ai tuntuni shekaru da yawan gaske da su ka wuce an so a samar da wasu masarautun daga cikin masarautar jihar Kano, amma Allah bai yi ba.
A dalilin haka ya ce sai yanzu Allah Ya kawo lokacin da wannan abu zai tabbata. “Ba za mu bata lokaci ba kuwa wajen tabbatuwar wannan aikin na ci gaba,” ya kara tabbatarwa.
Ya kara da cewa ya dau aniyar sa wa kudurin hannu ne ya zama doka, musamman ma saboda wannan wani abin alheri na wanda jama’ar Kano su ke maraba da shi. Kuma hakan a cewarsa zai kara samar da ci gaba mai dorewa ga wannan jiha.
“Akwai tabbacin za a samu ci gaba na gaske a dukkanin bangarorin wannan jiha ta mu mai albarka. Fatanmu ma shi ne kar abin ya ja wani lokaci,” in ji Gandujen.
Mai alfarma sarkin Musulmi Alhaji Sa’ad Abubakar na lll ya nada gwamnan Jihar Kebbi Nasir Idris a sarautar gwarzon daular Usmaniyya.
Wakilin Sarkin Musulmi kuma sarkin Argungun Alhaji Samaila Muhammed Mera ne ya mika takardar nadin ga gwamnan a gidan gwamnatin Jihar ta Kebbi a jiya Juma’a.
Alhaji Sa’ad ya nada gwamna Nasir ne a sarautar ta Gwarzon Daular Usmaniyya ne bisa gudummuwar da yake bayarwa na taimakon al’ummar kasar.
Sarkin Muslumin ya bayyana cewa sarautar gwarzon daular Usmaniyya ana bayar da ita ne ga dukkan wanda ya sadaukar da kansa wajen taimakon al’ummar Jiharsa da dama Kasarsa baki daya.
Sarkin na Argungu ya kara da cewa masarautar Sarkin Musulmi na sa ne da irin gudummawa taimako da kuma kyautatawar da gwamnan ya ke bayarwa a wajen inganta rayuwar al’umma.
Acewar Argungun Majalisar masarautar sarkin Musulmi za ta bayyana ranar da za ta nadawa gwamnan rawanin sarautar nan ba da dadewa ba.
A yayin karbar takardar nadin gwamna Nasir ya mika godiyarsa ga masarautar sarkin Musulmi bisa dacewar da ta gani ta nadashi a matsayin.
Sannan gwamna Nasir ya ce gwamnatinsa da mutanen Jihar za su samar da lokaci domin zuwa yin godiya fadar Sarkin Musulmin da ke Jihar Sokoto domin nuna farin cikinsu da nadin da aka yi masa.
Gwamnan Jihar Legas Babajide Sanwo-Olu, ya bayar da umarni sakin fursunoni 55 daga gidajen gyaran hali daban-daban na fadin jihar.
Kwamishinam shari’a na jihar, Lawal Pedro, SAN, ne ya bayyana hakan a wata sanarwa da ya rattaɓawa hannu.
Gwamna ya amince da sakin mazauna gidan gyaran halin ne bisa shawarwarin da majalisar duba yiwuwar yiwa fursunoni afuwa ta jihar.
Wasu rahotannin na nuni da cewa, bayan ci gaba da fuskantar rikice-riciken cikin gida da ake ci gaba da fuskanta a jam’iyyar NNPP a Kano, gwamnan Jihar, Injiniya Abba Kabir Yusuf ya daina daga Wayar uban gidansa Sanata Rabi’u Musa Kwankwaso.
Rahotanni sun bayyana cewa daga cikin abubuwa da suka kara rura wutar rikicin jam’iyyar ciki harda batun nada Kwamishinoni.
Hakan ya sanya gwamna Abba Kabir ya gujewa haduwa da jagoran nasa Rabi u Kwankwaso.
Sai dai bayan bullar takun sakar da ya fara shiga tsakanin Kwankwaso da Abba, gwamnatin Jihar ta Kano ta fito ta musantan jita-jitar da ke yawo cewa baraka ta kunno kai tsakanin gwamnan Jihar Injiniya Abba Kabir Yusuf da ubangidansa Sanata Rabi’u Musa Kwankwaso, har ta kai ga baya daga wayarsa.
Hadimin gwamnan na musamman kan shafukan sada zumunta Salisu Yahya Hotoro ne ya bayyana hakan ta cikin wata wallafa da yayi a shafinsa na facebook a yau Litinin.
Hadimin gwamnan ya bayyana cewa ko kadan babu kanshin gaskiya a cikin rahotannin da ake yadawa akan Kwakwaso da Abba.
Acewar Hotoro har yanzu akwai alaka mai karfi tsakanin Kwankwaso da Abba, babu wani abu da ta shiga tsakaninsu.
Gwamnatin ta Kano ta bukaci mutane da su yi watsi da jita-jitar da ba ta da tushe balle makama.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari