Liverpool ce ta dace ta sayi Messi a yanzu

Wani Tsohon ɗan wasan Liverpool, Craig Johnson,ne ya bawa ƙungiyar liverpool shawara cewa a yanzu ƙarfin ta ya kawo ya kamata ta yi yunƙurin sayen gwarzon ɗan wasan Barcelona Lionel Messi.
Johnson, ya ce darajar Liverpool a halin yanzu ta kai matsayin soma tunkarar sayen manyan ƴan wasa idan akayi la’akari da yadda liverpoo ta lallasa Barcelona da kwallaye 4-0 a zagaye na 2, na wasan kusa da na ƙarshen gasar zakarun Turai.
Barcelona dai ta barar da damar kaiwa zagayen ƙarshe na gasar Zakarun Turai, a wasan da suka fafata da Liverpool duk da cewa, a zagayen farko na wasan kusa da na ƙarshen, Barcelona ta samu nasara a gida da 3-0.