Connect with us

Labarai

Kotun tarayya ta yankewa wani mai siyar da maganin zazzaɓi na jabu hukunci

Published

on

Daga Mustapha Gambo

Babban Kotun Tarayya dake kano bisa jagorancin Jostis Saadatu Ibrahim Mark ta yankewa wani Henry Duru hukuncin ya biya tarar kudi Naira dubu Dari 250 saboda kamashi da aka yi yana da jabun maganin zazzabi yana kuma sauya waadin da daya kare a jikin kwalin magani
Da take yanke hukunci Jostis Saadatu ta ce jamian Hukumar kula da ingancin magunguna da Abinci ta kasa NAFDAC ne suka kama Henry Duru a shagonsa dake kasuwar sabon gari.
Tace tun a kwanakin baya da aka gurfarnar dashi ya amince da laifinsa inda kuma ya roki Kotu da tayi masa afuwa.
Bayan data kammala sauraren bayanan Lauyoyin Hukumar Nafdac da na kariya Jostis Mark ta bayyana cewar ta amince cewar Henry ya aikita lefin da ake tuhumarsa da aikatawa don haka sai ta yanke masa biyan tarar naira dubu Dari biyu da hamsin saboda laifin da ya aikita
Da yake ganawa da yanjaridu lauyan Hukumar Nafdac barrister Samson Philip Maken ya bayyana rashin gamsuwarsa ga hukuncin inda yace zai tuntubi Shugabanin hukumar NAFDAC domin daukan matakin da ya dace akan hukuncin
Lauyan yace kamata yayi Kotu ta yanke hukunci bisa dokokin tanaje tanajen Hukumar NAFDAC
Shima Shugaban Hukumar NAFDAC a kano MUHD Shaba cewa yayi jabun maganin na iya cutar da lafiyar alumma
Shi kuwa lauyan Henry Duru chief albanus Agunnanne farin ciki ya bayyana
Jostis sa,adatu ta umarci da mayar da jabun maganin da aka kama ga hukumar NAFDAC

Click to comment

Leave a Reply

Labarai

Kasar Dubai Ta Cirewa Najeriya Takunkumin Da Ta Sanya Mata

Published

on

Ministan yaɗa labarai a Najeriya Mohammed Idris ya ce ƙasar Dubai ta dage takunkumin da ta kakabawa yan Najeriya.

Ya bayyana haka ne yayin ganawa da yan jarida yau a Abuja.

Ya ce an cimma matsaaya kuma tuni hadaddiyar daular larabawa UAE ta dage haramcin bayar da biza ga yan Najeriya.

Ya ce daga yau Litinin yan Najeriya na iya tafiyar ƙasar ta Dubai.

Duk da cewar ministan bai bayyana cikakken bayani a kan haka ba, amma ya ce kowanne lokaci daga yanzu yan Najeriya na iya tafiya kasar.

Tun a baya dai gwamnatin Najeriya ke ta cuku cuku don ganin an dage haramcin bizar ga yan ƙasar waɗanda aka haramtawa zuwa.

Hadaddiyar daular larabawa dai ta kakabawa yan Najeriya takunkumin hanasu shiga tun a watan Disaamban shekarar 2021.

Dubai ta haramtawa ƴan kasashen Najeriya da Congo shiga kasar.

Continue Reading

Labarai

‘Yan Sanda A Kaduna Sun Haramtawa ‘Yan Shi’a Yin Taro A Jihar

Published

on

Rundunar yan sanda ajihar Kaduna ta haramtawa mabiya mazahabar Shia gudanar da kowanne taro a jihar.

Hakna na kunshe a wata sanarwa da mai magana da yawun yan sandan jihar Mansir Hassan ya saanyawa hannu.

Ya ce rundunar ta haramtawa mabiya mazahabar ta Shia taron Ashura a shekarar da mu ke ciki.

Haka kuma yan sandan sun gargadesu kan su kaucewa yunkurin shirya kowanne irin taro

Sun dauki matakin haka ne ganin yadda aka samu asarar dukiya da raunata wasu har ma da rasa rayuka a tarukan da su ka yi a baya.

Sannan yan sandan sun hana yan Shia gudanar da kowacce irin zanga-zanga da kuma wani gangami da sunan Ashura a bana.

Rundunar ta bukaci jama’a da su ci gaba da gudanar da harkokinsu ba tare da fargaba ba.

Continue Reading

Labarai

Kotu A Kano Ta Hana Aminu Ado Bayero Da Sauran Sarakuna Hudu Bayyana Kansu A Matsayin Sarakunan Kano

Published

on

Babbar kotun jihar Kano ta haramtawa Alhaji Aminu Ado Bayero da sauran sarakunan Gaya, Karaye, Bichi da Rano amsa kansu a matsayin sarakunan Kano

Kotun ƙarƙashin mai shari’a Jusctice Amina Aliyu ta haramta haakan ne a zamanta na yau bayan da gwamnatin jihar Kano da majalisar dokoki ta jihar da shugaban majalisar da ma kwamishinan shari’a su ka shigar da kara a gabanta tun a watan Maris.

Kotun kuma ta umarci sarakunan da su mayar da dukkanin kaya mallakin gwamnatin jihar Kano

Kafin zaman kotun na yau, lauyoyin waɗanda gwamnatin ke ƙara sun bukaci kotun ta dakatar da shari’ar ganin yadda su ka daukaka kara

Sai dai alkaliyar kotun ta ki amincewa da bukatarsu ganin cewar ba ta samu umarni daga kotun daukaka kara ba.

Haka zalika, sun mika rokon soke sabuwar dokar da majalisar dokoki ta jihar Kano ta shigar amma kotun ta ki aminta, a cewar kotun ba a gabatar mata da gamsassun hujjojin da za ta ƙi aminta da sabuwar dokar majalisar ba.

A zaman da kotun ta yi ranar 4 ga watan Yulin da mu ke ciki ne dai lauyoyin da ke kare Alhaji Aminu Ado Bayero a gaban kotun su ka janye daga kare shi a shari’ar.

Gwamnatin jihar Kano ce dai ta shigar daa kara a gaban kotun ta na mai rokon kotun ta hana Alhaji Aminu Ado Bayero, da sarakunan Gaya Karaye Bichi da Rano amsa kansu a matsayin sarakunan Kano.

Tirkatirkar dai ta fara ne tun baya daa majalisar dokoki ta jihar Kano ta soke dokar karin masarautu tare da dawo a tsohuwar dokar da ta dawo da Malam Muhammadu Sanusi ll a matsayin sarkin Kano.

 

 

 

Continue Reading

Talla

Trending

%d bloggers like this: