Connect with us

Labaran jiha

Ahmed Ilyasu ne sabon kwamishinan ƴan sandan jihar Kano – Ƙalubale biyar da Mujallar Matashiya ta yi nazari a kai

Published

on

Bayan ajiye aiki cikin yanayin kammala aikin gwamnati kamar yadda gwamnatin ta tsara da Kwamishina Mohammed Wakili (Singam) ya yi, an kawo sabon kwashinan ƴan sanda Ahmed Ilyasu don maye gurbinsa.

Kwamishinan ƴan sanda Mohammed Wakili ya ajiye aikinsa ne a ranar 26 ga watan da muke ciki bayan da ya cika shekaru 36 yana aikin ɗan sanda.

Rahotanni na nuni da cewa sabon kwamishinan ƴan sandan da aka kawo ya kasance yana da matakin Mastarin Digiri a harkokin kasuwanci ta bunƙasa shi.

Tsohon kwamishinan ƴan sanda Mohammed Wakili dai ya yi ƙaurin suna wajen yaƙi da kwaya da maau kwaya kamar yadda a kowanme lokaci ya ke iƙirari

Ko wanne ɓangaren sabon kwamishinan ƴan sanda na yanzu zai fi mayar da hankali?

Akwai ɓangarorii da dama na harkokin tsaro da ke barazana a jihar Kano.

Mujallar Matashiya ta yi nazarin yadda ake amfani da ƴan sanda wajen kauda kai ko aikata laifi da ma basu na goro a mataayin toahiyar baki.

Wannan dai ba sabon abu bane ganin cewa an saɗe ana ruwa ƙasa na shanyewa

Na biyu jihar Kano babban gari ne da ke ɗauke da miliyoyin mutane, sai dai akwai ƴan sara suka da ke neman zama ruwan dare kamar yadda wasu ke amfani da manyan taruka don yin fashi da taakar rana.

Na uku cin zarafin al umma, wasu daga cikin ɓata garin ƴan sanda na cin zarafin al umma don biyan buƙatarsu musamman idan suka nemi a musu adalci a lokuta da dama, misalin bayar da beli wanda aka ce kyauta ne a kowanne caji ofis ɗin ƴan sanda.

Na huɗu, tsaron lafiya da dukiyar al umma a haka aka gina aikin ɗan sanda amma wasu mutanen na cikin barazana kamar yadda ake safarar miyagun kwayoyi daga wasu ƙasashen zuwa jihar Kano ba tare da tabbatar da hukunta waɗanda ake zargi idan an tabbatar da sun aikata laifi ba.

Na biyar walwalar jama a tare da amsa sunan Ɗan sanda abokin kowa, yadda ƴan sanda za su shigo da sabbin hanyoyi don ƙara ƙulla alaƙa tsakaninsu da mutane na yadda za su saki jiki har su bada bayan sirri ga jami an tsaro ba tare da fargabar watangaririya da rayuwarsu ba.

Mujallar Matashiya ta yi wani hoɓɓasa na yin wani faifan bidiyon yadda za a kawo sauyi a wani ɓangaren na aikin ɗan sanda kamar yadda za ku gani a ƙasa.

Click to comment

Leave a Reply

Labaran jiha

An Sanya Wuta A Fadar Sarkin Kano

Published

on

Wasu rahotanni sun bayyana cewa wasu da ba a san ko suwaye ba sun cinna wa fadar Sarkin Kano Sarki Muhammadu Sanusi II wuta.

Wata majiya daga fadar ta bayyana cewa lamarin ya faru ne a dare ranar Juma’a da misalin karfe 11 na dare.

Majiyar ta bayyana cewa wutar ta haifar da konewar gurin da sarki ke zama domin gudanar da zaman fada a dukkan ranar Litini.

Majiyar ta kara da cewa kofar Kudu da aka sanywa wutar tana da kofa ciki da waje, inda aka balle makullin ƙofar tare sanya wuta daga bisa kuma suka rufe.

Acewarta wutar ta kone karagar sarkin da  na’urar sanyaya daki wata Asi da kuma sauran kayayyakin da ke cikin dakin.

Sai dai da aka nemi jinta bakin mai magana da yawun Hukumar Kashe Gobara na Kano, Saminu Yusif Abdullahi dangane da faruwar lamarin, ya bayyana cewa ba su da rahotan kan lamarin sakamakon ba su samu kiran waya dangane da lamarin.

Anashi bangaren Shugaban Ma’aikatan Fadar Sarkin Munir Sanusi Bayero Dan Buram Kano ya tabbatar da faruwar lamarin ta cikin wata sanarwa da ya fitar.

A sanarwar da Munir din ya fitar, ya ce da safiyar yau Asabar 13 ga watan Yuli 2024 wutar ta tashi a kotun Sarki da ke kofar Kudu a Jihar.

Munir Sanusi ya ce babu wanda ya jikkata kuma barnar da wutar ta yi babu yawa.ya ce ya zuwa yanzu ana ci gaba da gudanar da binciken domin gano dalilin tashin gobarar tare da daukar mataki akai.

Continue Reading

Labaran jiha

Hukumar Hisba A Kano Ta Kori Daya Daga Cikin Kwamandojin Ta

Published

on

Hukumar Hisbah ta jihar Kano ta kori daya daga cikin kwamandojin ta, tare da binciken wasu mutane biyar bisa laifin kawo cikas a yaki da lalata da zamantakewa a jihar.

Shugaban hukumar Sheik Aminu Ibrahim Daurawa ya ce an samu kwamandan da aka kora da aikata rashin da’a, yayin da ake ci gaba da binciken sauran wasu mutane biyar.

Ya bayyana cewa jami’in da aka kora ya saba hada kai da mugayen mutane don tafka munanan ayyuka a jihar.

Ya ce, sun kori Mataimakin Sufeto na Hisbah (DSH) tare da bayyana cewa ana neman sa, duk inda aka same shi a kama shi a gurfanar da shi a gaban kuliya.

A cewar sa ya kan hada kai da masu gudanar da otal din don kada hukumar Hisbah ta mamaye otal din nasu a yayin gudanar da ayyukanta.

Daurawa ya kuma musanta zargin cewa jami’anta sun aske gashin wani da ba dan asalin jihar ba da kwalba bayan sun kai farmaki gidan mata masu zaman kansu a jihar.

Wani mai amfani da kafar sadarwa ta Facebook ne ya yi wannan zargin, amma Daurawa ya yi watsi da batun wanda ya alakanta a matsayin masu tada zaune tsaye.

Continue Reading

Labaran jiha

Gwamnatin Tinubu Ta Maida Hankali Ne Kan Abubuwan Da Suka Addabi Kasar-Remi Tinubu

Published

on

Mai dakin shugaban kasa Bola Tinubu Remi Tinubu ta bayyana cewa gwamnatin shugaba Bola Tinubu ta mayar da hankali ne akan gyaran matsalolin da suka addabi Kasar.

Remi ta bayyana haka ne a yayin da ta halarci coci domin yin addu’o’i da kuma bikin cikar Kasar shekaru 63 da samun ‘yancin kai a ranar Lahadi.

Uwar gidan shugaban ta ce mai gidan ta ya tarar da tarin matsaloli masu yawa daga gwamnatin da ya gada.

Remi ta kara da cewa duk da tarin matsalolin da mai gidan ta ya gada, ya kuduri aniyar shawo kan matsalolin da kasar ke fuskanta.

Kazalika ta ce Tinubu zai yi kokari wajen ganin ya gyara dukkan kurakuran da ya tarar a cikin kasar.

Sannan ta ce nan ba da jimawa ba ‘yan Kasar za su dawo cikin walwala da jindadi daga cikin halin matsin da suka tsinci kansu.

Continue Reading

Talla

Trending

%d bloggers like this: