Labarai

Buhari na Daf da bayyana sunayen Ministocinsa

Published

4 years ago

June 29, 2019

sakataren gwamnatin tarayya, Boss Mustapha ya bayyana cewa shugaban kasa muhammad Buhari na shirye shryen sanar da sunayen sabbin ministocinsa.

Boss ya bayyana cewa Shugaban kasa Muhammadu Buari zai sanar da ministocinsa a watan Yuli, yace hakan zai zo ne bayan yan majalisu sun dawo daga hutun da suke a yanzu.
Sakataren gwamnatin tarayya Boss Mustapha a ranar Alhamis, 27 ga watan Yulin 2019, Shugaban kasa Muhammadu Buhari zai sanar da sunayen ministocin fadarsa Aso Rock dake Abuja.
A cewar jaridar The Guardian, Mustapha ya bayyana cewa za a kaddamar da sabon majalisar Buhari da zaran yan majalisu sun dawo daga hutu.
Ya kara da cewa shugaba Buhari zai gabatar da lamarin gaban majalisar dokokin tarayya ba tare da bata lokaci ba.
Sabanin hasashen da ke yawo a tsakanin ‘yan Najeriya, ba lallai ne a kafa majalisar Shugaban kasa Muhammadu Buhari ba kan watan Oktoba, musamman duba ga barazanar da ‘yan majalisar tarayya suke yi na kaurace ma majalisar dokokin har sai an biya su alawus dinsu.
Jaridar Guardian ta ruwaito cewa makonni biyu bayan rantsar da yan majalisun dattawa da majalisar wakilai, majalisar dokokin tarayya ba’a biya su alawus da hakokin su ba, wanda doka ta tanadar a basu. Ana ganin wannan ka iya kawo nakasu a aikin majalisun biyu.

Labarai

Zagon Kasan Da Kwankwaso Ya Yi Wa Jam’iyyar NNPP Ya Sa Ba Muyi Nasara A Kotuba- Alhaji Abbas

Published

4 hours ago

September 21, 2023

Amina Muhammad

Babban jigo a jam’iyyar NNPP, Alhaji Abbas Onilewura ya zargi dan takarar shugaban kasa a jam’iyyar, Rabiu Kwankwaso kan rasa nasarar jam’iyyar a jihar Kano.

A jiya Laraba 20 ga watan Satumba kotun ta yanke hukunci inda ta tsige Gwamna Abba Kabir na jam’iyyar a matsayin gwamna.

Kotun kuma ta tabbatar da Nasiru Gawuna na jam’iyyar APC a matsayin wanda ya lashe zaben.

Yayin da ya ke martani kan hukuncin, Abbas ya ce Kwankwaso ya siyar da jam’iyyar lokacin da ya ke tattaunawa da APC kan mukamin minista a Abuja.

Onilewura ya bayyana haka ne a yau Alhamis 21 ga watan Satumba a cikin wata sanarwa da ya fitar.

Ya ce zagon kasa da Kwankwaso ya yi wa jam’iyyar ce ya jawo rashin nasararta a hukuncin kotun da aka yanke a jiya.

Ya kara da cewa Wannan rashin nasara babbar asara ce a jam’iyyar mu kuma hakan ya faru ne saboda son rai na Kwankwaso wanda ya siyar da jam’iyyar.

Labarai

Gwamnatin Delta Ta Amince Da Rage Kaso 25 Na Kudin Jami’a A Jihar

Published

18 hours ago

September 20, 2023

Amina Muhammad

Gwamnatin jihar Delta ta amince da rage kashi 25 na kudin makarantar daliban jami’a a jihar.

Wannan dai wani bangare ne na tallafin da gwamnatin za ta bai wa daliban kuma ya shafi jami’a hudu mallakin jihar.

Hakan na kunshe a wata sanarwa da babban sakataren yada labaran gwamnan Festus Ahon ya sanyawa hannu ranar Laraba.

Sanarwar ta ce gwamnan ya bayar da umarnin bai wa ma’aikatan jihar tallafin naira dubu goma kowanne tsawon watanni uku.

Sannan an amince da kashe naira biliyan 5.522 ga ma’aikata 50,196 a matsayinalawus da aka yi musu karin matsayi.

Sannan gwamnatin za ta kashe naira biliyan goma wajen raba buhun shinkafa 17,000 da sama da buhu masara 60,000 ga marasa karfi.

Labarai

Cibiyar Kare Hakkin Yan Jaridu Ta Yi Allah-Wadai Da Cin Zarafin Yan Jarida A Kano

Published

18 hours ago

September 20, 2023

Amina Muhammad

Cibiyar kare hakkin yan jarida ta duniya ta yi Alla wadai da cin zarafin yan jarida da wasu yan sanda su ka yi a Kano yau Laraba.

Salim Umar na jaridar Daily Trust da Zahradden Lawal na jaridar BBC an ci zarafinsu tare da lalata layan aikinsu yayin da us ke bakin aiki.

Babban jami’in kare hakkin yan jarida na duniya Melody Akunjiyan ne ya bayyana haka a wata sanarwa da ya aikewa manema labarai a yau.

Cibiyar ta ce abin takaici ne ganin yadda yan sandan su ka nuna rashin kwarewa ta hanyar cin zarafin yan jaridan yayin da su ke bakin aiki.

Cibiyar ta bukaci hukumar yan sanda ta kasa da su kula tare da kiyayewa a gaba wajen cin zarafin yan jarida musamman idan aiki ya hadasu da jami’an yan sanda.