Labarai
Katsina – An Gurfanar Da Masu Garkuwa Da Mutane A Gaban Kotu
Ƴan sanda a Katsina sun gurfanar da masu garkuwa da mutane su biyu a gaban kotu bayan an same su da kai hari a Katsina.
Babbar kotun majistire da Katsina ce ta ba da umarnin kai mutanen biyu Sa’adu Haruna da Musa Ibrahim zuwa gidan gyaran hali tsawon watanni uku.
An same su ne da hannu wajen kitsa wani hari da aka kai ƙauyensu Dantarkari da ke ƙaramar hukumar Ɗandume a jihar.
An kai harin ne a ranar 25 ga watan Disamban shekarar da ta gabata kuma aka kashe mutane uku tare da sace mutane da dama.
Bayan kai harin ne kuma jami’an tysaro suka shiga ƙauyen tare da fara gudanar da bincike a kai, kuma binciken ƴan sanda ya nuna cewar mutane biyun da aka kama na da hannu wajen kitsa harin da aka kai.
Jiya Talata kotun ta bayar da umarnin kai mutanen biyu zuwa gidan gyaran hali har zuwa ranar 1 ga watan Afrilun shekarar da muke ciki don ci gaba da shari’ar.
Ƙungiyar malaman jami’a a Najeriya ta ce kashi 50% na ɗaliban da ke karatu na iya ajiyewa saboda tsadar karatu da ake ciki a ƙasar.
Shugaban ƙungiyar Frafesa Emmanuel Osodoke ne ya bayyana haka ya ce nan da shekaru biyu zuwa uku masu zuwa ɗaliban da ke karatu a jami’o’in ƙasar kashi 50% daga ciki na iya ajiye karatun nasu.
A wata hira da aka yi da shugaban a gidan talabiji na Channels ranar Lahadi da daddare, ya gargaɗi ɓangaren ilimi na ƙasar da su farga a kan abinda ka iya faruwa.
Sai dai ya alaƙanta ƙara kuɗin da jami’o’i su ka yi da mafi ƙarancin albashin da ake biya na naira 30,000 a ƙasar.
Sannan ya ce akwai hatsari mai yawan gaske idan aka samu ƙarin matasa masu yawa da su ka bar makaranta.
Idan ba a manta ba, a makon da ya gabata gwamnatin Najeriya ta ce ta ƙarawa malaman jami’a albashi da kashi 30 ga masu matsayin farfesa.
Rahotanni daga baban birnin tarayyar Najeriya Abuja na tabbatar da cewar kotun ƙoli ta kama da wuta.
Ofishin alƙalai uku aka ruwaito sun ƙone bayan tashin gobarar.
Godan jaridar Arise ya ruwaito cewar, wutar ta kama wai ɓangare na cikin kotun.
Sai dai ba a san sanadin tashin gobarar ba.
Wannan dai itace gobara da aka yi a kusa-kusa wadda ta shafi ofishin gwamnati.
Ko a watan Mayun shekarar da mu ke ciki, gobara ta kama a rundunar sojin samar Najeriya.
Yayin da a shekarar da ta gabata ta 2023 ma’aikatar kuɗi ta tarayya wani ɓangare ya kama da wuta.
Ƙasar Amurka ta gargaɗi ƴan ƙasar mazauna Najeriya da su kiyaye wajen ziyartar wasu jihohi da ka iya faɗawa cikin hatsari.
Sanarwar na zuwa ne bayan gudanar da wani bincike da su ka gano an samu ƙaruwar aikata manyan laifuka a jihohin.
Jihohin sun haɗa da Borno, Adamawa, Yobe, Kogi, Bauchi, Kaduna, Kano, Gombe, Bayelsa, Rivers, Enugu da jihar Bayelsa.
Sauran jihohin su ne Imo, SokOto, Zamfara, Katsina, da jihar Abia.
Ƙasar ta gargaɗi mutanenta da su kiyaye wajen ziyartar waɗannan jihohi domin su na iya faɗawa cikin tarkon masu garkuwa da mutane ko wasu miyagun laifuka.
Binciken da su ka yi sun gano cewar masu satar mutane domin neman kuɗin fansa na amfani da ƙarin mutane a wasu sassa domin cimma muradinsu.
Sannan gwamnatin Amurukan ta buƙaci ƴan ƙasar mazauna Najeriya da su ƙara sanya idanu a kan dukkanin zirga-zirgarsu don gudun faɗawa hatsari.
-
Mu shaƙata8 months agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Al'ada4 years agoFahimta ta a kan matsalar aure a ƙasar Hausa
-
Labaran ƙetare4 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Labarai4 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini3 years agoLokutan da ake saurin karɓar addu’a
-
Bidiyo3 years agoWanene Halilu Ahmad Getso? Ƴar cikin Gida
-
Labarai6 months agoAkwai Jihohi Goma Da Zaɓen Gwamna Bai Kammala Ba A Najeriya Ko Har Da Kano?
-
Girke girke5 years agoYADDA AKE LEMON SHINKAFA