Labarai

Ganduje ya sake lashe lambar yabo cikin gwamnonin Jam’iyyar APC

Published

4 years ago

November 27, 2019

Kungiyar gwamnonin jami’ar APC ta zabi gwamnan Kano Abdullahi Umar Ganduje a matsayin gwamnan da ya fi sauran gwamnonin Kawo Ayyukan cigaban Al’umma, inda ta doke sauran gwamnonin.

Jihar Kano ta lashe kambun ne watanni biyu a jere.

Cikin wata wasika da Da babban darakatan Yada labarai na Shugaban inuwar Gwamnonin jam’iyar APC Salihu Mohammad Lukman ya fitar,

Ya bayyana cewa gwamnan Kano Dr Abdullahi Umar Ganduje ya samu wannan yabo ne sakamakon manyan ayyukan inganta rayuwar Al’umma guda 19 da ya gabatar Wanda Suka hada da, koyar da sana’oi, Samar da ayyuka, bayar da kulawa da kiwon lafiya, Inganta ilimi, Tsaro, Inganta hanyoyin sufuri, Lantarki, muhalli, Wasanni da Sauransu.

Jihar da ke biye Mata kuwa a fannin inganta rayuwar Al’umma shine jihar Legas,da yake da 18, jihar Ekiti da ya samu kaso 17, Edo 13, Katsina da Kwara 11, inda jihar Yobe da Jigawa Suka samu kaso 11,
Yayin da jihar Kaduna, Niger da Ogun suke da kaso 7.

Ita kuwa jihar Borno da yobe sun samu kaso 6, a bangare guda kuma jihohin Osun da plateau Suka samu kaso 5.

Jihohin karshe sune Gombe da kogi sai nasarrawa da Ondo suka samu Kaso 4.

A cikin Watanni biyu jihar Kano itace tafi gudanar da ayyukan da suka shafi cigaban Al’umma.

Labarai

Zagon Kasan Da Kwankwaso Ya Yi Wa Jam’iyyar NNPP Ya Sa Ba Muyi Nasara A Kotuba- Alhaji Abbas

Published

4 hours ago

September 21, 2023

Amina Muhammad

Babban jigo a jam’iyyar NNPP, Alhaji Abbas Onilewura ya zargi dan takarar shugaban kasa a jam’iyyar, Rabiu Kwankwaso kan rasa nasarar jam’iyyar a jihar Kano.

A jiya Laraba 20 ga watan Satumba kotun ta yanke hukunci inda ta tsige Gwamna Abba Kabir na jam’iyyar a matsayin gwamna.

Kotun kuma ta tabbatar da Nasiru Gawuna na jam’iyyar APC a matsayin wanda ya lashe zaben.

Yayin da ya ke martani kan hukuncin, Abbas ya ce Kwankwaso ya siyar da jam’iyyar lokacin da ya ke tattaunawa da APC kan mukamin minista a Abuja.

Onilewura ya bayyana haka ne a yau Alhamis 21 ga watan Satumba a cikin wata sanarwa da ya fitar.

Ya ce zagon kasa da Kwankwaso ya yi wa jam’iyyar ce ya jawo rashin nasararta a hukuncin kotun da aka yanke a jiya.

Ya kara da cewa Wannan rashin nasara babbar asara ce a jam’iyyar mu kuma hakan ya faru ne saboda son rai na Kwankwaso wanda ya siyar da jam’iyyar.

Labarai

Gwamnatin Delta Ta Amince Da Rage Kaso 25 Na Kudin Jami’a A Jihar

Published

18 hours ago

September 20, 2023

Amina Muhammad

Gwamnatin jihar Delta ta amince da rage kashi 25 na kudin makarantar daliban jami’a a jihar.

Wannan dai wani bangare ne na tallafin da gwamnatin za ta bai wa daliban kuma ya shafi jami’a hudu mallakin jihar.

Hakan na kunshe a wata sanarwa da babban sakataren yada labaran gwamnan Festus Ahon ya sanyawa hannu ranar Laraba.

Sanarwar ta ce gwamnan ya bayar da umarnin bai wa ma’aikatan jihar tallafin naira dubu goma kowanne tsawon watanni uku.

Sannan an amince da kashe naira biliyan 5.522 ga ma’aikata 50,196 a matsayinalawus da aka yi musu karin matsayi.

Sannan gwamnatin za ta kashe naira biliyan goma wajen raba buhun shinkafa 17,000 da sama da buhu masara 60,000 ga marasa karfi.

Labarai

Cibiyar Kare Hakkin Yan Jaridu Ta Yi Allah-Wadai Da Cin Zarafin Yan Jarida A Kano

Published

18 hours ago

September 20, 2023

Amina Muhammad

Cibiyar kare hakkin yan jarida ta duniya ta yi Alla wadai da cin zarafin yan jarida da wasu yan sanda su ka yi a Kano yau Laraba.

Salim Umar na jaridar Daily Trust da Zahradden Lawal na jaridar BBC an ci zarafinsu tare da lalata layan aikinsu yayin da us ke bakin aiki.

Babban jami’in kare hakkin yan jarida na duniya Melody Akunjiyan ne ya bayyana haka a wata sanarwa da ya aikewa manema labarai a yau.

Cibiyar ta ce abin takaici ne ganin yadda yan sandan su ka nuna rashin kwarewa ta hanyar cin zarafin yan jaridan yayin da su ke bakin aiki.

Cibiyar ta bukaci hukumar yan sanda ta kasa da su kula tare da kiyayewa a gaba wajen cin zarafin yan jarida musamman idan aiki ya hadasu da jami’an yan sanda.