Labaran ƙetare
Wajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
Sarkin ƙasar Swaziland King Msawati lll ya tabbatar da dokar cewa duk wani namiji a ƙasar wajibi ne ya auri mata 4. Ko ya tafi gidan yari.
Sarkin ya bayyana cewa a watan June dokar zata fara aiki, kuma gwamnati ta shirya tsaf wajen ɗaukar dukkanin nauyin komai na auren tare da gidajen da mazajen zasu zauna.
Wannan dokar da sarki Mswati lll ya tabbatar ya biyo bayan yawaitar Mata da ake fama dashi a garin tare da ƙarancin mazaje don haka gwamnati ta ɗauki wannan gabarar tabbatar da wannan doka.
A cewar sarki bijirewa dokar a tsakanin namiji ko mace ka iya jawo musu ɗaurin rai da rai.
Sarkin ya ƙara da cewa shi kanshi a halin yanzu yana da mata 15, da ƴaƴa 25.
Haka zalika mahaifinsa yana da 70 tare da ƴaƴa 150. A sabo da haka bai ga dalilin da wani zai bijirewa wannan doka ba.
Shugaban ƙasar Amurka Donald Trump ya bayyana cewa, babu wata niyya ko shiri na sauƙaƙa haraji akan ma’adanan Steel da kuma Aluminium sakamakon barazanar kasuwanci da ƙasar ke fuskanta daga takwarorinta.
Tun a watan Janairu ne dai shugaba Trump ya sanya haraji ga abokan kasuwanci da kuma masu shiga da kayayyaki, ciki har da ma’adanan Steel da kuma Aluminium.
Trump ya yi hakan ne dai da niyyar juya akalar ƙara samun kuɗi, da kuma tsoron kar shirye-shiryensa su jefa ƙasar cikin mashashsharar tattalin arziki.
Donald Trump ya shaidawa manema labarai cewa, bashi da niyyar cire tsarin harajin akan wasu keɓaɓɓun abubuwa.
Inda ma ya kuma ƙarfafa tunanin ruɓanya tsarin harajin nan da 2 ga watan Afrilu, dan magance matsalar kasuwanci da kuma sauran matsalolin a ɓangaren.
Trump ya ce zuwa yanzu ƙasar ta samu biliyoyin daloli da tsarin, kuma nan da watan Afrilun za su kuma samun kuɗaɗe masu yawan gaske.
Wani mummunan harin bom daga ƴan ƙunar baƙin wake ya hallaka mutane fararen hula 12 a ƙasar Pakistan, cikinsu harda ƙananan yara shida.
Lamarin dai ya auku ne a Arewa maso Yammacin ƙasar a jiya Talata, yayin da wasu mahara su biyu su ka tuƙo mota ɗauke da abin fashewar zuwa wajen jami’an tsaro da ƴan sanda.
Gagarumin harin dai ya haifar da yaɗuwar hatsaniya tare da rikito da rufin wani Masallaci da ke kusa da wajen, a daidai lokacin da mazauna yankin su ke gudanar da buɗa bakin ibadar azumin watan Ramadan.
Harin kuma dai ya shafi cunkoson hada-hadar kasuwanci a wajen, tare da jikkata wasu mutanen da kuma lalata gine-gine.
Jami’an tsaro sun samu nasarar daƙile maharan daga shiga sansanin sojojin wajen, bayan sun yi artabun musayar wuta da su tare da hallaka mutane shida daga cikinsu.
Kawo yanzu dai babu wata ƙungiya da ta ɗauki alhakin kai harin, sai dai a ƴan kwanakin nan ƙungiyar ƴan Taliban ta Pakistan ta tsaurara tsangwama ga jami’an tsaro, musamman a yankunan da su ka yi iyaka da ƙasar Afghanistan.
Sabon shugaban ƙasar Ghana John Dramani Mahama ya sha alwashin gudanar da mulki na gaskiya da adalci a ƙasar.
Mahama ya bayyana haka jiya Talata a jawabin da ya yi jim kaɗan bayan rantsar da shi.
A cewarsa zai tabbatar da inganta bangaren tattalin arzikin ƙasar
Babban mai Shari’a a kasar ne ya rantsar da shu a Black Star Square da ke Accra babban birnin ƙasar
Dubban mutane ne su ja halarta domin shaida rantsuwar.
Mahama ya mulki kasar tsakanin shekarar 2013 zuwa 2017.
Mahama ya lashe zaben da kaso 56 a ranar 9 ga watan Disamban shekarar da ta gabata.
Shugaban Najeriya kuma shugaban kungiyar ECOWAS Bola Ahmed Tinubu na daga cikin manyan baki na musamman da su ka halarta.
Haka kuma akwai sauran manyan shugabannin kasashen Afrika da s ka hakarta.
-
Labarai1 year agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini5 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari
-
Bidiyo4 years agoWanene Halilu Ahmad Getso? Ƴar cikin Gida