Connect with us

Siyasa

Ɓarnatar da kuɗi ake son yi ya sa Ganduje ya ƙirƙiri sarakuna huɗu a Kano – Abba K Yusuf

Published

on

A karon farko ɗan takarar gwamnan jihar Kano a jam iyyar PDP Abba Kabir ya bayyana cewar ɓarnar kuɗi ne ya sa gwamnatin Kano ta ƙirƙiri sarakuna huɗu a Kano.

Abba Kabir ya bayyana hakan ne yayin shan ruwa da masu hada hadar sufuri a jihar Kano.

Ya ce maimakon gwamnati ta mayar da hankali wajen samar da abubuwan more rayuwa ga al umma amma ta ƙirƙiri masarautu na yadda za ta wawashe kuɗin al umma.

Cikin wata sanarwa mai ƙunshe da sa hannun kakakin ɗan takarar gwamnan Sunusi Bature ya aikewa nujallar Matashiya, ya ce, abinda ya kamata a yi shi ne samar da asibitoci, makarantu da sauran abubuwan da al umma za su amfana.

Amma ba da jimawa ba jama ar Kano za su dara ganin kotu ta kusa kammala shari a a kan zaɓen a cewarsa.

Alhakin rubutu Mujallar Matashiya.

Click to comment

Leave a Reply

Siyasa

An Yi Kira Ga Tinubu Ya Zaɓi Ganduje Matsayin Mataimakin Shugaban Ƙasa

Published

on

Magoya bayan ɗan takaran kujerar shugaban ƙasa, Asiwaju Bola Tinubu, sun buƙaci ya zaɓi Gwamna Abdullahi Ganduje matsayin mataimakinsa inda ya lashe zaɓen fidda gwani.

Ɗaruruwan masoyan da suka tarɓi ɗan takarar a tashar jirgin sama na Mallam Aminu Kano, suna yi ihun “Najeriya sai Bola Tinubu tare da Ganduje matsayin mataimakin shugaban ƙasa.”

Tinubu ya kai ziyara jihar Kano ne domin ganawa da deleget ɗin jam’iyyar don neman goyon bayansu a zaɓen fidda gwanin ɗan takaran shugaban kasa.

Gwamnan Kano, Dakta Abdullahi Umar Ganduje, shi ne ya jagoranci tawagar shugabannin jam’iyya zuwa wurin tarbar ɗan takarar shugaban ƙasa.

Tinubu jagora ne a jam’iyyar All Progressives Congress, kuma tsohon gwamnan jihar Legas

Za’a gudanar da zaɓen fidda gwanin ranar 29 ga Mayu, a farfajiyar Eagle Square dake Abuja.

Continue Reading

Siyasa

Jam’iyyar APC Mai Mulki Ta Ci kasuwa Sosai Ta Tara Sama Da Biliyan N29 Daga Siyar Da Fom Ɗin Takara

Published

on

Jam’iyya mai mulki (APC) All Progressives Congress ta tara makudan kuɗi sama da naira biliyan 29 daga siyar da fom ɗin takarar kujeru daban-daban a babban zaben 2023.

Jam’iyyar ta (APC) ta tsawwala fom dinta na takarar shugaban ƙasa zuwa naira miliyan 100, na gwamna naira miliyan 50, na sanata naira miliyan 20 sannan na ƴan majalisar wakilai naira miliyan 10.

Babban sakataren tsare-tsare na jam’iyyar ta ƙasa, Sulaiman Argungu, ya bayyana wa manema labarai hakan a Abuja.

Ya bayyana cewa ƴan takara 145 ne suka siyi tikitin takarar gwamna, 352 suka siya don takarar zaɓen fidda yan takarar sanata.

Ya ƙara da cewa 1,197 sun yanki fom ɗin majalisar wakilai yayin da masu neman takarar shugaban ƙasa 28 ma suka yanki nasu fom ɗin.

Jam’iyyar ta tara naira miliyan 2.8 daga siyar da fom ga ƴan takara 28, naira miliyan 7.2 daga ƴan takarar gwamna 145, naira miliyan 7 daga masu neman takarar sanata.

Sai kuma naira miliyan 11.9 daga masu neman kujerar majalisar wakiali, inda jimlar kuɗin ya kai sama da naira biliyan 29.

Zuwa yanzu, muna da masu neman takarar gwamna 145. Mun kafa kwamitoci uku domin tantance su.

Muna da masu takara 351 da suka yanki tikitin takarar sanata, yayin da muke da masu neman takarar kujerar majalisar wakilai 1,197, da kwamitoci 20.

Zuwa yanzu muna da masu takarar shugaban ƙasa 28.

Kwamitocin majalisar dattawa za su kasance huɗu.

Bugu da kari, muna da tsare-tsaren jam’iyyarmu da za a baiwa kowani kwamiti don tantancewar, da kuma kwamitin ɗaukaka kara.

Muna kuma da tsari, na fom ɗin tantancewa da za a baiwa kowani kwamiti.”

Ya kuma bayyana ranar 23 ga watan Mayu a matsayin ranar tantance ƴan takarar shugaban ƙasa.

Continue Reading

Siyasa

Babu Sauran Batun Karɓa-Karɓa A Jam’iyar PDP Kowa Na Iyayin Takarar Shugaban Ƙasa

Published

on

Kwamitin zartarwa, NEC, na jam’iyyar Peoples Democratic Party, PDP, ta yanke shawarar bawa kowa fitowa takarar shugaban ƙasa a maimakon mika mulkin ga yanki guda na ƙasar.

Kwamitin zartarwa na jam’iyyar PDP, ta yi watsi da tsarin karɓa-karɓa ta ce kowa zai iya neman takarar shugaban ƙasa.

Jam’iyyar ta kuma tabbatar da cewa za ta yi taronta na ƙasa a babban birnin tarayya, Abuja a ƙarshen watan Mayun 2022.

Mai magana da yawun PDP, Debo Ologunaba, ya bayyana hakan yayin da ya ke yi wa manema labarai jawabi a sakatariyar jam’iyyar a Abuja.

Kwamitin mai jagorancin Gwamna Samuel Ortom na Jihar Benue ne ya bada shawarar cewa duk da cewa karɓa-karɓa na kundin tsarin jam’iyyar, a jingine shi a babban zaɓen 2023.

Da ya ke magana kafin zaɓen na NEC, Dr Iyorchia Ayu, shugaban jam’iyar na ƙasa, ya ce NEC din tana aiki tare da rana don daidaita jam’iyyar.

Yayi bayani kamar haka:

“Muna kan aiki domin babban taron mu na ƙasa, kuma za mu yi muku bayani a nan gaba.

Muna son mu miƙa godiya da waɗanda suka yi aiki, a kwamitoci daban-daban.

“Yanayin jam’iyyar ya fara canja wa, kowa na aiki tuƙuru kuma idan muka cigaba a haka babu abin da zai hana mu kwace mulki daga jam’iyyar APC.

“Shugaban ƙungiyar gwamnonin PDP kuma Gwamnan Sokoto Aminu Tambuwal ya ce yanzu ma aka fara yi wa jam’iyyar garambawul kuma ‘muna tare da kai har zuwa zaɓe na ƙasa.”

Continue Reading

Talla

Trending

%d bloggers like this: