Labarai
Tijjaniyya sun taya Ganduje murna yayin da Ganduje zai ziyarci kaulaha
Shugaban darikar Tijjaniyya na duniya Sheikh Tijjaniyya Nyass (RA) ta bakin shugaban tawagar shugabannin Tijjaniyya da su ka zo daga Kaulaha, ta kasar Senegal, domin halartar Zikirin shekara shekara da a ke gudanarwa a fadar masarautar Kano, tun shekaru 21 da su ka wuce, Sayyadi Mahy Aliyu Cisse, ya yi jan kunne ga ainihin ‘yan Darikar Tijjaniyya kan su guji gwamutsa siyasarsu da Darikar.
Ya ce siyasa daban Tijjaniyya daban. Kowannensu zaman kan sa ya ke. Ya tabbatar da cewa “Wannan Gwamna na Kano Dakta Abdullahi Umar Ganduje hadimi ne na wannan Darika ta mu da kuma su ‘yan Darikar. Khalifa Sheikh Tijjani Nyass ya yi min umarnin da mu isar da sakonsa na taya murna gare shi na sake dawowa kan karagar mulkin Kano.”
Ya kuma nusantar da cewa sama da shekaru 50 da su ka wuce, akwai alaka mai karfi tsakanin masarautar Kano da gidan Tijjaniyya daga Kaulaha. Ya ce “Wannan alaka ta mu ba wai yau ko yanzu ta fara ba. Dadaddiya ce kuma cikin soyayyar Allah da Manzonsa, Muhammad Bin Abdullah, Sallallahu Alaihi Wasallam.”
Ya yi wadannan jawaban ne ranar Juma’a da daddare da ya halarci cin abincin dare da gwamna Ganduje ya shiryawa wannan babbar tawaga da ta zo daga Kaulaha wajen Zikirin wannan shekara da a ka gabatar.
Shi wannan Zikirin shekara shekara din an faro shi ne daga lokacin da Kano, ba fa jihar Kano ba a matsayin jiha, ta kai shekaru dubu daya da kafuwa. Daga wancan lokacin yau shekaru 21 kenan a ka faro wannan aikin ibada na Zikirin shekara shekara. Shekarar da ta wuce a ka yi na 20. Wannan shekarar kuma a ka yi na 21.
Sayyadi Cisse ya jagoranci tawagar wacce take dauke da ‘ya’yan Sahibul Waqti, Gausuzzaman, Halifar Sheikh Ahmad Tijjani (RA), Sheikh Ibrahim Bin Abdullah Nyass Al-Kaulahi (RA). A cikin tawagar da akwai Sheikh Shafi Nyass, Sheikh Muhammad Zaynab dan Sheikh Abubakar Surunbai akwai kuma Sheikh Abubakar Sheikh Tijjani Nyass.
Shugaban tawagar ya kara da cewa “Mu a can Kaulaha kullum mun yarda da cewar abinda ya shafi Najeriya, musamman jihar Kano, to mu ma ya shafe mu. Saboda haka zaman lafiya a Kano mu ma zaman lafiya ne a wajen mu.
Saboda ganin yadda wannan bawan Allah gwamnan Kano Abdullahi Umar Ganduje ya ke kula da wannan Darika ta mu da mabiyanta, ya sa a wancan lokacin kafin a yi zabe mu ka dage wajen yi masa addu’ar dawowa kan mulki. Alhamdulillah yau ga shi Allah Ya kawo mu dawowarsa. Mu na kara taya ka murnan samun wannan nasara.”
Sayyadi Cisse ya ce “Wannan suna na ka na Khadimul Islam ya cancance ka matuka da gaske. Saboda ganin yadda ka ke ta yin dawainiya wajen ganin samuwar bunkasar wannan addini na Musulunci. Sannan mu na yabawa da kokarin da ka ke yi na hada kawunan Musulmi a wannan jiha mai albarka ta Kano da kuma kasa baki daya.”
Ya ce sun shaida daga Halifofin Tijjaniyya na wannan jiha da ma kasa gaba daya, yadda gwamna Ganduje ya ke tiri-tiri da su. Sa’annan ya umarci wadannan Halifofi, musamman wadanda su ke a Kano, da su kara dagewa wajen yi wa jihar addu’a ta kara bunkasa da zaman lafiya.
Dukkan Halifofin, musamman manyan gidajen Darikar Tijjaniyya da ke Kano, sun halarci wannan liyafar cin abincin dare da aka shiryawa wannan babbar tawaga.
A nasa jawabin gwamna Ganduje godiya ya yi na addu’o’in da ya ce wadannan bayin Allah su na ta yi wa wannan jiha ta Kano, har Allah Ya kara kawo dauki a ka kara samun zaman lafiya da kwanciyar hankali.
Ya ce dukkanin ilahirin jagororin Tijjaniyya a jihar Kano su na yin iya na su kokarin wajen ganin an samu tabbatuwar zaman lafiyar jihar da kuma bunkasar tattakin arzikinta gami da ci gaban jihar gaba daya.
“Kuma in sha Allah ba da dacewa ba zan kawo ziyara ta musamman Kaulaha a kasar Senegal. Kamar yadda Shehi ya fada, dukkan abinda ya faru a Kano tamkar ya faru ne a Kaulaha. Saboda kusancin na mu ya kai matuka. Ya kai ya kawo Alhamdulillah. Mu na kara godiya ta musamman kan irin addu’o’in da a ke mana,” in ji gwamna.
Gandujen ya ambaci cewar shi wannan Zikirin shekara da ake yi, ba karamin alheri ya ke kawo wa wannan jiha ba. Ya kara da cewa “Mu na kuma kara godiya da wannan babbar alaka da a ka ci gaba da kullawa tsakaninmu. Wannan ya nuna yadda Allah Ya ke cikin wannan al’amarin na kauna da soyayya cikin Allah, saboda Shi kuma a ka fuskance Shi.”
Abba Anwar
Babban Sakataren Yada Labarai Na Gwamnan Jihar Kano
Asabar 12 ga Oktoba, 2019
Jam’iyyar APC a Najeriya ta ce shugaban ƙasa Bola Ahmed Tinubu ba zai jingine kudirin da ya dauka na gyaran kasa tare da komawa baya ba.
A cewar jam’iyyar matakin da shugaban ke ɗauka hanya ce don kawo sauyi da cigaba ga ƙasar.
Sannan jam’iyyar ta musanta zargin yin magudi a yayin zaben da aka yi a Jihar Edo.
A sakon da jam’iyyar APC ta fitar a yau wnda ke zama martani ga jam’iyyar PDP, daraktan yada labarai na jam’iyyar Alhaji Bala Ibrahim ya ce jam’iyyar ba ta da nufin sauka daga turbar demokaradiyya.
Ya ce tsari da manufofin da jam’iyyar ta saka a gaba asara ce kuma ci gaba ne ga ƙasar.
Haka kuma tsarin da su ke kai ba zai tauye demokaradiyya ba.
Babbar kotu a jihar Ekiti ta yanke hukuncin kan wasu mutane uku da ake samu da aikata fashi da makami.
Kotun a jiya Laraba ta yankewa mutanen hukuncin kisa ta hanyar rataya.
Wadanda aka samu da laifin sun hada da Alexander Solomon , da Desmond Peter sai Eric Tile.
Kotun ta sallami cikon na hudun da aka zarga Promisr Shir bayan da aka gani ba shi da hannu a ciki
Wadanda aka yankewa hukuncin an samesu ne da laifukan fashi da makami, mallakar makaami ba bisa kaida ba da kuma kisan kai.
Wanda da aka yankewa hukuncin sun aikata laifin ne a ranar 7 ga watan Yulin shekarar 2022 a tsakanin Illumoba-Aisegba da ke kan titin Ekiti zuwa Aisepba Ekiti.
A wajen ne kuma su ka yi fashin naura mai kwakwalwa ta tafi da gisanka, da kudi naira 540,000 wayoyin hannu da sauransu.
Saannan su ka yi kisan kai
Bayan gabatarwa da kotun hujjoji ne kuma kotun ta gamsu tare da yanke musu hukuncin kisa ta hanyar rataya
Majalisa dokoki a Najeriya na shirin yi wa kundin tsarin mulkin kasar kwaskwarima bayan da kotun koli ta bai wa kananan hukumomi yancin gashin kansu.
Majalisar ta ce za ta yi gyaran ne don sake jaddada hukuncin kotun koli da ta bai wa kananan hukumomin dama.
Kudirin ya fito daga mataimakin shugaban majalisar Barau I Jibril kumaa ya samu goyon bayan Sanata Abdul Ningi fa Sanata Tahir Monguno.
Daga cikin hukuncin da kotun ta yi ta umarci a tura kason kananan hukumomin kai tsaye zuwa asusunsun, maimakon hadaka da asusun jiha da ake yi a baya.
Shugaban majalisar Godswill Akpabio ya jaddada cewar, majalisar na goyon bayan hukuncin da kotun kolin ta yi, ya ce za su yi aiki a kundin tsarin mulkin domin ganin an shigar da dokar a ciki.
A ranar 11 ga watan Agusta ne dai kotun koli a Najeriya ta yanke hukunci damgane da bai waa kananan hukumomi yancin gashin kansu.
Wanda kotun ta ce daga lokacin gwamnatin tarayyaa ta dinga aike da kudadensu kai tsaye ga asusunsu.
-
Labarai8 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari