Wata mata yar Asalin Najeriya mai shekaru 73 da take aikin Raino a kasar Amuraka, an yanke mata hukuncin daurin shekaru 15 a gidan yari sakamakon tayi sanadin mutuwar wata jaririyar da take Raino.
Dattijuwar mai suna Oluremi Adeleye ta yi sanadin mutuwar jaririyar ne sakamakon bata abincin da wuce ka’ida.
Inda aka gurfanar da ita gaban wata kotu mai suna Prince George dake Birnin Washington a Amurka.
Karkashin jagorancin Alkali Karen Mason inda ya ce Oluremi bata da wata hujja da za’a kareta kasancewar ta shayar da jaririyar ne A lokacin da jaririyar take a koshe.
Sai dai wacce ake Zargin ta nemi Afuwan iyayen jaririyar a gaban kotu inda tace bata yi hakan ne da niyar cutar da jaririyar bane tsautsayi ne.
Tuni Mai shari’a Karen Mason ya yankewa Oluremi Adeleye hukuncin daurin shekaru 15 a gidan yari.
