Connect with us

Labarai

Sojoji sun kashe ƴan sanda uku tare da kuɓutar da masu garkuwa da mutane – Inji Ƴan sanda

Published

on

Rundunar ‘yan sanda ta Najeriya ta zargi wasu sojojin kasar da hallaka jami’anta uku tare da raunata wasu bayan da sojojin suka bude wa wata tawagar ‘yan sandan wuta a jihar Taraba.

Lamarin ya faru ne a kan hanyar Ibi zuwa Jalingo, kamar yanda wata sanarwa da ‘yan sandan suka fitar ta bayyana cewa tawagar ta masu kai daukin gaggawa ce ta Intelligence Response Team (IRT).

Sanarwar ta ce tawagar tana karkashin jagorancin Felix Adolije, mataimakin sufuritanda na ‘yansanda, inda ta je jihar domin kama wani da ake kira Alhaji Hamisu, wanda ake zargi da cewa kasurgumin mai satar mutane ne.

Daga nan ne sai kawai wasu “sojoji na Najeriyar suka bude wa tawagar wuta ba kakkautawa, lamarin da ya sa sojojin suka kubutar da wanda ake zargin inda ya tsere har yanzu ba a san inda yake ba, a cewar kakakin ‘yan sandan na kasa, Frank Mba.

Amma kakakin sojin Kanar Sagir Musa ya musanta zargin na ‘yan sanda, yana mai cewa sun yi ba-ta-kashi ne da masu satar mutane.

Sanarwar ‘yan sandan ta kara da cewa jami’an ‘yan sandan sun kama mutumin ne za su kai shi hedikwatar ‘yan sanda ta jihar a Jalingo lokacin da sojojin suka bude musu wuta, duk kuwa da cikakkiyar shedar da ke nuna cewa suna kan aikinsu.

Bayan ‘yan sandan, lamarin ya kuma rutsa da ran wani farar hula, da sufeto da kuma wasu ‘yan sandan biyu masu mukamin saja, yayin da wasu ‘yan sandan kuma da ba a bayyana yawansu ba suka samu raunuka.

Sai dai rundunar sojin ta bakin mai magana da yawunta kanar Sagir Musa, ta musanta zargin, tana mai cewa ta yi tsammanin ‘yan sandan tawaga ce ta masu satar mutane domin wasu mutane ne daga yankin sun nemi ta kai musu dauki saboda masu satar jama’a sun kai musu hari.

A dalilin haka ne suka “tsayar da mutanen da ke tafiya a wata motar Bas amma suka ki tsayawa, dalilin da ya sa suka bude musu wuta domin kubutar da mutanen da ake zargin an sace”.

“Sai daga baya ne daya daga cikin wadanda suka tsira ya shaida mana cewa su ‘yan sanda ne daga Abuja, kuma an turo su ne domin gudanar da wani aiki na musamman kan masu satar mutane”.

Sojojin sun ce ‘yan sandan ba su sanar da su cewa za su gudanar da wannan aiki ba, kuma rundunar ‘yan sandan ta jihar Taraba ta ce ba ta san da zuwansu ba.

‘Yan sandan suna zargin mutumin, Alhaji Hamisu da kasancewa kasurgumin mai satar mutane, da suka dade suna nema saboda hannu a sace-sacen jama, ciki har na sace wani dan kasuwa mai harkar mai da aka yi kwanan nan a jihar ta Taraba.

Dan kasuwar mai sayar da mai wanda ba a bayyana sunansa ba a sanarwar, an ce sai da ya biya naira miliyan 100 aka sako shi.

Tuni aka tura wani mataimakin sufeto-janar na ‘yan sanda domin tsara yadda za a yi wa wadanda aka jikkata magani, yayin da kuma aka ajiye gawarwakin wadanda suka mutu a asibiti.

Shugaban rundunar ‘yan sanda ta kasa Muhammad Adamu ya bayar da umarnin gudanar da binciken gaggawa kan lamarin, in ji kakakin rundunar ta kasa Mista Frank Mba, mai mukamin mataimakin kwaminishinan ‘yan sanda.

Sai dai su ma sojoji ta bakin mai magana da yawunsu Kanar Sagir Musa ya ce suna kiran da a kafa kwamitin bincike na hadin gwiwa karkashin jagorancin ‘yan sandan domin tabbatar da gaskiyar abin da ya faru.

Ba dai wannan ne karo na farko da ake yin taho-mu-gama tsakanin ‘yan sanda da sojoji a Najeriya, lamarin da kan haifar da asarar rayuka.

#BBCHAUSA

Click to comment

Leave a Reply

Labarai

Ƴan Bindiga Sun Kai Hari Cocin Kukah, Sun Yi Garkuwa Da Fasto, Da Wasu Mutane

Published

on

Ƴan bindiga a safiyar Laraba sun ɓalle ɗaya daga cikin majami’un babban Rabaren na Sokoto, Matthew Hassan-Kukah

Rahotanni sun bayyana cewa, ƴan bindigan ɗauke da makamai sun sace wasu fastoci biyu da wasu mutum biyu a cocin katolika ta St. Patrick, Gidan Maikambo a ƙaramar hukumar Kafur ta jihar Katsina.

Manyan majami’un Kukah sun bazu a jihohin Katsina, Zamfara da Kebbi.

Daraktan sadarwa na Catholic Diocese na Sokoto, Rabaren Christopher Omotosho, ya tabbatar da aukuwar lamarin a safiyar Laraba.

Ya ce an kai farmaki majami’arsu kuma har yanzu babu labarin da suka samu kan inda aka yi da waɗanda aka sace.

Omotosho ya ce, “Da tsakar daren yau, 25 ga watan Mayun 2022, ƴan bindiga sun shiga majami’ar mu ta St. Patrick, Gidan Maikambo, karamar hukumar Kafur ta jihar Katsina.

“An sace babban faston Rabaren Fada Stephen Ojapa, MSP, da mataimakinsa Oliver Okpara da wasu yara maza biyu a gidan.

“Har yanzu babu ƙarin bayani kan inda suke. Ku taimaka ku saka su a adu’a domin su dawo cikin aminci.” A cewar sa

A ranar 14 ga watan Mayu, fusatattun matasa masu zanga-zanga sun ƙone tare da tarwatsa cocin da Kukah ke shugabanta a Sokoto bayan ya yi Allah wadai da kisan da aka yi wa Deborah Samuel, ɗalibar da ta yi batanci ga Annabi.

Masu zanga-zangar sun ƙone wani daga cikin sashin ginin cocin Kukah kuma sun bankawa wata bas wuta a farfajiyar.

Rikicin addinin na Sokoto ya ƙara gaba inda ya shiga wasu sassan jihohin Bauchi da Abuja a kwanakin da suka gabata yayin da jami’an tsaro da wasu gwamnonin arewa suka ja kunne kan tashin hankula.

Continue Reading

Labarai

Daga Ƙarshe EFCC Ta Kama Okorocha Bayan Shafe Sa’oi Huɗu Ana Arangama Da Magoya Bayansa

Published

on

Bayan shafe kusan sa’o’i huɗu ana arangama, jami’an hukumar yaƙi da masu yi wa tattalin arzikin ƙasa zagon ƙasa a ranar Talata sun yi galaba a kan tsohon gwamnan jihar Imo, Rochas Okorocha tare da tsare shi.

Rikicin ya samo asali ne biyo bayan abin da hukumar yaƙi da cin hanci da rashawa ta bayyana a matsayin ƙin bayyanar tsohon gwamnan bayan an bada belinsa na mulki, lamarin da kuma ya hana hukumar yi wa Okorocha hidima da takardun kotu na bayyana da kuma amsa tuhumar da ake masa na almundahanar Naira biliyan 2.9.

A dalilin haka ne jami’an hukumar yaƙi da cin hanci da rashawa suka kai wa gidan Maitama na tsohon gwamnan hari da sanyin safiyar inda suka hana shi fita daga cikin gidan har sai da aka ɗauke shi.

Matakin, a cewar kakakin hukumar ta EFCC Mista Wilson Uwujaren, ya biyo bayan ƙin amsa gayyatar da tsohon gwamnan ya yi ne bayan ya tsallake belin gudanarwar da hukumar yaƙi da cin hanci da rashawa ta yi masa a baya.

Uwujaren ya tunatar da cewa, a ranar 24 ga watan Junairu, 2022, EFCC ta shigar da ƙarar Okorocha, kan laifuka 17 da suka haɗa da karkatar da wasu kuɗaɗen da kadarorin gwamnati har naira biliyan 2.9.

An miƙa ƙarar ne ga mai shari’a Inyang Ekwo na babbar kotun tarayya da ke Abuja amma yunƙurin gurfanar da Sanata Okorocha sau biyu ya ci tura sakamakon rashin halartar tsohon gwamnan da ya kaucewa gudanar da aiki.

A ranar 28 ga Maris, 2022, Mai shari’a Ekwo, kafin ya dɗaga sauraron ƙarar zuwa ranar 30 ga Mayu, 2022, ya yi gargaɗin cewa kotu ba za ta ƙara ɗage zaman hukumar ba idan har ta gaza yi wa tsohon Gwamnan da sammacin kotu.

Continue Reading

Labarai

Jirage Sun Dawo Tashi Da Sauka A Filin Jiragen Sama Na Kaduna

Published

on

An dawo da zirga-zirgar jiragen sama na babban filin tashin jiragen sama na Kaduna international airport bayan watanni biyu da rufewa.

Shugaban hukamar zirga-zirgan jiragen sama ne ya bayyana haka inda ya ce za’a fara jigilar fasinjojin jiragen kamar su Azman air da sauran su.

Ya ce ina maisanar da Al’umma an dawo da jigilar fasinjoji daga jiya Litinin tun bayan watanni biyu da aka rufe ba tare aiki ba.

A ranar 26 ga watan maris ne wasu da ake zargin ƴan bindiga ne suka farmaki filin jirigin tare da hallaka masu gadi yayin aikin su na tsaro wanda hakan ya kai ga dakatar da tashin jiragen domin inganta tsaro.

Amma dai-dai wannan lokaci duba da yadda lumuran tsaro su ka yi kyau shiyasa muka bada umarni a dawo da aiki ba tare da ɓata lokaci ba, za’a farawa daga jiya Litinin 23 ga watan Mayu

Masu garkuwan da mutanen da su ka yi garkuwa da kusan mutane 70 a jirigin ƙasan Kaduna zuwa Abuja sun bayyana sharaɗi kafin su saki waɗanda su ka sace
Masu garkuwan.

Ƴan bindigan sun tattaunawa da fittacen malamin addini Ahmad Abubakar Gumi ta wayar tarho sun bayyana cewa kwanaki 7 su ka baiwa gwamnati a biya musu buƙatar su ko kuma su hallaka mutane da su ka yi garkuwa da su.

Cikin saƙon muryar da su ka tattauna da malamin an jiyo wani daga cikin ƴan bindiga yana cewa dole gwmanti ta sakar musu ƴaƴansu guda 8 da aka kama a Kaduna.

A cikin sunayen ƴaƴan na su ya lissafa Biyar Abdurrahman, Bilkisu, Usman, Ibrahim da juwairiya.

Ya cigaba da cewa mutanen da su ka yi garkuwa da su suna cikin ƙoshin lafiya kamar yadda muka tura muku hotunan ta watsap amma ba biya mana buƙatar mu ba zamu ɗakko su ɗaya bayan ɗaya muna kashe su.

An yi garkuwa da fasinjoji ne a ranar 28 ga watan maris ɗin wannan shekarar da muke ciki a yayin ƴan bindigar su ka kaiwa jirgin ƙasan hari.

Sai dai a kwanakin nan Gwamnati ta sa ranar 24 ga watan mayu domin dawo da jigilar jirgin amma ta ɗage.

Wasu da ake zargi ƴan ƙungiyar asiri ne ta Aiye sun kashe wani mutum mai suna wale matasaka a daren Litinin Jihar Ogun.

Jarida Vanguard ta rawaito cewa yankan rago aka yi masa akan babbar hanyar Qiuerra a cikin Abekuta.

Wannan na zuwa bayan kusan wata guda da hallaka wani mai suna Tommy wanda shima ɗaya daga cikin ƙungiyar asiri ne a Abekuta
Sai dai majiyoyi sun bayyana cewa shima wale matasaka na daga cikin ƙungiyar ta asiri kuma ana zargin sun hallaka shine domin shi ne ya kashe Tommy.

Idan za a iya tunawa akalla mutane 15 aka hallaka waɗanda su ke da alaƙa da ƙungiyar ta asiri tun bayan hallaka Tommy amma ƴan sanda sun kama wasu daga cikin ƴan ƙungiyar ta asiri.

Rundunar ƴan sandan jihar Ondo ta tabbatar da kuɓutar uba da ɗansa da aka yi garkuwa da su a ranar Asabar ɗin data gabata a jiya Litinin.

SP Fanmi Odunlami mai magana da yawun rundunar ta ƴan sanda shine ya bayyana haka a yau Talata ya ce Olu da ɗansa sun shaki iskar yanci.

Ya cigaba da cewa an saki uba da ɗansa ne jiya Litinin da misalin ƙarfe 12 30 na rana a cikin gari
Sannan ya ƙara da cewa ina mai sanar da ku cewa waɗanda aka yi garkuwa da su sun shaƙi iskar ƴanci sai dai ban sani ba ko iyalan waɗanda aka sakin sun biya kuɗin fansa ko akasin haka.

An yi garkuwa da uban da danna sa ne a yayin da su ke tafiya a babbar hanyar zirga-zriga ta garin na Jihar Ondo daga wasu da ake zargin ƴan garkuwa da mutane ne a ranar Asabar ɗin da ta gabata.

Sai dai tun da farko ƴan bindigan sun nemi a biya su Naira Miliyan Goma a matsayin kuɗin fansa amma iyalan sun ce za su biya Miliyan Ɗaya su kuma suka ki yarda da hakan.

Continue Reading

Talla

Trending

%d bloggers like this: