Labarai
Ya kamata gwamnatin tarayya ta samar da hanya da za a rage talauci a tsakanin matasa – Ɗanlarabawa
Buɗaɗɗiyar Wasika Zuwa ga Gwamnatin Tarayyar Najeriya.
Sunana Amb Auwal Muhd Danlarabawa Shugaban Gidauniyar Tallafawa Mabukata Daga Tushe na kasa wadda aka fi sani da suna Grassroot Care and Aid Foundation GCAF.
Ina Mai Kira ga Gwamnatin Tarayyar Najeriya Ƙarƙashin jagorancin Shugaban Ƙasa Muhammad Buhari wajen nemawa matasa tallafi Wanda zai anfane su kuma ya ƙara sanyaya zukatan matasan da ƙarfafa musu cewar Gwamnatin tana sane dasu sannan tana son faranta zukatan su a wannan yanayi da ake ciki Wanda aka dauki dogon lokaci Ana zaune a Gida ba Makarantu.
Kiran nawa dai shine Gwamnatin Tarayyar Najeriya ta fito da wani tsari Wanda zai tallafawa daliban dake Karatu a Makarantun gaba da sakandire ta hanyar neman alkalumansu nasu Daga Makarantu da suke karatu ta lambobin rijistar su na Zama dalibai abi kowanne a bashi tallafin da zai taimaka musu a harkokin rayuwar su dama bangaren neman ilmin nasu.
Wannan tallafi zaiyi matukar anfani kuma zai Kara musu soyayyar kasa da Gwamnatin Baki Daya sannan zai Zama wani banagare na ƙara Samar da zaman lafiya a ƙasa a gefe guda kuma zai rage radadin talaucin da aka tsinci Kai a sakamakon cutar Covid 19 data dagula al’amuran daliban da jefa su cikin bacin Rai na kasa cimma nasarar da suka saka a gaba a fannin karatun nasu Akan Lokacin da suke tsammanin kammalawa.
Ina fatan Gwamnatin Tarayyar Najeriya zata duba wannan shawara tawa Dan tallafawa daliban ƙasar Nan a matakin tallafin Covid 19 da zai rage radadin ƙuncin da dalibai ke ciki Dan Kar a cigaba da anfani da wasu Daga ciki Ana Basu wasu Yan kudade Dan su tada mana hargitsi a ƙasa.
Nagode
Allah ya taimaki ƙasar mu Najeriya ya bamu zaman lafiya da cigaban tattaalin ARZIKI.
Amb Auwal Muhd Danlarabawa
Grassroot Care & Aid Foundation
08060257925 Kano, Nigeria.
amdanlarabawa1@gmail.com
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari