Connect with us

Labarai

Babu wanda aka kashe a Kano, mutane shida kacal ne suka raunata – Habu Sani

Published

on

Rundunar yan sandan jihar Kano ta tabbatar da cewar tana nan daram wajen ganin ta sanya idanu don tabbatar da zaman lafiya a faɗin jihar

Kwamishinan ƴan sandan jihar Habu A. Sani ne ya bayyana hakan a wata zantawa da yayi da ƴan jaridu dangane da hargitsin da ya faru na masu zanga zangar #ENDSARS a Kano.

Kwamishinan yace sun kama wani likita da yayi harbi da bindiga a yayin zanga zangar.

Sai dai ya musanta labaran da ake yaɗawa cewar an kashe mutane huɗu a yayin zanga zangar wanda yace basu samu rahoton hakan ba.

Ya ce sun samu mutane 6 wadanda suka samu rauni ciki har da baturen yan sanda wanda yayi kokarin kubutar da wasu mata da yara a wani gida.

Tun safiyar jiya talata ne dai aka kunnawa tayoyi wuta a wasu daga cikin titunan jihar Kano, Mujallar Matashiya ta gano wasu motoci da aka ƙona tare da farfasa gilasan motoci.

A wani labarin kuma rundunar yan sandan jihar Kano ta bayyana cewar bas u da hannu wajen kisan wani matashi da ke unguwar ƙofar mata a kano.

Idan baku manta ba a ranar Litinin mun baku labarin cewar, al ummar unguwar ƙofar mata da ke kwaryar birnin Kano sun yi zargin ƴan sanda da hallaka wani matashi a unguwar, lamarin da ya sa suka tashi da zanga zanga tare da ƙona tayoyi a kan titi.

Sai dai mai kakain ƴan sandan jihar Kano DSP Abdullahi Haruna Kiyawa ya musanta wannan zargi tare da cewar jami ansu sun je samame don kama yan saba  bayan sun samu labarin ana fadan daba, lamarin da ya sa ƴan daban suka yi sanadiyyar rasuwar mamacin.

Ya kara da cewa bayan jami ansu sun ziyarci wajen sun samu an sokawa matashin wuƙa a ciki, da wasu sassa na jikinsa, sai wani jami I da aka yanka da wuƙa wanda tuni aka kaishi asibiti.

Sannan sun samu nasarar kama mutum biyu daga cikin yan daban wanɗanda aka samesu da wuƙa a jikinsu.

Click to comment

Leave a Reply

Labarai

Gwamnatina Ta Yi Duk Abinda Ya Dace Ga Ƴan Najeriya – Buhari

Published

on

Shugaban Najeriya Muhammadu Buhari ya sake tabbatar da cewar gwamnatinsa ta yi duk abinda ya dace wajen ciyar da Najeriya gaba.

Muhammadu Buhari ya bayyana haka a cikin jawabinsa na zagayowar ranar samun ƴancin kai a Najeriya.

Shugaban ya ce gwamnatinsa ta yi ƙoƙari matuƙa wajen bunƙasa tattalin arziƙi da kuma tantance bayanai a kan asusun ajiyar banki ta ƴan ƙasar.

Haka kuma ya ce gwamnatinsa ta mayar da hankalin wajen bunƙasa aikin gona wanda hakan ya zamtowar ƙasar hanyar nasara duka a ƙarƙashin mulkinsa.

Shugaba Buhari ya ce ya na jin matuƙar ciwo a bisa yajin aikin da ƙungiyar Malamn jami’a su ka shafe fiye da watanni bakwai su na yi.

A ɓangaren yajin aikin, ya ce gwamnatinsa ta yi tsare-tsare da aka shafe fiye da shekaru 11 ba a yi su a a gwamnatocin baya.

Shugaban ya sake tabbatar da aniyarsa na ganin an gudanar da sahihin zaɓe a shekarar 2023.

Wannan ne karo na ƙarshe da shugaban ya yi jawabin tunawa da zagayowar ranar samun ƴancin kai a matsayinsa na shugaban ƙasa.

Continue Reading

Labarai

Ganduje Ya Buƙaci Matasa Su Rungumi Zaman Lafiya

Published

on

Gwamnan jihar Kano Abdullahi Umar Ganduje ya buƙaci al’ummar jihar su zamto jakadun zaman lafiya.

Gwamna Ganduje ya bayyana buƙatar hakan a cikin jawabinsa na zagayowar ranar samun ƴancin kai da ya gabatar a filin wasa na Sani Abacha da ke unguwar Ƙofar Mata a Kano.

Yayin da Najeriya ke cika shekaru 62 da samun yancin kai, gwamna Ganduje buƙaci jama’a su kauceea dukkan maganganu da ayyukan da za su iya rusa zaman lafiya a jihar Kano.

Gwamnan ya godewa mutanen Kano a bisa haɗin kai da su ka bayar tare da tabbatar musu da cewar a shekara mai zuwa wani gwamnan ne zai kasance a Kano ba shi ba.

Sannan ya buƙaci ƴan Najeriya da su ci gaba da haƙuri a kan kasancewar bambancin ɗabi’u addini da al’ada wanda jihar Kano da Najeriya ke da su.

A taron da aka gudanar, sarkin Kano Alhaji aminu Ado Bayero ya jagoranci addu’a ta musamman a kan zaman lafiya tare da buƙatar matasa da su zamto jakadun zaman lafiya a duk wajen da su ka sami kansu.

Continue Reading

Labarai

Sarkin Kano Ya Buƙaci Matasa Su Kaucewa Fitina Lokacin Yaƙin Neman Zaɓe

Published

on

An Ja hankalin Matasa da yan Siyasa su gujewa dukkannin abunda zai tada hankalin al’uma a lokutan yakin neman zabe: Sarkin Kano.

Mai Martaba Sarkin Kano Alhaji Aminu Ado Bayero yaja Hankalin al’umma da yan siyasa su rika yin kalamai masu inganci a cikin al’umma

Sarkin ya bayyana haka ne lokacin da ya jagoranci gudanar da addu’oi na musamman domin samun zaman lafiya ga kasa baki daya wadda aka gudanar a babban masallacin juma’a dake cikin birnin Kano.

Alhaji Aminu Ado Bayero yace ya shirya wannan addu’a ne domin yiwa kasa addu’a da kuma zabuka da suke tunkararmu a shekara 2023.

Mai martaba sarkin kazalika yayi kira ga Matasa su gujewa dukkan abinda zai kawo fitina a lokutan yakin neman zabe.

Sarkin ya buƙaci al’umma su zama masu Ladabi da biyayya da tausasa harshinansu.

Kuma sarkin yayi fatan dukkan yan Siyasa zasu karbi shawarwari da Malamai suke bayarwa na suyi yakin neman zabe cikin nutsuwa ba tareda wani tashin hankali ba.

Daga nan kuma Mai Martaba Sarkin na Kano Alhaji Aminu Ado Bayero yace shirya adduoin yazo dai dai lokacin da ake bikin cikar Najeriya shekara 62 da samun yancin kai.

Continue Reading

Talla

Trending

%d bloggers like this: