Mujallar Matashiya

Mai Tsage Gaskiya Komai Ɗacinta

Talla

Labarai

Waɗanda suka sace alƙalai a Zamfara sun nemi a basu miliyan 20

Wasu yan bindiga sun sace wasu alaƙalan kotun sharia r musulunci a Zamfara.

An sace alkalan ne a kan hanyarsu ta dawowa daga tafiya bayan sun je karo karatu.

An yi garkuwa da Mallam Shafi u Ibrahim Jangebe da malam Sabiu Abdullahi a yayin da suke kan hanyar komawa gida a tsakanin kananan hukumomin zurmi da jibiya.

Rahotanni sun nuna cewar alƙalan sun je karo karatu ne a wata makaranta  al nahda international da ke  jamhuriyar nijar.

Mallam Hassan guda ne cikin yan uwan daya daga cikin alkalan da aka sace yace, masu garkuwa da mutanen sun kirashi a waya tare da neman kudin fansa naira miliyan 10 duk mutum guda.

Sai dai har yanzu ba a cimma matsaya akan kudin da za a biya ba.

Mai Magana da yawun rundunar yan sandan jihar zamfara SP Muhammad Shehu ya ce yana da masaniya a kan lamarin, sai dai har yanzu ba su samu rahoto a kan inda lamarin ya faru ba.

Tsawon mako guda kenan da aka sace alkalan biyu a kan haryarsu ta dawowa daga tafiya

LEAVE A RESPONSE

Your email address will not be published. Required fields are marked *

%d bloggers like this: