Labarai
Manoma ne mutanen da suka fi kowa yawan yin jima’i a duniya – Bincike
Wani bincike da aka wallafa a jaridar ”Daily Mirror” ta Birtaniya ya bayyana cewa yanayin aikin da mutum yake yi na tasiri matuka ga rayuwar jima’insa.
Binciken wanda wani kamfani a Birtaniya mai suna ”Lelo” ya gudanar ya tambayi kusan mutum 2,000 maza da mata kan yanayin rayuwar jima’insu da kuma irin ayyukan da suke yi na neman halaliya.
Sakamakon binciken ya nuna cewa manoma ne suka fi yawan jima’i da kusan sama da kashi 33 cikin 100 inda suka ce suna jima’i a kalla sau daya a rana.
Wadanda suka zo na biyu a binciken su ne masu zanen taswirar gine-gine wato ”architects” inda kusan kashi 21 cikin 100 suka shaida cewa su ma a kalla sau daya a rana suke jima’i.
A wani bangaren kuma, binciken ya nuna cewa ‘yan jarida su ne wadanda ba su cika yin jima’i ba inda kashi daya cikin biyar suka ce suna yi a kalla sau daya a wata.
Haka zalika su ma lauyoyi ba a bar su a baya ba domin kuwa binciken ya nuna cewa su ne wadanda ake shan wahala kafin gamsar da su yayin jima’i inda kusan kashi 27 cikin 100 suke karyar gamsuwa yayin jima’i ko da kuwa basu gamsu ba.
Kate Moyle, wacce kwararra ce a kamfanin Lelo a Birtaniya ta bayyana cewa ”Duk da a cikin rukunin masu aiki iri daya akwai kamanceceniya na wasu dabi’u tsakanin mutane, yakamata mu gane cewa akwai kuma banbance-banbance kwarai dagaske musamman a rayuwar jima’insu.
”Sai dai abin da yakamata mu gani shi ne abin da ke gudana, misali kamar yadda manomi ke motsa jiki a gona ya bambanta da na ma’aikaci da ke zaune a ofis wanda hakan zai iya kawo bambanci a karfinsu da kuzarinsu.
”Yanayin aikinmu kamar sa’o’in da muke dauka muna aiki da kuma yanayin wurin aikin kansa na tasiri matuka a rayuwarmu baki daya, ba lallai sai rayuwar jima’inmu ba.”
BBCHausa
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari