Labarai
Ƴan sanda a Kano sun kama ƴan daba 205 da wuƙaƙe 636
Rundunar ƴan sandan jihar Kano ta kama ƴan daba 205 da wuƙaƙe sababbi fil guda 636 sai wasu mutane da ake zargi da aikata fashi da makami da garkuwa da mutane.
A yayin da yake jawabi yayin da aka yi holen masu laifuka a helkwatar rundunar da ke Bompai, Kwamishinan ƴan sandan Kano Habu Ahmadu Sani (Kallamu Waheed) ta bakin kakakin ƴan sanda DSP Abdullahi Haruna Kiyawa ya ce an samu muggan makamai masu tarin yawa daga hannun ƴan fashi da masu garkuwa da mutane.
Cikin makaman da aka kama akwai bindiga ƙirar AK47 ƙirar gida da ta waje, da sauran bindigu da harsashi.
Haka zalika an samu nasarar kwato wuƙaƙe sababbi fil, tare da kamo ƴan daba masu tarin yawa.
Sannan ƴan sandan sun kama ganyen tabar wiwi da sholisho har ma da allurar maye masu yawa.
Cikin mutanen da aka kama akwai masu damfara da masu satar motoci harma da waɗanda ke sojan gona tare da mallakar katin shaidar aikin ɗan sanda da kuma kayan soji.
Kwamishinan ya bayyana waɗannnan nasararori cewar sun samu ne ta hanyar haɗin kan da al umma suke bayarwa, haka zalika ya yi kira ga jama da su kadance masu cigaba da bawa jami an tsaro haɗin kai don wanzar da zaman lafiya a jihar da ma ƙasa baki ɗaya.
A wani cigaban kuma an ƙaddamar da littafin da ya ƙunshi illoli da shaye shaye kan haifar a tsakanin matasa.
Kwamishinan ƴan sandan Kano Habu A. Sani ne ya ƙaddamar da littafin a harabar rundunar da ke unguwar Bompai.
Ambasada Mukhtar Gashash ne ya yi wannan yunƙurin jagorantar ƙaddamar da littafin wanda ya ce za a rabawa dɗalibai a jihar Kano da ma sauran jihohin Najeriya.
An fara bawa wasu daga cikin shugabannin ɗalibai a jihar Kano , kuma littafin ya ƙunshi illolin shaye shaye da hanyoyin kare kai daga faɗawa ɗabi ar shaye shaye.
Jam’iyyar PDP ta Kasa ta bayyana cewa abun takaici ne yadda gwamnatin tarayya ta Kama ‘yan Kasar da suka fito zanga-zangar tsadar rayuwa da a gudanar a fadin Kasar a watan Augustan da ya gabata.
Sakataren yada labaran jam’iyyar Debo Olagunagba ya bayyana hakan a yau Litinin a yayin taron manema labarai a hedkwatar hukumar da ke Abuja.
Jam’iyyar ta ce yunwa da tsadar rayuwa ne suka dauki nauyin zanga zanga a Kasar ba wasu mutane ba.
Sakataren ya ce ya kamata gwamnatin Kasar ta mayar da hankali wajen magance yunwa, ba kama masu zanga-zanga ba.
PDP ta kara da cewa tsare-tsaren da shugaba Tinubu ya bijiro da su ne ya haifar da tsadar rayuwa da ake ci gaba da fuskanta a Kasar.
Jam’iyyar ta ce abin kunya da takaici ne yadda gwamnatin Tinubu ta sanya aka kama masu zanga-zangar, inda ta ce yunwa ya kama ta kama ba talakawa ba.
Jam’iyyar ta kara da cewa ya kama jam’iyyar APC ta hankalta da zanga-zangar da ‘yan Kasar suka yi wajen magance matsalolin Kasar.
Jam’iyyar na wannan kalamin ne bayan kama Shugaban Ƙungiyar Ƙwadago na Kasa NLC Joe Ajearo da jami’an DSS ta yi a yau Litinin.
‘Yan Kasar sun gudanar da zanga-zangar lumana ne a ranar 1 zuwa 10 ga watan Augusta, inda daga baya kuma ta rikide ta koma tarzoma.
Wasu da ake zargi ‘yan bindiga ne sun yi garkuwa da wasu ma’aikatan jinya guda biyu mata, tare da marasa lafiya da dama, a lokacin da suka kai hari wani Asbiti da ke Kauyen Kuyallo a cikin karamar hukumar Birnin Gwari ta Jihar Kaduna.
Wani shugaban kungiyar ‘yan sa-kai a yankin da lamarin ya faru Musa Alhassan, ya bayyana cewa tun da fari bayan zuwan maharan sun fara nufar wata makarantar sakandiren gwamnati ne a yau Litinin da misalin karfe 9 safe da nufin yin garkuwa da daliban makarantar.
Acewar Musa bayan zuwan ‘yan bindigar makarantar suka tarar da babu kowa hakan ya sanya suka nufi Asibitin suka sace mutanen.
Musa ya ce ya zuwa yanzu ba a san adadi marasa lafiyar maharan suka sace ba a Asibitin.
Hukumar tsaron farin kaya ta DSS ta kai sumame ofishin kungiyar SERAP mai rajin kare tattalin arzikin Najeriya da ke Abuja.
Jami’an na DSS sun kai sumame ofishin ne sa’o’i kadan bayan da DSS din ta kama shugaban kungiyar kwadago ta Kasa NLC Jeo Ajaoro a yau Litinin a filin jiragen sama na birnin a lokacin da ya ke kan hanyarsa ta zuwa Kasar Birtaniya don halartar taron ‘yan kasuwa wanda za a gudanar a yau.
Sai dai bayan kama Ajerao, a wata wallafa da SERAP ta yi a shafin ta X, ta bayyana cewa, jami’an DSS sun kai’wa ofishinta na Abuja sumame, inda suka bayyana cewa su na neman daraktan kungiyar ne.
SERAP ta ce mamaye ofishinta da DSS suka yi sun yi ne ba bisa ka’ida ba, inda ta bukaci shugaba Tinubu da ya gargadi jam’an na DSS da su daina yin barazana ga mutane da kuma yin barazana ga ‘yancin ‘yan Kasar.
Kai sumame ofishin na SERAP na zuwa ne kwana guda da kungiyar ta bai’wa shugaban Tinubu wa’adin sa’o’i 48 da ya umarci kamfanin mai na Kasa NNPCL da ya janye karin farashin man da ya yi a Kasar.
-
Labarai7 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari