Connect with us

Labarai

Me ya sa Hauwa ta kashe ƴayanta da kanta?

Published

on

Rundunar yan sanda a jihar Kano ta kama wata Hauwa u Habibu mai kimanin shekaru 26 bisa zargin kisan gilla da ta yiwa ƴaƴanta biyu.

A ranar asabar ɗin da ta gabata ne jami an ƴan sanda suka samu labarin abinda ya faru wanda ake zargin Habiba ta yi amfani da adda da taɓarya ta sassara ƴaƴanta biyu.

Hauwa u ta Sassari yayanta biyu Irfan mai shekaru 3 da Zuhra mai shekaru 6  kuma sun rasa ransu ƙanwar habiban A’isha mai shekaru 10 wadda ta samu mummunan rauni kuma tuni aka kaita asibitin koyarwa na mallam Aminu Kano don duba lafiyarta.

Kakakin ƴan sandan jihar Kano DSP Abdullahi Haruna Kiyawa yace tuni jami ansu suka kamo matar kuma kwamishinan ƴan sandan jihar Habu A. Sani ya bada umarnin miƙa ƙorafin zuwa babban sashen binciken masu muggan laifuka a helkwatar rundunar don gudanar da bincike tare da gurfanar da ita a gaban kotu da zarar an kammala binciken.

Lamarin dai ya faru ne a ƴan rariya da ke unguwar ɗisu ƙaramar hukumar gwale a kano.

cikin jawabin da aka tattauna da matar da kuma mijinta, alamu sun nuna cewar ba ta cikin hayyacinta, kasancewar tun a baya ta sha fada masa cewar tana ganin yayan nata suna zuwar mata a wani irin yanayin na daban.

cikin jawabinta ta bayyana cewar akwai rnar da take ganin mijin nata na zuwar mata da kofato.

Shima mijin matar ya bayyana cewar ya fahimci matar tasa na cikin yanayi na firgici, ko da yake ya fada da bakinsa cewa tana yin wasu alamu da yake tabbatar da cewar ba ta hayyacinta.

Click to comment

Leave a Reply

Labarai

‘Yan Sanda Sun Kama Wadanda Suka Saci Zinare A Abuja

Published

on

Rundunar ‘yan sanadan Babban birnin tarayya Abuja ta kama wasu mutane Uku da ake zargi da fasa wani gida, inda suka sace zinare da wasu kayayyaki masu kudi a gidan da ke Abuja.

Mataimakin kwamishinan ‘yan sandan Birnin ACP Olumuwiya Adejobi ne ya bayyana hakan a yayin wani taron manema labarai a birnin.

Adejobi ya bayyana cewa an kama mutanen ne bayan wani bincike da kwamitin binciken bayanan sirri IRT ya gudanar, har ta kai ga ya gano wadanda suka aikata laifin.

Ya a yayin binciken, binciken ya nuna babban wanda ake zargi da hannu a lamarin yana sana’ar sayar da kifi ne a kasuwar kifi ta Kado da ke Abuja.

Adejobi ya kara da cewa wadanda ake zargin sun yi wa gidaje uku fashi a unguwar Lugbe da ke birnin.

Ya ce kafin su shiga gida na hudun ne sun yi amfani da wani karfe wajen bankara tagar gidan, inda kuma ta nan ne suka samu damar shiga gidan.

Acewarsu bayan shigar mutanen gidan suka fara bincike domin samun abinda za su sace, inda suka samu damar ganin wata akwati da ke ajiye daga nan ne suka dauka suka tafi da ita.

Kazalika ya ce bayan tafiya da akwatin sun yi amfani da guduma wajen balla murfin akwatin, inda anan ne suka samu kudi, da takardu, kuma zinare a cikin ta.

Har ila yau ya kara da cewa jagoran tafiyar mutanen bayan ganin kayan da ke akwatin ya kira mai saye ya siyar da kayan naira miliyan 60.

Ya ce daga zarar sun kammala bincike za su gurfanar da su a gaban kotu domin yi musu hukunci akan abinda suka aikata.

Continue Reading

Labarai

‘Yan Bindiga Sun Hallaka Mutane 18 A Benue

Published

on

Wasu ‘yan bindiga sun hallaka mutane 18 a karamar hukumar Katsina-Ala a Jihar Benue.

Maharan sun hallaka mutanen ne da karfe 11.00 na daren ranar Juma’a a kauyen Mbacher da ke karamar hukumar.

Zuwan ‘yan bindigan ke da wuya suka bude wuta akan mazauna yankin.

Shugaban karamar hukumar Justine Shaku ya bayyana takaicinsa dangane da lamarin, ya ce sai bayan maharan sun gama ta’asarsu jami’an soji suka zo gurin.

Shugaban ya ce maharan sun shiga gida-gida inda suke fito da mutane su na hallaka su.

Shaku ya kara da cewa wasu daga cikin mazauna yankin maharan sun raunatasu a yayin harin.

Sannan ya kuma jajantawa wadanda raunukan ya shafa, tare kuma da jajantawa ‘yan uwan wadanda suka rasa rayukansu.

‘Yan bindigar sun ka harin ne bayan gwamnatin jihar ta sanya dokar hana fita daga 6.00am zuwa 6.00pm.

 

Continue Reading

Labarai

Mataimakin Gwamnan Edo Philip Shu’aibu Ya Fice Daga PDP Ya Koma APC

Published

on

Mataimakin gwamnan Jihar Edo Philip Shaibu ya sauya sheka daga jam’iyyarsa ta PDP zuwa APC a Jihar.

Shu’aibu ya koma APC ne a yayin kaddamar da wani kwamitin gudanarwa na jam’iyyar bisa zaben gwamnan Jihar da ke tafe.

Mataimakin gwamnan na Edo ya koma APC ne bayan kotu ta mayar da shi kan mukaminsa bayan tsige shi da majalisar dokokin Jihar ta yi daga mataimakin gwamnan Jihar bisa wasu zarge-zarge da ta yi masa.

 

An kaddamar da kwamitin ne a yau Asabar, kuma ya samu halartar shugaban jam’iyyar na Kasa APC Dr Abdullahi Umar Ganduje.

Sauran wadanda suka halarci taron sun hada da gwamnan Jihar Ondo Lucky Aiyedatiwa da na Cross River Bassey Otu.

Sannan shugaban jam’iyyar ta APC a jihar Jarett Tenebe da dan takarar gwamnan jihar a jam’iyyar ta APC

Monday Okpebholo da kuma Sanata Adams Oshiomole.

Philip ya koma jam’iyyar ta APC ne kwanaki biyu bayan wani hari da aka kai masa a lokacin da yake gudanar da murnar hukuncin da kotu ta yanke akansa na ci gaba da zama mataimakin gwamnan Jihar.

Harin da aka kai’wa Philip hakan ya sanya jam’iyyar APC ta zargi jam’iyyar PDP da shirya kai’wa Shu’aibu harin sakamakon mayar da shi mukaminsa da kotu ta yi.

 

 

Continue Reading

Talla

Trending

%d bloggers like this: