Connect with us

Labarai

Ba’a neman suna a aikin jarida – Abba Anwar

Published

on

“Ba’a neman suna a aikin jarida, anaa yinsa ne don hidinmatawa al’umma” Inji Mallam Abba Anwar.

Ƙwararren ɗan jarida kuma babban sakataren yaɗa labaran gwamnan Kano Mallam Abba Anwar ne ya bayyana haka yayin shirin Ƴar Cikin Gida da aka gabatar a Mujallar Matashiya TV.

Ya ce ya kamata ƴan jarida su kasance masu bibiyar duk wata hanya da za ta kawo cigaba ga al’umma, saɓanin son zuciya wanda ke sa a sauka daga turbar aikin.

Ya cigaba da cewa babu riba mutum yayi amfani da aikin jarida don neman suna ko burgewa, tsarin aikin bai bada damar haka ba.

“Menene amfanin ka yi abu mutane suna ganinka shashasha? Duk wani abu da zai iya kawo tashin hankali ko husuma ɗan jarida yana da damar ɓoye labarin don samar da zaman lafiya wannan shi ake kira (Self Cencorship)” inji Abba Anwar

“Abin baƙin ciki ne yadda za ka ga wasu ƴan jaridar basu da kwarewa a kan aiki, wata kafar yaɗa labaran ma ko fassara ce za ka jita gatsa-gatsa alamun babu masu horas da su a kan aiki” inji Abba Anwar.

Ya ce yana matuƙar takaicin yadda a wannan zamani da ake amfani da kafafen yaɗa labarai kowa ya zama ɗan jarida, kowa yana saka abinda yaga dama ko ya wallafa a shafinsa ba tare da ya san yadda tsarin gudanar da aikin yake ba.

Sannan ya shawarci ƴan jarida da su kasance suna koyon aikin daga kwararru don kaucewa sauka daga tsarin gudanar da aikin.

Haka kuma ya shawarci kafafen yaɗa labarai da su ke yin taron horas da ma aikatansu don koyar da su sabbin hanyoyi da dabarun aiki yadda za a tsaftaceshi ba tare da an wulaƙanta aikin ba.

Sannan ya ce “Duk abinda za ka rubuta ko ka faɗa,ka sani akwai mala’ikun da suke rubutawa”

Abba Anwar dai ya shafe shekara da shekaru yana aikin jarida, kuma ya samu kwarewa daga tsaffin ƴan jarida daga ɓangare daban-daban.

An haifeshi a jihar Kano a ƙaramar hukumar Dala kuma ya karanci fannin aikin jarida bayan ya yi karatu a makarantu tun daga firamare da sakadire da ma kwalejin share fagen shiga jami’a ta CAS.

Za ku iya kallon cikakken shirin idan kuka danna wannan rubutun na gaba 👉👇👉https://youtu.be/p2HdqYgrjSI

Click to comment

Leave a Reply

Labarai

Majalisar Dinkin Duniya Ta Yi Gargadi Akan Zanga-zangar Da Za A Yi A Najeriya

Published

on

Majalisar ɗinkin duniya ta yi gargadi dangane da shirin zanga-zangar da wasu ke shiryawa a Najeriya.

Majalisar ta ce akwai yiwuwar wasu bata gari su yi amfani da damar don cimma bukatarsu

Ɓangaren kula da harkokin tsaro na majalisar dinkin duniya ne ya fitar da bayanan wanda su ka ce sun gano wasu mutane da ke son amfani da damar don cimma burinsu.

Majalisar ta ce a shekarar 2023 an samu fusatattun matasa da su ka fake da fushin chanjin sabon takardun naira a ƙasar su ka far wa wasu bankuna.

Haka kuma shafe kwanaki goma ana zanga-zanga lokaci ne mai tsawo da zai taba tattalin arzikin ƙasa.

Matasa a Najeriya dai na shirya zanga-zangar ne don jan hankalin gwamnati kan tsadar kayan abinci, tsadar man fetur da sufuri da sauran wahalhalu da ake fama da su a ƙasar.

Sai dai gwamnatin ta roki matasan da su janye daga zanga-zangar tare da ƙara mata lokaci don cimma ayyukan da su ka sa a gaba don magance matsalolin.

Continue Reading

Labarai

Wasu Batagari Sun Yiwa Wasu Dalibai Biyu Fyade A Ogun

Published

on

Wasu da ake zargi ƴan fashi da makami ne sun yi wa wasu dalibai biyu fyade a jihar Ogun.

Lamarin ya faru da ƙarfe 12:30am na daren Litinin wayewar yau Talata.

Yan fashin sun shiga jami’ar ilimi ta Tai Solarin da ke Ijagun Ijebu Ode a jihar.

Rahotanni sun bayyana cewar yan fashin sun fara kwace wayoyin daliban sannan su ka tafi da su zuwa wani gini da ba a kammala ba.

Rundunar yan sanda a jihar ta tabbata da faruwar lamarin.

Mai magana da yawun yan sanda a jihar Omolola Idutola ta ce sun samu labarin faruwar hakan a safiyar yau Talata kuma tuni jami’an su su ka bazama don neman waɗanda su ka yi aika aikar.

Sannan waɗanda lamarin ya faru a kansu an yi gaggawar kai su asibitin da ke jami’ar don duba lafiyarsu.

Continue Reading

Labarai

Majalisar Tarayya Ta Amince Da Mafi Karancin Albashi

Published

on

Majalisaar dokokin Najeriya ta amince da naira 70,000 a matsayin mafi karancin albashi.

Majalisar dattawa ce ta amince da kudin a zaman da ta gudanar yau Talata.

A shekarar 2019 ne majalisar ta amince da naira 30,000 a matsayin mafi ƙarancin albashi tare da alkawarta bibiya a kai duk bayan shekara biyar.

A amincewar da ta yi ta gamsu da bibiyar tsarin duk bayan shekara uku maimakon biyar a baya.

A makon da ya gabata ne dai shugaban ƙasa Bola Ahmed Tinubu ya amince da naira 70,000 a matsayin mafi ƙarancin albashi.

Kuma daga bisani ya mikawa majalisar bayan da ƙungiyoyin ƙwadago su ka amince a kan haka.

Continue Reading

Talla

Trending

%d bloggers like this: