Connect with us

Labarai

Mun shawo kan matsalar tsaro sanadin haɗakar aiki da al’umma – C.P Habu Sani

Published

on

Kwamishinan ƴan sandan jihar Kano Habu Ahmadu sani ne ya bayyana hakan a yayin da yake jawabi a wajen taron kafa kwamitin shawara kan haɗakar ƴan samda da al umma.

 

Ya cigaaba da cewa “na mai farin ciki tare da yi muku maraba, yayin da muke kafa wannan kwamitin shawara na musamman a wannan gunduma (Area Command) kan shirin hadaka tsakanin al’umma da hukumar ‘yan sanda da akai wa take da (ACPAC). Wannan wata gagarumar nasara ce, tsarin hadakar zai tabbata a jihar kano domin samar da cigaba ta fannin tsaro ga aikin hukumar ‘yan sanda a jihar kano.

  1. Mun samu nasarori masu dimbin yawa a tsarin gudanar da aikin tsaro a jihar kano, kuma wadannan nasarori sun samu ne sakamakon wannan sabon yunkuri na hadaka tsakanin hukumar ‘yan sanda da al’umma, karkashin jakorancin mai girma Sufeto Janar na ‘yan sandan Najeriya IGP Mohammed Abubakar Adamu, NPM, mni tare da kokarin hukumar na ganin cewa an yaki kowanne irin nau’in aikin barna a cikin kasa baki daya wanda jihar kano tana daya daka ciki.

  2. Shirin Hadaka tsakanin hukumar ‘yan sanda da al’umma shiri ne na hadin gwiwa tsakanin hukumar yan sanda da kuma al’ummar dake iya ganowa tare da magantar matsalolin da suke kewaye da ita, hikima ce da take habbaka tsare tsaren kungiyoyin da suke hada karfi da karfe domin shawo kan matsalolin da suke cikin al’umma na tsaro takan amfani da hanyoyin zamani masu inganci, da samar da yanayi na lumana da aminci daga barna, rashin zaman lafiya da kuma tsoron da ke faruwa sakamakon barkewar barna ko aikata laifuka.

  3. Tuni Mai Girma Gwamnan Jihar Kano Dr Abdullahi Umar Ganduje OFR ya Kaddamar da Kwamitin Shawara na jiha, karkashin jagorancin mai martaba Sarkin Kano Alhaji Aminu Ado Bayero. Yanzu za’a kaddamar da kwamitocin Gunduma (Area Command), Karamar Hukuma da kuma na Chaji Ofis (Division), wadanda suna da aiki kamar haka:-

i. Kwamitin shawara kan shirin hadakar hukumar yan sanda da al’umma na Area Command (ACPAC) kwamitine da zai dinga tattaunawa akan shirin cikin yankin da ke aiki a karkashin kulawar area command, kwamitin zai hada da DPOs, Ma’aikata daga wasu sashen tsaro na musamman, da kuma al’ummar wannan yankin da zasu zama masu samar da dukkan bayanan da ake bukata akan sha’anin tsaro don samar da zaman lafiya, lumana da kuma sulhu.

ii. Kwamitin shawara kan shirin hadaka tsakanin hukumar yan sanda da al’umma na karamar hukuma (LGCPAC) kuma, shine zai kula da shirin a kananan hukumomi, kwamitin zai yi aiki tare da Shugaban Karamar Hukuma domin samar da kyakyawan tsarin wayar da kai ta fuskar tsaro, da kuma dukkan abinda zai taimaka wajen tabbatar da tsarin daga tushen sa don samar da ingataccen yanayi na zaman lafiya. Kwamitin zai dinga bada rahotonsa kai tsaye ga Kwamitin Shirin hadakar na jiha (SCPC).

iii. Kwamitin hadaka tsakanin hukumar yan sanda da al’umma na kowanne division zai kasance da masu unguwanni (Mai gari) ko jagororin al’ummar wannan yankin, wanda zasu kasance tare da masu tantance wadanda za a dauka daga al’ummar don kasancewa a matsayin constable a cikin unguwannin da suke. Wadannan matasa da aka dauka a matsayin constable a unguwa/ kauye zasu zamanto jakadun samar da zaman lafiya, samar da aminci, wayar da kan al’ummar akan sha’anin tsaro, tattara muhimman bayanai da bincike na musamman, yaki da matsalolin da suka addabi yankunan su, da kuma yin sulhu ga sabani da kuma kananan laifuka. Kwamitin zai sanya idanu akan yadda ake gudanar da aiki a yankin, tabbatar da ya gudana a irin yadda hukumar yan sanda ta tsara tun daga tushe har zuwa matakin karshe domin tabbatar da tsaro da zaman lafiya.
5. A karshe, wadannan kwamitoci an kaddamar dasu. Wadanda aka basu wannan dama, dafatan zasu rike amana tare da taimakawa al’umma domin inganta harkar tsaro a jihar Kano. Allah ya baku ikon taimakawa. Muna mika godiyar mu ga mai girma gwamnan Jihar Kano Dr. Abdullahi Umar Ganduje, OFR na irin gudun mawar da yake bawa rundunar ‘yan sandan jihar kano, muna godiya ga mai Martaba Sarkin Kano Alhaji Aminu Ado Bayero bisa kokarinsa na ganin an samu ingantaccen tsaro a jihar kanon da kasa bakidaya. Ina kuma godiya ga dukkan al’ummar Jihar Kano na bada hadin kai, kyakywar fahimtar su da kuma bin ka’idojin da hukumar yan sanda ta Jihar Kano ta sanya musamman a wannan yanayi na kwararowar annobar cutar Covid-19. Duk wadanda suka halarci wannan taro, muna fata Allah (SWT) ya maida kowa gidansa lafiya Amin.”

Click to comment

Leave a Reply

Labarai

Gwamnatina Ta Yi Duk Abinda Ya Dace Ga Ƴan Najeriya – Buhari

Published

on

Shugaban Najeriya Muhammadu Buhari ya sake tabbatar da cewar gwamnatinsa ta yi duk abinda ya dace wajen ciyar da Najeriya gaba.

Muhammadu Buhari ya bayyana haka a cikin jawabinsa na zagayowar ranar samun ƴancin kai a Najeriya.

Shugaban ya ce gwamnatinsa ta yi ƙoƙari matuƙa wajen bunƙasa tattalin arziƙi da kuma tantance bayanai a kan asusun ajiyar banki ta ƴan ƙasar.

Haka kuma ya ce gwamnatinsa ta mayar da hankalin wajen bunƙasa aikin gona wanda hakan ya zamtowar ƙasar hanyar nasara duka a ƙarƙashin mulkinsa.

Shugaba Buhari ya ce ya na jin matuƙar ciwo a bisa yajin aikin da ƙungiyar Malamn jami’a su ka shafe fiye da watanni bakwai su na yi.

A ɓangaren yajin aikin, ya ce gwamnatinsa ta yi tsare-tsare da aka shafe fiye da shekaru 11 ba a yi su a a gwamnatocin baya.

Shugaban ya sake tabbatar da aniyarsa na ganin an gudanar da sahihin zaɓe a shekarar 2023.

Wannan ne karo na ƙarshe da shugaban ya yi jawabin tunawa da zagayowar ranar samun ƴancin kai a matsayinsa na shugaban ƙasa.

Continue Reading

Labarai

Ganduje Ya Buƙaci Matasa Su Rungumi Zaman Lafiya

Published

on

Gwamnan jihar Kano Abdullahi Umar Ganduje ya buƙaci al’ummar jihar su zamto jakadun zaman lafiya.

Gwamna Ganduje ya bayyana buƙatar hakan a cikin jawabinsa na zagayowar ranar samun ƴancin kai da ya gabatar a filin wasa na Sani Abacha da ke unguwar Ƙofar Mata a Kano.

Yayin da Najeriya ke cika shekaru 62 da samun yancin kai, gwamna Ganduje buƙaci jama’a su kauceea dukkan maganganu da ayyukan da za su iya rusa zaman lafiya a jihar Kano.

Gwamnan ya godewa mutanen Kano a bisa haɗin kai da su ka bayar tare da tabbatar musu da cewar a shekara mai zuwa wani gwamnan ne zai kasance a Kano ba shi ba.

Sannan ya buƙaci ƴan Najeriya da su ci gaba da haƙuri a kan kasancewar bambancin ɗabi’u addini da al’ada wanda jihar Kano da Najeriya ke da su.

A taron da aka gudanar, sarkin Kano Alhaji aminu Ado Bayero ya jagoranci addu’a ta musamman a kan zaman lafiya tare da buƙatar matasa da su zamto jakadun zaman lafiya a duk wajen da su ka sami kansu.

Continue Reading

Labarai

Sarkin Kano Ya Buƙaci Matasa Su Kaucewa Fitina Lokacin Yaƙin Neman Zaɓe

Published

on

An Ja hankalin Matasa da yan Siyasa su gujewa dukkannin abunda zai tada hankalin al’uma a lokutan yakin neman zabe: Sarkin Kano.

Mai Martaba Sarkin Kano Alhaji Aminu Ado Bayero yaja Hankalin al’umma da yan siyasa su rika yin kalamai masu inganci a cikin al’umma

Sarkin ya bayyana haka ne lokacin da ya jagoranci gudanar da addu’oi na musamman domin samun zaman lafiya ga kasa baki daya wadda aka gudanar a babban masallacin juma’a dake cikin birnin Kano.

Alhaji Aminu Ado Bayero yace ya shirya wannan addu’a ne domin yiwa kasa addu’a da kuma zabuka da suke tunkararmu a shekara 2023.

Mai martaba sarkin kazalika yayi kira ga Matasa su gujewa dukkan abinda zai kawo fitina a lokutan yakin neman zabe.

Sarkin ya buƙaci al’umma su zama masu Ladabi da biyayya da tausasa harshinansu.

Kuma sarkin yayi fatan dukkan yan Siyasa zasu karbi shawarwari da Malamai suke bayarwa na suyi yakin neman zabe cikin nutsuwa ba tareda wani tashin hankali ba.

Daga nan kuma Mai Martaba Sarkin na Kano Alhaji Aminu Ado Bayero yace shirya adduoin yazo dai dai lokacin da ake bikin cikar Najeriya shekara 62 da samun yancin kai.

Continue Reading

Talla

Trending

%d bloggers like this: