Connect with us

Labarai

Bama goyon bayan rushe dakarun ƴan sanda na SARS – Matasa a Kano

Published

on

Wasu matasa a jihar Kano sun nuna rashin goyon baya a kan rushes ashen na musamman a rundunar yan sanda don yaƙi da aikata Fashi wanda aka fi sani da SARS.

Matasan sun yi tattaki har bakin helkwatar rundunar yan sandan jihar Kano tare da nuna rashin jin daɗi a bisa yadda aka rushe dakarun.

 

Kamar yadda suka bayyana cewar a jihar Kano jami an na ƙoƙari don ganin an samar da zaman lafiya, kuma ansamu raguwar aikata muggan laifuka a jihar sakamakon ƙoƙarin dakarun SARS.

Jagoran matasan da suka yi tattakin kwamaret Aminu Ahmad Mendieta ya bayyana cewar kawar da dakarun wani koma baya ne a cikin al ummar Najeriya musamman jihar Kano.

Ya ƙara da cewa an samu raguwar ayyukan daba da kwace da fashi da makami a jihar Kano sakamakon sadaukarwar da dakarun suke a wajen aiki a don haka sune nuna ƙin amincewa da wannan tsari na soke ayyukan dakarun.

A nasa bangaren shugaban kwamitin hulɗa day an sanda da jama’a jihar Kano Dakta Sale ya marawa matasan baya a bisa dogaro da kalamansu na cewa dakarun na iya ƙoƙarinsu na ganin an daƙile ayyukan fashi da makami, garkuwa da mutane, da sauran muggan laifuka a jihar Kano.

Ko a jihar Katsina ma haka lamarin yake, said a matasa suka yi tattakin nuna rashin goyon bayan rushe dakarun SARS a Najeriya.

A yau ne dai sufeton ƴan sandan Najeriya Muhammada Adamu ya bayyana dakatar da ashen ƴan sanda na SARS tare da alƙawarin ƙirƙirar sabon sashe da zai cigaba da ayyuka na daƙile fashi da makami a Najeriya.

Click to comment

Leave a Reply

Labarai

Sama Da Mutane 85 cikin 100 Na Amfana Da Tallafin Wutar Lantarki

Published

on

Ministan yaɗa labarai da wayar da kan jama’a, Mohammed Idris, ya yi magana kan janye tallafin wutar lantarki da gwamnatin tarayya ta yi.

 

Ministan ya ce sama da Naira tiriliyan 1 da za a samu sakamakon janye tallafin wutar lantarki, za a yi amfani da su wajen inganta samar wutar lantarki da ayyukan more rayuwa a ƙasar nan.

 

Jaridar The Nation ta ce Idris ya bayyana haka ne a Kaduna a jiya lokacin da ake tattaunawa da shi a shirin ‘Hannu da Yawa’ na Rediyo Najeriya da ke Kaduna.

 

Ministan ya ce wasu ƴan tsiraru masu hannu da shuni da kamfanoni ne kawai ke kwashe garaɓasar tallafin wutar lantarkin.

 

A cewarsa kaso 40% na tallafin wutar lantarkin yana amfanar kaso 15% da ke samun wutar lantarki ta sa’o’i 20 a kowace rana.

 

Idris ya jaddada cewa har yanzu kaso 85% cikin 100% na al’ummar da suke ƙarƙashin sauran rukunonin wutar lantarkin na samun tallafi.

Continue Reading

Labarai

Gwamnan Kano Ya Nuna Bacin Rai Kan Sakin Yan Daba A Kano

Published

on

Gwamna Abba Kabir na jihar Kano ya nuna bacin ransa kan yadda aka saki ‘yan daba da ke kulle a jihar.

Gwamnan ya ce wannan wani mataki ne na kawo tsaiko a kokarin da gwamnati ke yi na dakile matsalar dabanci a jihar.

Abba Kabir ya bayyana haka ne yayin tarbar Sarkin Kano, Alhaji Aminu Ado Bayero a gidan gwamnati.

Ya bayyana yawan ‘yan dabar da aka kama domin yi musu hukunci amma abin takaici an sako su.

Har ila yau, gwamnan ya zargi jam’iyyun adawa da kokarin kubutar da ‘yan dabar domin biyan buƙatar kansu ta siyasa.

Continue Reading

Labarai

Jagororin APC A Ondo Sun Zargi Gwamnan Jihar Da Yin Makarkashiya A Zaben Fidda Gwani

Published

on

Wasu jagororin jam’iyyar APC a Jihar Ondo sun zargi gwamnan Jihar Lucky Ayedatiwa akan kulla makarkashiya akan zaben fidda gwani na dan takarar gwamna a jam’iyyar wanda za a gudanar a ranar 20 ga watan Afrilu da muke ciki.

 

 

 

Jagororin jam’iyyar karkashin wata kungiya mai rajin tabbatar da shugaban nagari a Jihar sun ce gwamnan na kokari sauya zaben na fidda gwani.

 

 

 

Shugaban kungiyar Evangelist Tade Ojo ne ya bayyana hakan a cikin wata sanarwa da ya aikewa da shugaban kasa Bola Tinubu kan lamarin.

 

 

 

Shugaban ya ce gwamnan tare da magoya bayansa sun buga katuna da tambarin jam’iyyar su na rabawa mutanen da ba mambobin jam’iyyar ba.

 

 

 

Shugaban ya bukaci jam’iyyar APC ta kasa da shugaban kasa Tinubu da su dakatar da Ayedatiwa akan yunkurin tarwatsa zaben na fidda gwani.

 

 

Continue Reading

Talla

Trending

%d bloggers like this: