Labarin wasanni
Liverpool ta lashe Gasar Frimiya a karon farko tun Shekaru 30
Kungiyar kwallon kafa ta Liverpool dake Ingila tayi nasarar lashe gasar firimiyar bana, abinda ya kawo karshen shekaru 30 da tayi tana jiran lashe kofin.
Nasarar ta biyo bayan doke Manchester City da Chelsea tayi daren jiya Alhamis da ci 2-1, sakamakon da ya nuna cewar yanzu City ba zata iya kama Liverpool dake da maki 86 a teburin firimiya ba, koda ta lashe sauran wasannin ta guda 7, ita kuma Liverpool ta barar da na ta.
Wannan shine kofin gasar Ingila da Liverpool ta lashe tun daga shekarar 1990, kuma shine kofin Firimiya na farko da kungiyar ta samu tun daga lokacin da aka sauyawa gasar suna a shekarar 1992, yayin da abokiyar gabar ta Manchester United ta lashe kofin har sau 13.
Mai horar da Yan wasan Liverpool, Jurgen Kloop ya fashe da kuka bayan da ta tabbata cewar sun zama zakara, nasarar da ta biyo bayan lashe kofin zakarun Turai da na kungiyoyin duniya da kungiyar ta samu.
Cikin hawaye Kloop yace wannan shine lokacin da yayi ta fatar gani, inda ya bukaci magoya bayan kungiyar da su zauna cikin gidajen su domin nuna farin cikin su saboda annobar COVID-19.
Rfi
Labarin wasanni
Kungiyar Kwallon Kafa Ta Manchester United Ta Cire Dan Wasanta Anthony Matial A Tawagar Da Za Ta Fafata Wasan Karshe Na Kofin FA
Kungiyar kwallon kafa ta Manchester United ta cire dan wasanta Anthony Matial a cikin tawagar da za ta fafata wasan karshe na kufin FA .
Kamar yadda kungiyar ta fitar a jiya Talata ta ce dan wasan Matial ya samu rauni don haka ba zai samu damar bugawa kungiyar wasa ba.
Dan wasan na Faransa wato Anthony Jordan Matial ya na da shekaru 27 sannan ya fafata wasanni kimanin 162 a Manchester United tare da cin kwallaye 62 tun bayan zuwansa Man United daga Manaco shekarar 2015.
Wasan Wanda ake saran fafatawa a ranar Asabar Wanda da kungiyar kwallon kafa ta Manchester City shi ne wasan karshe don daukar kofin FA a kasar Birtaniya.
A makon da yagabata ne ranar Lahadi Man United ta doke Fulham da ci 2-1 a gasar.
Sannan ana saran fafatawar da Man City a ranar Asabar.
An tuhumi kungiyar kwallon kafa ta Barcelona dake kasar Sifaniya, bisa zargin bayar da cin hanci ga kungiyar alkalan wasanni, wanda Barcelonan ta musanta.
Ana tuhumar kungiyar ne dai da laifin na bayar da cin haci dangane da wani biyan kudi da suka yi ga Jos Maria Enriquez Negreira, wanda shine tsohon mataimakin shugaban kungiyar alkalan wasannin kasar Sifaniya.
A watan da ya gabata an gano cewa kungiyar ta bawa Negreira da kamfaninsa kudi kimanin Yuro Miliyan 8 da dubu 400, a tsakanin shekarar 2001 zuwa shekarar 2018.
A Juma’ar da ta gabata ne dai aka sanar da kotu a Birnin na Barcelona cewa, kungiyar da tsoffin shugabanni da Negreira ana zargin su da laifin rashawa, karya ka’ida da kuma harkar kasuwancin karya.
Hakan ya faru ne kwanaki Kadan da shugaban na Barcelona Joan Laporta ya karyata cewa, kungiyar tasu ta bawa alkalan Wasanni kudi.
Shugaban gasar Laliga JavierTebas a nasa bangaren yace, Laporta din ya kamata yayi murabus daga mukaminsa tunda ya kasa fito yayi bayanin yaddda musayar kudin ta kasance.
Tun farko dai wani gidan rediyo mai suna Ser Catalunya ne ya fara bayyana cewa, hukumar karbar haraji sun gudanar da bincike akan kamfanin Negreira Dasnil 95.
Dan wasan da ke kan gaba wajen jefa kwallo a gasar Siriya A ta kasar Italiya Victor Osimhen yace, yana mafarkin taka leda a gasar firimiyar kasar Ingila.
Dan wasan gaban kasa Najeriyar wanda ya kasance a Birnin Rum dan karbar kyautar zakakurin dan wasa daga haure, yace yana son kawo Babbar gasa ga Kungiyarsa ta Napoli kuma yana son ya d’an gusa.
“Da yawan mutane suna ganin gasar firimiyar Ingila a matsayin babbar gasa mafi girma a Duniya.” Osimhen ya fada.
Kuma ya kara da cewa “yanzu ina cikin daya daga manyan gasoshi na Duniya, wato Siriya A ta Italiya.”
“Kwarai dagaske ina yin dukkan mai yiwuwa dan cimma buri na na bugawa a gasar Firimiya wata rana, amma komai zuwa yake kuma zan cigaba da kokari” in ji Osimhen.
Osimhen ya koma kungiyar Napoli ne a shekarar 2020, daga kungiyar Lille ta Faransa.
Yanzu haka ya jefa kwallaye 19 a wannan kakar wasannin, kuma kungiyar Napoli ita ke jan ragamar jadawalin gasar da tazarar maki 15.
-
Labarai8 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari