Connect with us

Labarai

Nan Da Wasu shekaru masu zuwa yawan Mahaukata zai karu a Duniya –WHO

Published

on

mutanen da suke dauke cutar tabin hanakali zai karu nan da wasu shekaru talatin masu zuwa.
kamar dai yadda Hukumar lafiya ta duniya ta bayyana.

Hukumar ta bayyana hakan ne a wata sanarwar data fitar inda ta bayar da sababbin matakan da za’a bi wajen rage masu dauke cutar,ta hanyar basu magunguna.

“Babban Daraktan Hukumar lafiya ta duniya Tedros Ghebreyesus shine wanda ya bayyana hakan, a wani bayanin da ya yi aka kuma fitar da shi,inda ya ce, ‘Ya kamata mu yi dukkannin abinda ya kamata saboda a samu rage yiyuwar kamuwa da ita cutar ta tabin hankali.”

“Su dai bayanai na kimiyya wadanda aka samu wadanda kuma gamsassu ne sun bayyana cewar zuwa wani lokaci abinda yake kyau ga zuciyar mu, shima yana da kyau ga kwakwalwarmu.”

Kamar dai yadda su sharuddan suka bayyana mutane na iya kaucewa yiyuwar kamuwa da cutar tabin hankali ta hanyar yin motsa jiki, a kuma daina shan taba, sai kuma kauce ma babbar matsalar amfani da giya, da kuma shan kwayoyi musamman ga matasanmu.

Sauran sharuddan sun hada da kada a sake a kamu da kiba, sai kuma cin abinci wanda ya kunshi dukkannin abubuwan da suka kamata, ga kuma shi al’amarin daya shafi bugawar jini kamar dai yadda yadda jaridar Leadership ta Rawaito.

“jaridar ta kuma kara da cewa akwai mutane miliyan kusan 10 wadanda suke kamuwa da sababbin nau’oin ita cutar ko wacce shekara, abinda kuma yake samar da babbar matsalar da take damun al’ummar Najeriya musamman saboda yawaitan shaye shayen miyagun kwayoyi da matasa ke yi a yanzu.

Click to comment

Leave a Reply

Labarai

Majalisar Dinkin Duniya Ta Yi Gargadi Akan Zanga-zangar Da Za A Yi A Najeriya

Published

on

Majalisar ɗinkin duniya ta yi gargadi dangane da shirin zanga-zangar da wasu ke shiryawa a Najeriya.

Majalisar ta ce akwai yiwuwar wasu bata gari su yi amfani da damar don cimma bukatarsu

Ɓangaren kula da harkokin tsaro na majalisar dinkin duniya ne ya fitar da bayanan wanda su ka ce sun gano wasu mutane da ke son amfani da damar don cimma burinsu.

Majalisar ta ce a shekarar 2023 an samu fusatattun matasa da su ka fake da fushin chanjin sabon takardun naira a ƙasar su ka far wa wasu bankuna.

Haka kuma shafe kwanaki goma ana zanga-zanga lokaci ne mai tsawo da zai taba tattalin arzikin ƙasa.

Matasa a Najeriya dai na shirya zanga-zangar ne don jan hankalin gwamnati kan tsadar kayan abinci, tsadar man fetur da sufuri da sauran wahalhalu da ake fama da su a ƙasar.

Sai dai gwamnatin ta roki matasan da su janye daga zanga-zangar tare da ƙara mata lokaci don cimma ayyukan da su ka sa a gaba don magance matsalolin.

Continue Reading

Labarai

Wasu Batagari Sun Yiwa Wasu Dalibai Biyu Fyade A Ogun

Published

on

Wasu da ake zargi ƴan fashi da makami ne sun yi wa wasu dalibai biyu fyade a jihar Ogun.

Lamarin ya faru da ƙarfe 12:30am na daren Litinin wayewar yau Talata.

Yan fashin sun shiga jami’ar ilimi ta Tai Solarin da ke Ijagun Ijebu Ode a jihar.

Rahotanni sun bayyana cewar yan fashin sun fara kwace wayoyin daliban sannan su ka tafi da su zuwa wani gini da ba a kammala ba.

Rundunar yan sanda a jihar ta tabbata da faruwar lamarin.

Mai magana da yawun yan sanda a jihar Omolola Idutola ta ce sun samu labarin faruwar hakan a safiyar yau Talata kuma tuni jami’an su su ka bazama don neman waɗanda su ka yi aika aikar.

Sannan waɗanda lamarin ya faru a kansu an yi gaggawar kai su asibitin da ke jami’ar don duba lafiyarsu.

Continue Reading

Labarai

Majalisar Tarayya Ta Amince Da Mafi Karancin Albashi

Published

on

Majalisaar dokokin Najeriya ta amince da naira 70,000 a matsayin mafi karancin albashi.

Majalisar dattawa ce ta amince da kudin a zaman da ta gudanar yau Talata.

A shekarar 2019 ne majalisar ta amince da naira 30,000 a matsayin mafi ƙarancin albashi tare da alkawarta bibiya a kai duk bayan shekara biyar.

A amincewar da ta yi ta gamsu da bibiyar tsarin duk bayan shekara uku maimakon biyar a baya.

A makon da ya gabata ne dai shugaban ƙasa Bola Ahmed Tinubu ya amince da naira 70,000 a matsayin mafi ƙarancin albashi.

Kuma daga bisani ya mikawa majalisar bayan da ƙungiyoyin ƙwadago su ka amince a kan haka.

Continue Reading

Talla

Trending

%d bloggers like this: