Connect with us

Labaran jiha

NIGER- Gobara ta hallaka Mata 7 Sanadin injin Janareto

Published

on

Wata Gobara da tashi a Garin rijau dake Karamar Hukumar Rijau a Jihar Niger tayi sanadiyar Mutuwar Mata bakwai.

Gobarar dai ta tashi ne a daren jiya da misalin karfe 8:15 a shagon gyaran gashi na Afrash Beauty salon dake unguwar Bawa a Karamar Hukumar Rijau bayan Injin janareto ya kama da wuta.

Kwamishinan yan sanda na Jihar Niger ya tabbatar da faruwar lamarin inda ya shaidawa Kamfanin dillancin labarai na kasa reshen Jihar Cewa Dagacin garin Rijau Alhaji Muhammmad Bello shine ya Kai Rahoton Mutuwar matan a ofishin yansandan yankin.

Rahotannin dai na nuni da cewa matan sun yi bacci ne a shagon a lokacin injin na aiki.

Sai dai Kwamishinan yan sandan yace tuni suka kwashe gawarwakin zuwa Babban asibiti dake Garin Tunga Magaji don Gudanar da bincike.

Madogara Solace base

Click to comment

Leave a Reply

Labaran jiha

Wata Kotu Ta Daure Wani Mutum Kan Yunkurin Sayar Da ‘Yarsa A Jihar Legas

Published

on

Wata babbar kotu da ke Jihar Benue ta bayar da izinin garkame wani mutum wanda yayi kokarin sayar da ‘yarsa akan kudi Naira Miliyan 20.

Jami’an rundunar ‘yan sandan Jihar su ne wadanda su ka gurfanar da wanda ake zargin shi da abokinsa a gaban kotun.

Jami’an sun ce abokin nasa shine wanda ya taimaka masa wajen hadin baki domin a siyar da yarinyar da kuma safarar mutane.

Jami’ar ‘yar sanda mai gabatar da kara ta bayyana cewa an kama mutanen ne a lokacin da su ke kokarin sayar da yariyar mai shekara hudu.

Ta ce ana tsaka da cinikin yarinyar su ka kama mutanen yayin da mutumin da za su sayarwa da yariyar ya tsere.

Jami’ar ta kuma bukaci kotun da ta yanke musu hukuncin sakamakon karya wasu dokokin da su ka saba dokar Jihar.

Bayan gabatar da karar Alkaliyar kotun ta aike da su gidan yari zuwa ranar daya ga watan Disamba domin ci gaba da da shari’ar.

Continue Reading

Labaran jiha

‘Yan Sanda A Jihar Legas Sun Tsinci Wani Jajiri A Cikin Leda

Published

on

Rundunar ‘yan sandan Jihar Legas ta tabbatar da tsintar wani jajiri wanda ake kyautata zaton mahaifiyarsa ce ta jefar da shi a cikin Kwandon shara.

Kakakin rundunar ‘yan sandan Jihar SP Benjamin Hundeyin ya ce an tsinci yaron da aka jefar ne a cikin Leda.

Kakakin wanda ya dora hoton jajirin a shafinsa na Twitter a jiya Alhamis ya ce ba don an yi gaggawar gano yaron ba da tuni ya rasa ransa.

Benjamin ya kara da cewa tun bayan tsintar yaron yana cikin koshin lafiya.

Kakakin ya yi kira ga mata masu dabi’ar zubar da ciki da su daina hakan don ya saɓa da dojar ƙasa.

Inda ya ce jefar da jajiran babban laifi ne kuma idan aka kama mutum zai fuskanci hukuncin mai tsanani.

Continue Reading

Labaran jiha

‘Yan Bindiga Sun Karbi Buhun Shinkafa 20 Da Kayayyaki A Matsayin Kudin Fansa

Published

on

Wasu ‘yan bindiga sun saki wasu mutane 12 da su ka yi garkuwa da su a Jihar Kaduna.

Kafin sako mutanen ‘yan bindigan sun karbi buhun shinkafa 20 da buhun Wake 20 jarkar Man gyada Jarkar Manja da kuma katin waya harna naira 10,000 a matsayin fansar mutanen da su ka sace.

Rahotanni sun bayyana cewa ‘yan bindigan sun hallaka wani Manomi tare da yin garkuwa da mutane 20 a cikin gonakinsu da ke yankin Jangali da kwada duk da ke cikin yankin na Birnin gwari.

Kungiyar ci gaban masarautun Birnin Gwari BEPU ce ta bayyana hakan ta cikin wata sanarwa da ta fitar ta hannun shugaban kungiyar Ishak Usman Kasai a ranar Alhamis.

Sanarwar ta ce a baya ‘yan bindigan sun nemi naira 12 a matsayin kudin Fansar wasu manoma da su ka yi garkuwa dasu.

Continue Reading

Talla

Trending

%d bloggers like this: