Connect with us

Labaran jiha

GIDAUNIYAR ISLAND SURVIVE FOUNDATION TA KAI AGAJI A KANANAN HUKUMONIN DUTSINMA, SAFANA DA DANMUSA

Published

on

DAGA RABIU SANUSI KATSINA

A yunkurin rage radadi da agaji ga marayu da ma su karamin karfi kungiyar fafutukar ganin an taimaki marassa galihu da aka sa ni da Island survive foundation da ke da ofishin ta a jihar Kaduna da katsina,
ta yi taron gangamin bude ofishin ta na shiyyar katsina ta tsakiya agarin Dutsinma kwanan baya.

Haka zalika yayin bude ofishin kungiyar ta fara bada tallafi ga marayu da gajiyayyu a kungiyance daga kananan hukumomi ukku da su ka hada kungiyoyi biyu daga cikin karamar hukumar Dutsinma sai daya daga Safana cikon kungiya ta ukku kuma daga karamar hukumar Danmusa.

Tallafin da ya hada da kayan abinci da su ka hada da Masara, Gero, Wake da shinkafa sai atamfofi.

A na shi jawabin shugaban gidauniyar Dr, Muhammad Bara’u Tanimu ya bayyana cewa aikin wannan kungiya ne duba mutanen da su ka cancanta kafin a mika tallafin.

Dr Bara’u ya kara da cewa kafin mika tallafin sai da aka tabbatar kungiyoyin sun tantance marayu na gaskiya kuma aka duba yankin da matsalar tsaro ya shafa da wadanda abin ya shafa sannan aka damka musu Tallafin.

Haka kuma ya bayyana cewa sun fara bada wannan tallafin ne a yanzu kuma za su ciga da badawa a sauran gurare ba.

Su ma wadanda su ka amfana da tallafin gidauniyar ta island survive foundation sun nuna matukar godiyar su tare da yiwa wannan gidauniya addu’o’in samun nasara da zaman lafiya da cigaba musamman ga shugabannin tafiyar da iya.

Click to comment

Leave a Reply

Labaran jiha

Gwamnatin Jihar Yobe Za Ta Kwashe Mutanen Da Ambaliyar Ruwa Ta Shafa A Jihar

Published

on

Gwamnatin Yobe ta bayar da umarnin kwashe mutanen Usur da Gasma da ambaliyar ruwa ta yi wa barazana a kananan hukumomin Bade da Karasuwa.

Mataimakin gwamnan jihar, Alhaji Idi Gubana ne ya bayar da wannan umarni a jiya Lahadi a Gashua lokacin da ya ziyarci yankunan da ambaliyar ruwa ta shafa.

Ya umurci Hukumar bayar da Agajin Gaggawa ta Jihar (SEMA) da ta kwashe mazauna Usur da Gasma zuwa sabon rukunin gidaje da aka gina a Jaji Maji.

Mataimakin gwamnan ya ce sun kai ziyarar ne domin jajantawa wadanda ibtila’in ya rutsa da su da kuma tantance irin ɓarnar da aka yi domin samun tallafin da ya dace.

Gubana ya kuma umurci hukumar da ta samar da kayan agaji ga wadanda abin ya shafa domin rage musu raɗaɗi.

A nasa jawabin, Sarkin Bade, Alhaji Abubakar Suleiman, ya gode wa mataimakin gwamnan bisa ziyarar jaje da ya kai musu.

Ya kuma bukaci al’ummar garuruwan da su yi addu’ar Allah ya dawo da zaman lafiya a yankunan da lamarin ya shafa.

Mataimakin gwamnan ya samu rakiyar kakakin majalisar dokokin jihar Yobe, Alhaji Ahmad Mirwa da sakataren gwamnatin jihar, Alhaji Baba Wali da dai sauransu.

Continue Reading

Labaran jiha

Gwamnatin Jihar Kaduna Za Ta Hukunta Wadanda Su Ka Kashe Fulani Biyu

Published

on

Gwamnan Jihar Kaduna Malam Nasir El’Rufa i ya yi Allah wadai da hallaka wasu fulani Makiyaya biyu tare da kone su a cikin karamar hukumar Birnin Gwari ta Jihar a ranar Lahadi.

Kwamishinan Tsaro da harkokin cikin gida Samuel Aruwan shi ne ya tabbatar da faruwar lamarin.

Sanuel Aruwan ya ce bayan faruwar lamarin an aike da jami’an tsaro domin kamo wadanda su ka yi aika-aikar.

Batagarin sun hallaka fulanin ne sakamakon zarginsu da su ke na yi na yin garkuwa da mutane.

Aruwan ya ce gwamnatin Jihar za ta yi wata ganawa da iyalan wadanda aka hallaka domin yi musu ta’aziyya.

Sannan ya kara da cewa an hallaka Makiyayan ne a lokacin da su ka shiga cikin karamar hukumar Birnin Gwari domin yin siyayyar kayayyaki.

Ya ce zuwan su ke da wuya su ka farwa Fulanin tare da kiran jami’an tsaro.

Aruwan ya ce bayan jami’an tsaron sun isa gurin matasan yankin su ka kwace mutanen su ka kashe su tare da kone su.

Continue Reading

Labaran jiha

Wata Kotu Ta Daure Wani Mutum Kan Yunkurin Sayar Da ‘Yarsa A Jihar Legas

Published

on

Wata babbar kotu da ke Jihar Benue ta bayar da izinin garkame wani mutum wanda yayi kokarin sayar da ‘yarsa akan kudi Naira Miliyan 20.

Jami’an rundunar ‘yan sandan Jihar su ne wadanda su ka gurfanar da wanda ake zargin shi da abokinsa a gaban kotun.

Jami’an sun ce abokin nasa shine wanda ya taimaka masa wajen hadin baki domin a siyar da yarinyar da kuma safarar mutane.

Jami’ar ‘yar sanda mai gabatar da kara ta bayyana cewa an kama mutanen ne a lokacin da su ke kokarin sayar da yariyar mai shekara hudu.

Ta ce ana tsaka da cinikin yarinyar su ka kama mutanen yayin da mutumin da za su sayarwa da yariyar ya tsere.

Jami’ar ta kuma bukaci kotun da ta yanke musu hukuncin sakamakon karya wasu dokokin da su ka saba dokar Jihar.

Bayan gabatar da karar Alkaliyar kotun ta aike da su gidan yari zuwa ranar daya ga watan Disamba domin ci gaba da da shari’ar.

Continue Reading

Talla

Trending

%d bloggers like this: