Connect with us

Labarai

Shugaban mujallar Matashiya Abubakar ya aike da wasiƙa ga gwamnan Kano Ganduje

Published

on

Assalamu alaikum mai girma gwamna da fatan kana cikin ƙoshin lafiya, Allah ya ƙara shiga cikin lamuranka na shugabanci na yadda za a kyautatawa al ummar da ake mulka.
Bayan gaisuwa mai yawa zan yi amfani da wannan dama don yabawa da namijin ƙoƙarinka bisa ɗaukar mutane matasa waɗanda za a kaisu ƙasar waje don ƙarin ilimin sana o i daban daban, tabbas wannan nasara ce musamman ma idan aka ce ilimin sana ar da za su ƙaro ba mu da masu yi a jiyar kano.
Mai girma gwamna kamar yadda kake da shekaru na girma tare da hankali da kaifin basira na yadda za a kawo hanyoyi na cigaba a jihar da kake jagoranta, ina mai farin cikin sanar da kai cewa akwai matasa da yawa a jihar Kano da suke da ƙoƙarin horas da mutane sana o i don su tsaya da ƙafarsu.
Kamar yadda Allah ya albarkaci wannan jiha da matasa masu basira da suka iya sana o i kuma hakan zai bunƙasa tattalin arziƙin jihar Kano.
Mai girma gwamna zan bada misali, ni kaina ko kamfanin da nake jagoranta, muna horas da matasa sana o i daban daban kyauta a bisa cigaban da muke samu na yau da kullum duk da dai babu wani tallafi ko yabo da ya taɓa fitowa a gwamnatance.
Mai girma gwamna ko iya ƙoƙarin samar da gidan jarida na Hausa da ya shahara a duniya aka kalla mujallar Matashiya ta cancanci dukkan wani tallafi daga gwamnati, mutanem da ke aiki a wannan gidan jarida ƴan jihar Kano ne, kamfanin a jihar Kano yake, kafin kowa ya amfana da wannan kamfani sai ƴan jihar Kano sun amfana, amma daidai da biro ba a taɓa bamu a gwamnatance ba, ko wajen zama namu na kanmu bamu da shi duk da gudunmawar da muke bawa al ummar gwamnati.
A ƙalla mun horas da matasa fiye da mutum 500 ƴan asalin jihar Kano kuma ma tabbata ko kai ka ɗauki nauyinsu a matsayinka na gwamna dole a jinjina maka don ka yi namijin ƙoƙari.
Da yawan mutane sun san haka kuma wasu ma kana da kusanci da su na san idan ka bincika za ka tabbatar da hakan.
Mai girma gwamna iya ƙoƙarin da muka iya bai wuce na mu koyar da sana ar ba amma matasan da muka koyar haka muke barinsu babu wani tallafi da za su yi jari ko cigaba da dogaro da kansu.
Akwai ire irenmu a jihar nan mai albarka wasu an sansu wasu ba a sansu ba, mai girma gwamna me zai hana a ƙarfafawa na gida gwiwa tare da basu tallafi tunda ƴan jihar Kano ne kuma mutanen da ke amfana ma ƴan asalin jihar ne?
Na tabbata ƙara ƙarfin gwiwar zai sa su ƙara ƙaimi don ganin an zaburar da wasu masu ƙoƙari ko tunanin farawa, hakan zai taimaka matuƙa ko da a fannin tsaro tunda binciken masana ya nuna cewa matasan da ke amfkawa halin ashsha suna yi ne sanadin rashin sana ar da za su yi.
Idan har akwai wani kaso da za a samu a kai waje don amfanar matasa al hali masu yin ƙoƙarinsu basa samun tallafi, tabbas za a yi tufka ta baya na warwarewa, za a sanyayar mana da gwiwa, za a sa mu karaya da abinda muke yi tunda dai gwamnatin muke wahaltawa.
Mai girma ina ina fata za ka yi amfani tare da duba da idon basira a bisa abinda nake nufi kasancewarka Dakta a Karatu.
Allah ya taimaki shugabancinka
Allah ya taimaki jihar Kano
Allah ya taimaki al ummar jihar Kano
Allah ya taimaki Al ummar Najeriya baki ɗaya.
Abubakar Murtala Ibrahim
26/07/2019
23/11/1440

Click to comment

Leave a Reply

Labarai

Majalisar Dinkin Duniya Ta Yi Gargadi Akan Zanga-zangar Da Za A Yi A Najeriya

Published

on

Majalisar ɗinkin duniya ta yi gargadi dangane da shirin zanga-zangar da wasu ke shiryawa a Najeriya.

Majalisar ta ce akwai yiwuwar wasu bata gari su yi amfani da damar don cimma bukatarsu

Ɓangaren kula da harkokin tsaro na majalisar dinkin duniya ne ya fitar da bayanan wanda su ka ce sun gano wasu mutane da ke son amfani da damar don cimma burinsu.

Majalisar ta ce a shekarar 2023 an samu fusatattun matasa da su ka fake da fushin chanjin sabon takardun naira a ƙasar su ka far wa wasu bankuna.

Haka kuma shafe kwanaki goma ana zanga-zanga lokaci ne mai tsawo da zai taba tattalin arzikin ƙasa.

Matasa a Najeriya dai na shirya zanga-zangar ne don jan hankalin gwamnati kan tsadar kayan abinci, tsadar man fetur da sufuri da sauran wahalhalu da ake fama da su a ƙasar.

Sai dai gwamnatin ta roki matasan da su janye daga zanga-zangar tare da ƙara mata lokaci don cimma ayyukan da su ka sa a gaba don magance matsalolin.

Continue Reading

Labarai

Wasu Batagari Sun Yiwa Wasu Dalibai Biyu Fyade A Ogun

Published

on

Wasu da ake zargi ƴan fashi da makami ne sun yi wa wasu dalibai biyu fyade a jihar Ogun.

Lamarin ya faru da ƙarfe 12:30am na daren Litinin wayewar yau Talata.

Yan fashin sun shiga jami’ar ilimi ta Tai Solarin da ke Ijagun Ijebu Ode a jihar.

Rahotanni sun bayyana cewar yan fashin sun fara kwace wayoyin daliban sannan su ka tafi da su zuwa wani gini da ba a kammala ba.

Rundunar yan sanda a jihar ta tabbata da faruwar lamarin.

Mai magana da yawun yan sanda a jihar Omolola Idutola ta ce sun samu labarin faruwar hakan a safiyar yau Talata kuma tuni jami’an su su ka bazama don neman waɗanda su ka yi aika aikar.

Sannan waɗanda lamarin ya faru a kansu an yi gaggawar kai su asibitin da ke jami’ar don duba lafiyarsu.

Continue Reading

Labarai

Majalisar Tarayya Ta Amince Da Mafi Karancin Albashi

Published

on

Majalisaar dokokin Najeriya ta amince da naira 70,000 a matsayin mafi karancin albashi.

Majalisar dattawa ce ta amince da kudin a zaman da ta gudanar yau Talata.

A shekarar 2019 ne majalisar ta amince da naira 30,000 a matsayin mafi ƙarancin albashi tare da alkawarta bibiya a kai duk bayan shekara biyar.

A amincewar da ta yi ta gamsu da bibiyar tsarin duk bayan shekara uku maimakon biyar a baya.

A makon da ya gabata ne dai shugaban ƙasa Bola Ahmed Tinubu ya amince da naira 70,000 a matsayin mafi ƙarancin albashi.

Kuma daga bisani ya mikawa majalisar bayan da ƙungiyoyin ƙwadago su ka amince a kan haka.

Continue Reading

Talla

Trending

%d bloggers like this: