Labarai
Najeriya na Fuskantar Matsalar Tsaro, da Coronavirus— Buhari
Shugaban kasa Muhammadu Buhari ya ce ‘yan Najeriya na fuskantar wahala sosai sakamakon annobar Coronavirus da kisan ‘yan bindiga.
Ya fadi hakan ne a jawabinsa na ranar yancin kai a ranar Juma’a, 12 ga watan Yuni.
Ya ce: “Rana ce ta karrama magabatanmu wadanda suka yi wahala wajen samar da jumhuriyyarmu da duk wani dan Najeriya da ya yi aiki ba ji ba gani domin dorewar ta.
“Muna bikin damokradiyyar wannan shekarar duk da annobar coronavirus wacce ta raunana kasarmu da duniya baki daya.
“Shakka babu wannan lokaci ya kasance mawuyaci ga kowa, musamman wadanda suka rasa masoya sakamakon cutar. Da kuma wadanda suka rasa hanyoyin rike kansu sakamakon tsatsauran matakin da muka shimfida a kowani mataki na gwamnati domin magance annobar da tsare rayuka.
“Sadaukarwar ma’aikatan lafiyarmu da sauran masu muhimmin ayyuka wajen shawo kan wannan cutar ya nuna karfin gwiwarmu a matsayin mutane da kasa mai inganci.
Shugaban ya jajantawa al’ummar jahohin Katsina da kuma Borno kan kisan kiyashin da wasu ‘yan ta’adda suka yi wa al’ummar Jahar.
Shugaba Buhari yace ” Ina cike da nadama da kuma takaicin abunda ya faru a jahohin Katsina, dakuma Borno kan Kisan al’umma da wasu tsageru sukayi”
“Jami’an tsaron kasarmu zasu zurfafa bincike tare da damka dukkan wanda aka samu da hannu a wurin aika-aika gaban kotu don fuskantar hukunci”
“Haka akwai bukatar al’umma su taimaka jami’an tsaro don samun damar magance wannan lamari”
“Ina kara jajantawa al’ummar jihohin Katsina da kuma Borno”.
Sai dai wasu na ganin akwai damuwa sosai kan yadda lamarin kashe-kashen jama’a ke ta kara yawaita a wadannan jihohi da kuma wasu sassa na Nijeriya.
“Kuma na yi amfani da wannan damar wajen mika godiya na ga dukkaninku a kan ayyukanku ga kasar.
Fitaccen malamin addinin musulunci a Najeriya Sheikh Ahmad Abubakar Mahmud Gumi ya yi Allah-wadai da hallaka mutane da jirgin soji yi a garin Tudun Biri a Jihar Kaduna.
Malamin ya bayyana hakan ne ta cikin wani jawabi da ya fitar a shafinsa na Facebook, Gumi ya ce lamarin abin takaici ne da ke yawan faruwa a yankin Arewacin Kasar.
Sheikh Ahmad Gumi ya kara da cewa ana maida Jihohin Arewacin Kasar tamkar zirin Gaza, kamar yadda sojojin Israila su ke hallaka mutanen kasar Falasdin.
A jawabin na Gumi ya zargi hukumomin Kasar da nufi mara kyau ga mutanen Kasar, tare da yin kisan kare dangi da ganganci ga al’ummar da ke kauyukan Arewa.
Gumi ya ce hakan ba zata taba yuwuwa ba jirgin yayi kuskure wajen sanya bam ga masu fararen kaya ba.
Ahmad Abubakar Gumi ya bayyana cewa akwai wata a kasa wajen sanyawa masu taron mauludin bom din da jirgin yayi.
Fadar shugaban kasa ta yiwa dan takarar shugaban kasa na jam’iyyar Labour Party ga Peter Obi raddi akan yadda ya ke sukar gwamnatin shugaba Bola Tinubu.
Martanin ya fito ne daga ofishin Mataimakin shugaban kasa Kashim Shettima ta bakin mai magana da yawunsa, Stanley Nkwocha a ranar Talata.
Sanarwar ta zargi Peter Obi da bata gwamnatin Tinubu bisa rashin nasarar da ya samu a lokacin zaben kasar.
Sanarwar ta ce Peter ya yi amfani da zargin zuwa taron COP na 28 da shugaban ya tafi da mutane 1411, domin cimma wata manufa tasa ta siyasa ta hanyar yaudara.
Sanarwar ta ce Obi ya shafe tsawon lokaci ya na sukar gwamnatin ta Tinubu domin ya nuna cewa ya na kishin kasa, kuma ba gaskiya yake fada ba a kalamannasa.
Martanin na zuwa ne bayan da Peter Obi ya soki gwamnatin tarayya akan kudin da aka kashe wajen zuwa taron dumamar yanayi na COP karo na 28 da kuma shirin gyara gidan mataimakin shugaban kasar Kashim Shettima.
Labarai
Kar Gwamnatin Tarayya Ta Fara Tunanin Yafe Kisan Da Sojoji Suka Yiwa Mutane A Kaduna – Sheikh Yahaya Jingir
Shugaban Majalisar Malamai na Kungiyar Jama’atu Izalatil Bid’ah Wa’ikamatis Sunnah ta Kasa, Sheikh Muhammad Sani Yahya Jingir, ya bayyana cewa kada gwamnatin kasar ta fara batun cewa a yafe kisan da sojoji suka yi wa mutane a gurin taron Mauludi a Jihar Kaduna, domin Allah ya yi umarnin a hukumta dukkan wanda ya aikata irin haka.
Sheikh Yahya Jingir ya bayyana hakan ne yayin wani taron ganawa da manema labarai da ya yi a gidansa da ke garin Jos.
Jingir ya ce kisan gilla da aka yiwa mutanen abu ne wanda ba za a taba lamunta ba, kuma ba za a barshi haka ba, ba tare da an hukumta wadanda suka aikata aika-aika ba.
Shugaban ya kara da cewa dole ne a hukumta dukkan wanda aka samu da hanu akan lamarin,kisan mutanen da basuji ba su gani ba,kuma hakkin kowanne shugaba ne ya kare rayukan al’ummar da ya ke jagoranta.
Jirgin ya ce hukunta wadanda suka kashe mutanen da basuji ba su gani ba shine kyakkyawan shugabanci ga kowanne irin shugaba.
Ya ce Allah Ya haramta kisan bayin Allah, ko Musulmi ne ko Kirista ne ko wanda ba shi da addini ne, domin yana da daraja da ’yancin rayuwa, a wajen Allah.
Malamin ya kuma bukaci gwamnatin tarayya da ta kafa kwararran Kwamitin bincike, wanda zai binciko musabbabin hallaka mutane.
Malamin ya yi kira da jami’an sojin da sauran hukumoomin tsaro a Kasar,da su dunga tsara yadda za su gudanar da ayyukansu kafin yi,domin kaucewa aikata ba dai-dai ba.
Daga karshe Malaman Jingir ya mika sakon ta’aziyarsa ga Sarkin Musulmi Alhaji Sa’ad Abubakar na lll da Sarkin Zazzau da gwamnan Jihar ta Kaduna da kuma ‘yan uwa da iyalan wadanda suka rasa rayukansu a hari.
-
Mu shaƙata10 months agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Al'ada5 years agoFahimta ta a kan matsalar aure a ƙasar Hausa
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini3 years agoLokutan da ake saurin karɓar addu’a
-
Bidiyo3 years agoWanene Halilu Ahmad Getso? Ƴar cikin Gida
-
Lafiya5 years agoMenene Genotype ? Amfanin yinsa kafin Aure – Mujallar Matashiya
-
Labarai8 months agoAkwai Jihohi Goma Da Zaɓen Gwamna Bai Kammala Ba A Najeriya Ko Har Da Kano?