Labaran ƙetare
Muna so a ƙarawa giya da sigari haraji – Matan Africa
Ƙungiyar matan shugabannin Afrika dake halartar taron ƙasashen nahiyar Afrika (AU) a jamhuriyar Nijer sun buƙaci a tsaurara haraji kan abubuwan dake haddasa cutar kansa musamman Taba sigari da kuma Barasa.
Uwar gidan shugaban ƙasar Burkina Faso SIKA KABORI, wacce itace ta wakili takwarorinta na sauran kasashen Afrika wajen bayyana wannan buƙata a taron dake gudana a ƙasar Nijer.
A cewarta Binciken masana yace aƙalla mutane miliyan tara ne ke mutuwa a duk shekara sakamakon kamuwa da cutar kansa, kuma kashi 70 cikin 100 daga cikinsu sun fito ne daga kasashe suke masu fama da talauci.
Matan shuwagabannin Afrika sun koka matuƙa kan yadda Taba sigari da barasa ke da matuƙar sauƙi a nahiyar Afrika, saɓanin yadda abin yake a nahiyar turai, don haka suka ɓukaci a tsaurara matakai ta hanyar ƙara haraji akan Taba sigari da kuma barasa domin suyi wahalar sa mu a wurin masu amfani dasu.
Ma’aikatar shari’a a ƙasar Saudiyya ta saka dokar hana aurar da mutanen da suke ƙasa da shekaru goma sha takwas.
Ministan shari’a kuma shugaban majalisar alƙalai a ƙasar Sheikh Walid Al-Samaani shi ya sanar da hakan bayan da ƙasar ta amince a kan dokar.
An aike da umarnin hakan ga dukkan kotu a ƙasar don tabbatar da dokar.
Tun tuni ake ta sukar lamarin auren ƙasa da shekaru 18 wanda ake ganin na kawo cikas ga lafiya da rayuwar ƴaƴa mata.
Ɗan takarar shugaban ƙasar Amurka Joe Biden ya lashe zaɓen shugabancin ƙasar da ƙuri u 273, yayinda mai bi masa a ƙuri a Donald Trump ya samu ƙuri u 214.
Sakamakon ya kammala bayan ƙidaya ƙuri ar jihar Pennsylvania, jihar da ɗan Donald Trump ke zargin an juyar da adadin masu zaɓarsa.
Joe Biden shi ya yi takarar ƙarƙashin jam iyyar Democrat yayin da Donald Trump ke takara ƙarƙashin Republican.
Aƙalla mutane 340,089 ne suka kamu da cutar Korona a ƙasar saudiyya bayan samun sabbin mutane 474 da suka kamu da cutar a jiya talata.
Hukumar lafiya a ƙasar ta wallafa cewar an samu mutane 19 da cutar ta hallaka a jiya.
Cikin sanarwar da hukumar ta fitar ta ce mutane 326,339 ne suka warke daga cutar a fadin ƙasar sai mutane 5,087 da cutar ta yi ajali a faɗin ƙasar baki ɗaya.
A yanzxu haka dai mutane 8,663 ne ke ɗauke da cutar sai mutane 839 da suke cikin mawuyacin hali a sanadiyyar kamuwa da cutar.
Tuni aka fara komawa harkoki a ƙasar sakamakon shawo kan annobar cutar wadda ta yi sanadiyyar rufe wuraren ibada, kasuwanni, da wuraren wasanni.
-
Labarai1 week agoDa Ɗumi-Ɗumi A Na zargin Bam Ya Tashi a Unguwar Sabon Gari A Kano Yanzu
-
Labaran jiha1 week agoƳan Bindiga Sun Hallaka Mutane Shida Sun Tafi Da Sarkin Garin Ƙarfi Dake Jihar Kano
-
Labarai2 weeks agoASUU Ta Janye Yajin Aikin Da Ta Ke Yi
-
Labarai2 weeks agoINEC Ta Sanar Da Ranar Rufe Yin Rijistar Katin Zaɓe
-
Labarai4 days agoZa’a Daina Anfani Da Kuɗin Takarda A Najeriya – CBN
-
Labarai6 days ago
Sabuwar Ƙungiyar Ta’addanci Ta Ɓulla A Kaduna
-
Labarai2 weeks agoAn Rufe Makaranta Bayan Ƙone Ɗaliba Da Ranta Bisa Ɓatanci Ga Annabi A Sokoto
-
Labarai2 weeks agoJihohi 32 A Najeriya Na Iya Fuskantar Mummunar Ambaliyar Ruwan Sama A Bana