Connect with us

Labarai

Ya kamata gwamnati ta sassautawa talakawa – Ɗan Larabawa

Published

on

 

Shugaban Gidauniyar Tallafawa Mabukata daga tushe Grassroot Care and Aid Foundation GCAF Ambasada Auwal Muhammad Danlarabawa yayi Kira da a duba halin da ake ciki a wannan lokacin na matsi da durkushewar hada hadar samu Wanda hakan ya faru sakamakon annobar cutar Korona.

Ambasada Auwal Danlarabawa yace gwamnatin Tarayya data jihohi ya kamata su zauna su duba halin da ake ciki da gaggawa Dan ganin an samawa talaka sauki maimakon Kara jefashi cikin kunci Wanda zai Kara hasala jamaa a daidai lokacin da ake fafitukar farfadowa Daga yanayin da ake fama dashi.

Kara kudin man fetur din Nan ba karamin tashin hankali bane sannan zai saka a sake samun hauhawar farashin kayayyakin anfanin yau da kullum Wanda dama tuni sun Kai matakin da ake kokawa da tsadar da sukayi ga rashin kudi da kwanciyar hankali.

Danlarabawa ya Kara da cewar rashin tsaro da tabarbarewar rayuwa yasa da yawa an fara tunanin gwara mutuwa ma da wannan rayuwar da ake ciki musanman a yankunan da ake fama da matsalolin rashin tabbacin tsaro.

Al’ummar da take cikin wannan yanayi tana bukatar lallashi da Samar da hanyoyin tsausasawa kwarai da gaske Kar akai mutane bango duba ga yadda ake kukan cewar agajin da ake fada baya kaiwa ga Mabukata da ya kamata su samu wannan agaji.

A karshen Amb Auwal Danlarabawa yayi Kira ga gwamnonin arewa da su saurari al’ummar su don jin bukatun da suke addabarsu kuma a magancesu a lokacin da ya kamata Kar a samu akasin da ba za’a iya magance shi ba.

Amb Auwalu Muhd Danlarabawa
Shugaban Gidauniyar Tallafawa Mabukata Daga Tushe wato GRASSROOT CARE & AID FOUNDATION ( GCAF )

Click to comment

Leave a Reply

Labarai

A Karo Na Shida – Babbar Tashar Samar Da Lantarkin Najeriya Ta Sake Lalacewa

Published

on

Rahotanni da ke nuni a wannan lokaci an sake samun katsewar hasken lantarki a Najeriya bayan da rumbun samar da wutar na ƙasa ya sake lalacewa.

Matsalar ta auku ne da misalin ƙarfe 2:42 na dare wayewar yau Litinin.

Lalacewar ya haifar da ƙarancin wuta na faɗuwar megawatt 64.70.

Yyain da yake tabbatarwa da jaridar Daily Trust batun, shugaban DisCo a Jos Dakta Adakole Ejihah ya ce lamarin ya faru, kuma ana fatan shawo kan matsalar ba da jimawa ba.

Wannan shi ne karo na shida da babban rumbun samar da wutar ya samu matsala a shekarar 2024 da mu ke ciki.

Continue Reading

Labarai

Sama Da Mutane 85 cikin 100 Na Amfana Da Tallafin Wutar Lantarki

Published

on

Ministan yaɗa labarai da wayar da kan jama’a, Mohammed Idris, ya yi magana kan janye tallafin wutar lantarki da gwamnatin tarayya ta yi.

 

Ministan ya ce sama da Naira tiriliyan 1 da za a samu sakamakon janye tallafin wutar lantarki, za a yi amfani da su wajen inganta samar wutar lantarki da ayyukan more rayuwa a ƙasar nan.

 

Jaridar The Nation ta ce Idris ya bayyana haka ne a Kaduna a jiya lokacin da ake tattaunawa da shi a shirin ‘Hannu da Yawa’ na Rediyo Najeriya da ke Kaduna.

 

Ministan ya ce wasu ƴan tsiraru masu hannu da shuni da kamfanoni ne kawai ke kwashe garaɓasar tallafin wutar lantarkin.

 

A cewarsa kaso 40% na tallafin wutar lantarkin yana amfanar kaso 15% da ke samun wutar lantarki ta sa’o’i 20 a kowace rana.

 

Idris ya jaddada cewa har yanzu kaso 85% cikin 100% na al’ummar da suke ƙarƙashin sauran rukunonin wutar lantarkin na samun tallafi.

Continue Reading

Labarai

Gwamnan Kano Ya Nuna Bacin Rai Kan Sakin Yan Daba A Kano

Published

on

Gwamna Abba Kabir na jihar Kano ya nuna bacin ransa kan yadda aka saki ‘yan daba da ke kulle a jihar.

Gwamnan ya ce wannan wani mataki ne na kawo tsaiko a kokarin da gwamnati ke yi na dakile matsalar dabanci a jihar.

Abba Kabir ya bayyana haka ne yayin tarbar Sarkin Kano, Alhaji Aminu Ado Bayero a gidan gwamnati.

Ya bayyana yawan ‘yan dabar da aka kama domin yi musu hukunci amma abin takaici an sako su.

Har ila yau, gwamnan ya zargi jam’iyyun adawa da kokarin kubutar da ‘yan dabar domin biyan buƙatar kansu ta siyasa.

Continue Reading

Talla

Trending

%d bloggers like this: