Jami’ar Bayero ta Samar Na’urar Taimakawa masu Cutar Covid 19 wajen Numfashi

Tare da Maryam Muhammmad

Jami’ar Bayero dake Kano ta samar da na’urar da zata taimakawa masu dauke da cutar Covid 19 yin numfashi a saukake wato Ventilator.

Jami’ar karkashin kulawar kwararru a tsangayar fasaha, tace duk wasu gwaje gwaje sun gama domin tabbatar da ingancin na’urar, abinda ya rage kawai gwada na’urar a jikin dabbobi kamar yadda yake a ka’ida.

Mataimakin shugaban Jami’ar Bayero farfesa Yahuza Bello yace, adai dai lokacin da ake kashe fiye da Naira miliyan 7 wajen Siyan na’urar ta Ventilator, Jami’ar ta kashe kasa da Naira dubu 500 gurin kera na’urar.

, Jami’ar na shirin yin hadin gwiwa da kamfanin hada motoci kirar Peogeout domin samar da na’urar da yawa domin amfanin al’umma, musammama a wannan lokaci da ake fama da Annobar Cutar Corona Virus.