Connect with us

Labarai

Boko Haram ta ɗauki nauyin sace ɗalibai a Katsina

Published

on

Daga Yahaya Bala Fagge

Ƙungiyar Boko Haram ta ɗauki alhakin sace ɗaliban makarantar GSSS dake Ƙanƙara  a Jihar Katsina.

Sanarwan ta fito ne daga bakin shugaban ƙungiyar Abubakar Sheƙau cikin wani sakon murya mai kimanin mintuna 4;30 bayan kwanaki uku da sace ɗaliban

Wannan na zuwa ne kwanaki kadan da zuwan gwamna masari wurin shugaban ƙasa Mahammadu Buhari Daura  domin faɗa masa yadda halin tsaron ɗaliban  ya ke  ciki.

Sannan Masari ya bayyanawa shugaban cewa an gano inda maharan suke tare da ɗaliban.

Matsalar tsaro dai sai kara taɓarɓarewa ta ke a Najeriya musamman a arewacin ƙasar, inda Jama’a da dama na ganin gazawar shuwagabannine ya sa lamarin yaki ci yaki cinyewa,wasu kuma na ganin laifin mutanen gari ne da ba sa bada bayanan sirri ga jami an tsaro.

A daren Juma’ar da ta gabata ne dai aka sace daliban a makarantar su ta kimiyya da ta ke Kankara da misalin karfe 9;40 ,wanda har yanzu babu wani sahihin adadin daliban da aka sace.

 

 

 

Click to comment

Leave a Reply

Labarai

Gwamnatin Tarayya Ta Ayya Ranakun Hutun Babbar Sallah

Published

on

Gwamnatin tarayya a Najeriya ta ayyana ranakun Litinin da Talata a matsayin ranakun hutun babbar sallah.

 

Hakan ma ƙunshe ne a wata sanarwa da ma’aikatar harkokin cikin gida ta fitar a yau Juma’a.

 

Sanarwar wadda Dakta Aishetu Ndayako sakatariyar din din din a ma’aikatar ta sanayawa hannu.

 

Ministan harkokin cikin gida Tunji Ojo ya buƙaci al’ummar musulmi da su kasance masu sadaukarwa tare da koyi da fiyayyen halitta Annabi Muhammad Sallallahu alaihi Wasallam.

 

Ministan ya ce shugaba Bola Ahmed Tinubu na aiki tukuru wajen ganin ya tsare rayuwa da lafiya da dukiyoyin al’ummar ƙasar.

 

Sannan ya buƙaci al’umma da su bayar da haɗin kai wajen ci gaban ƙasar ta yadda za a samu nasara a abubuwan da ya sa a gaba.

 

Rahotanni sun nuna cewar shugaban zai yi bikin salalrsa a jihar Legas.

Continue Reading

Labarai

Tawagar Shugaban Maniyyatan Jihar Kano Ta Isa Saudiyya

Published

on

Shugaban tawagar Alhazan Jihar Kano ya isa kasa mai tsarki domin jagoranta aikin Hajjin bana a Kasar Saudiyya.

 

Bisa managartan shirye-shirye da aiki tukuru kimanin maniyyata 3,110 ne daga jihar Kano ake sa ran zasu gabatar da aikin hajji a kasar Saudiyya.

 

Mataimakin Gwamnan Jihar Kano Kwamared Aminu Abdulsalam Gwarzo wanda shine Amirul Hajj na Kano tare da wasu daga cikin mukarraban Gwamnati da suka hada da shugaban hukumar Alhazan Jihar Alhaji Lamin Rabi’u Danbaffa da Shugaban majalisar dokokin Jihar Kano Hon Jibril Ismail Falgore da sauransu.

 

Ibrahim Garba wanda shine wanda yake jagorantar yan jaridu kuma mai magana da yawun mataimaki Gwamna jihar kano ya ce gwamnatin jihar za ta tabbatar da maniyyatan sun samu wayewa domin gabatar da hajji karbabbiya.

 

Ibrahim ya kara da cewa tawagar ta samu isa kasa mai tsarki ne ta kamfanin jirgin sama na Max Air daga filin jirgin sama na Malam Aminu Kano a ranar Asabar din nan tare da wasu daga cikin ma’aikata da sauran mutane da Gwamna Abba Kabir Yusuf ya bayar da damar suje domin taimakawa musu.

 

Ibrahim Garba Shu’aibu ya ce bayan zuwan maniyyatan sun samu tagomashin samun masauki mai kyau da abinci.

 

Daga karshe ya ce gwamnatin ta shirya ma’aikatan lafiya domin kula da lafiyar maniyyatan a Kasar ta Saudiyya.

Continue Reading

Labarai

Gwamnan Bauchi Ya Sauke Shugaban Ƙaramar Hukuma Da Mataimakinsa

Published

on

Gwamnan Jihar Bauchi Bala Mohammed ya dakatar da shugaban karamar hukumar Alkaleri na rikon kwarya Hon Bala Ibrahim daga bakin aiki.

Gwamnan ya tsige shugaban karamar hukumar ne tare da mataimakinsa kan dalilan da ba a bayyana ba.

Gwamnan ya tsige shugaban karamar hukumar da mataimakin na shine ta cikin wata wasikar kora mai dauke da sa hannun sakataren gwamnatin Jihar Ibrahim Kashim Muhammad ya fitar.

Wasikar ta umarci kantoman da mataimakinsa da su gaggauta mika harkokin shugabancin karamar hukumar ga shugaban sashin gudanarwa na karamar hukumar.

Wasikar mai dauke da kwanan watan 6 ga watan Yuni 2024 na dauke da sallamar da aka yiwa shugabannin.

Bayan fitar da takardar sakataren ya aike da ita ga babban sakatare na ma’aikatar kananan hukumomi da masarautu na Jihar.
Sakataren ya korar ta fara aiki ne nan take.

 

 

 

 

Continue Reading

Talla

Trending

%d bloggers like this: