Labarai

Satar yara a Kano – Akwai babban kuskure cikin kalaman sarkin Kano – Sunusi Ƙani

Published

5 years ago

November 11, 2019

DAGA: KHALID SUNUSI KANI
Dukkan godiya ta tabbata ga Allah ubangijin talikai, mai kowa mai komai, Wanda ya bani damar yin wannan ‘yar gajeriyar fadakar wa zuwa ga Mai Martaba Sarkin Kano da dukkan daukacin Al’umma masu irin ra’ayin sa game da satar yara da ake tayi a kwaryar birnin jahar Kano.
Wanda sanin kowa ne, Allah ya bawa Mai Martaba sarki baiwar ilimin addini da na zamani. Hakan kuma yana taimaka masa wajan iya gogayya da jama’a a duk fadin duniya. Amma sau da yawa sarki yana fadar gaskiya kuma tana yiwa mutane dadi. Amma a wannan jikon Sarki ya yi maganganu masu ban mamaki da ban al’ajabi, wanda muke ganin sarki ya yi tuntuben harshe ba haka ya kamata yace ba.
Ko shakka babu, abubuwa da dama sun faru da mai martaba sarki na wajan kasa fahimtar irin ra’ayoyin shi. Wanda sau da yawa mu mukanyi uwa da makar diya wajan wayar da kan al’umma. Amma a wannan karo bama tare da sarki. Saboda yaci karo da tsarin mu’amalar rayuwa dama tsarin koyarwa ta addinin musulunci.
Sanin kowa ne Annabi(S.A.W) yana fada a cikin wani sahihin hadisi yana cewe ” Musulmi ya fadawa dan uwansa Musulmi magana me dadi sadaka CE”. Ni na dauka mai martaba sarki zai fada musu maganganu masu nutsar da zuciya, ba kalaman da za su sa iyayen yara jimami ba.
Mai martaba sarki ya kamata yasan akwai bambanci tsakanin ‘Ya ‘yan talakawa da ‘Ya ‘yan masu kudi. A cikin talakawan ‘Ya yan su suna zuwa makarantu kama daga na BOKO zuwa na islama. Wanda sau da yawa yaran nan da Kansu suke tattaki zuwa wadan can makarantu sabanin abun yadda yake a gidan masu hannu da shuni.
Ni dinnan zan iya tuno sadda muna yara muke zuwa marantar firamare da islamiyya a kafa. Wanda muke tafiyar kimanin kilomita shida (6) zuwa da dawo wa. Amma tun a lokacin ‘Ya ‘Yan masu kudi a mota ake kaisu. Saboda haka babu yadda shugaba zai zargi iyaye da laifin barin yara suna fita daga gida. Ko kadan yin hakan ba dai dai bane.
Maganar da me girma sarki yayi ka iya tsunduma iyayen yara su fada zuwa cutar damuwa da tunanunnuka (wato depression). Wanda ba karamar illa bace a garesu.
Amma inason mai karatu ya fuskanci zance na ba ina nuna iyayen yara basu da laifi ba. Suma iyayen yara ya zama dole su kula da ‘Ya ‘yan su sosai.
Muna kira ga mai martaba sarki da ya yi gaggawar bawa jama’ar jihar Kano hakuri musamman iyayen yaran da suka salwanta.
Allah ya bayyana mana su, Allah ya kiyaye gaba, ameeen.
52ND SUG PRESIDENT BUK
LEVEL 600 MEDICAL STUDENT.

Labarai

Matsalar Yunwa Ya Kama Ku Magance Ba Kama Masu Zanga-zanga Ba- PDP

Published

3 hours ago

September 9, 2024

Khadija Ahmad Tahir

Jam’iyyar PDP ta Kasa ta bayyana cewa abun takaici ne yadda gwamnatin tarayya ta Kama ‘yan Kasar da suka fito zanga-zangar tsadar rayuwa da a gudanar a fadin Kasar a watan Augustan da ya gabata.

Sakataren yada labaran jam’iyyar Debo Olagunagba ya bayyana hakan a yau Litinin a yayin taron manema labarai a hedkwatar hukumar da ke Abuja.

Jam’iyyar ta ce yunwa da tsadar rayuwa ne suka dauki nauyin zanga zanga a Kasar ba wasu mutane ba.

Sakataren ya ce ya kamata gwamnatin Kasar ta mayar da hankali wajen magance yunwa, ba kama masu zanga-zanga ba.

PDP ta kara da cewa tsare-tsaren da shugaba Tinubu ya bijiro da su ne ya haifar da tsadar rayuwa da ake ci gaba da fuskanta a Kasar.

Jam’iyyar ta ce abin kunya da takaici ne yadda gwamnatin Tinubu ta sanya aka kama masu zanga-zangar, inda ta ce yunwa ya kama ta kama ba talakawa ba.

Jam’iyyar ta kara da cewa ya kama jam’iyyar APC ta hankalta da zanga-zangar da ‘yan Kasar suka yi wajen magance matsalolin Kasar.

Jam’iyyar na wannan kalamin ne bayan kama Shugaban Ƙungiyar Ƙwadago na Kasa NLC Joe Ajearo da jami’an DSS ta yi a yau Litinin.

‘Yan Kasar sun gudanar da zanga-zangar lumana ne a ranar 1 zuwa 10 ga watan Augusta, inda daga baya kuma ta rikide ta koma tarzoma.

Labarai

‘Yan Bindiga Sun Yi Garkuwa Da Jami’an Lafiya Biyu A Kaduna

Published

3 hours ago

September 9, 2024

Khadija Ahmad Tahir

Wasu da ake zargi ‘yan bindiga ne sun yi garkuwa da wasu ma’aikatan jinya guda biyu mata, tare da marasa lafiya da dama, a lokacin da suka kai hari wani Asbiti da ke Kauyen Kuyallo a cikin karamar hukumar Birnin Gwari ta Jihar Kaduna.

Wani shugaban kungiyar ‘yan sa-kai a yankin da lamarin ya faru Musa Alhassan, ya bayyana cewa tun da fari bayan zuwan maharan sun fara nufar wata makarantar sakandiren gwamnati ne a yau Litinin da misalin karfe 9 safe da nufin yin garkuwa da daliban makarantar.

Acewar Musa bayan zuwan ‘yan bindigar makarantar suka tarar da babu kowa hakan ya sanya suka nufi Asibitin suka sace mutanen.

Musa ya ce ya zuwa yanzu ba a san adadi marasa lafiyar maharan suka sace ba a Asibitin.

Labarai

DSS Ta Kai Sumame Ofishi SERAP Na Abuja

Published

3 hours ago

September 9, 2024

Khadija Ahmad Tahir

Hukumar tsaron farin kaya ta DSS ta kai sumame ofishin kungiyar SERAP mai rajin kare tattalin arzikin Najeriya da ke Abuja.

Jami’an na DSS sun kai sumame ofishin ne sa’o’i kadan bayan da DSS din ta kama shugaban kungiyar kwadago ta Kasa NLC Jeo Ajaoro a yau Litinin a filin jiragen sama na birnin a lokacin da ya ke kan hanyarsa ta zuwa Kasar Birtaniya don halartar taron ‘yan kasuwa wanda za a gudanar a yau.

Sai dai bayan kama Ajerao, a wata wallafa da SERAP ta yi a shafin ta X, ta bayyana cewa, jami’an DSS sun kai’wa ofishinta na Abuja sumame, inda suka bayyana cewa su na neman daraktan kungiyar ne.

SERAP ta ce mamaye ofishinta da DSS suka yi sun yi ne ba bisa ka’ida ba, inda ta bukaci shugaba Tinubu da ya gargadi jam’an na DSS da su daina yin barazana ga mutane da kuma yin barazana ga ‘yancin ‘yan Kasar.

Kai sumame ofishin na SERAP na zuwa ne kwana guda da kungiyar ta bai’wa shugaban Tinubu wa’adin sa’o’i 48 da ya umarci kamfanin mai na Kasa NNPCL da ya janye karin farashin man da ya yi a Kasar.