Connect with us

Labarai

A Masallacin Makka Da Madina Ma An Yanka Filaye An Gina Shaguna – Ganduje Ya Wanke Sarkin Kano

Published

on

“Ko a masallacin Makka da Madina ma an yanka filaye an gina shaguna” a cewar Ganduje.

Gwamnan Kano Abdullahi Umar Ganduje ya wanke sarkin Kano Alhaji Aminu Ado Bayero a bisa zargin siyar da wasu filaye daga cikin masallacin Idi.

A wata sanarwa da babban sakataren yaɗa labaran gwamnan Kano Mallam Abba Anwar ya fitar, gwamnan ya bayyana cewar sarkin ya yi hakan ne a bisa ƙa’ida kamar yadda su ka tabbatar.

Gwamna Ganduje ya bayyana haka ne a yayin bikin hawan sallar na Nassarawa yayin da sarkin Kano Alhji Aminu Ado Bayero ya kai masa ziyara a gidan gwamnati.

Gwamna Ganduje ya ƙalubalanci masu maganganu a kan siyar da wani ɓangare na masallacin, wand agwamnan y ace ko a masallatan Makkah Da Madina an yanka wasu wuraren da aka gina shaguna a ciki.

Sannan gwamnan ya aike da saƙon shugaban ƙasa a kan ƙulla alaƙar aiki tsakanin masarautar Kano da sauran masarautu a Najeriya.

A yayin da yake jawabi sarkin Kano Alhaji Aminu Ado Bayero ya yabawa gwamnatin Kano, tare da tabbatar da cewar masarautar sa da sauran masarautu hudu na jihar za su ci gaba da bayar da goyon baya domin samun nasarar gwamnatin.

 

Click to comment

Leave a Reply

Labarai

Iyalan Marigayi Goni Aisami Sun Koka A Kan Rashin Hukunta Sojojin Da Su Ka Kasheshi

Published

on

Iyalan shaharraren malamin adinin nan da aka yiwa kisan gilla wato Shiek goni Aisami dan asalin jihar Yobe sun bayyana cewa sun damu matuka akan yadda har yanzu ba su ji an hukunta sojan da ya hallaka mahaifin nasu ba.

Daya daga cikin iyalan malamin mai suna Abdullahi Goni Aisami ya bayyana cewa ba su ga dalilin da zai haifar da tsaiko a cikin lamarin ba.

ya ce sun shiga fargaba da tashin hankali saboda kin samun wata hujja akan kin gurfanar da sojin a gaban kotu.

ya ci gaba da cewa suna cikin matsalar musamman daga bangaren matan malamin da su ke gani kamar ba wani hukunci akai ba.

Sai dai a bangaren hukuma kakakin rundunar yan sandan jihar Yobe DSP Dungus ya bayyana cewa tun lokacin da su ka kammala bincike suka turawa hukumar shariar domin gurfanar da wadannan sojoji guda biyu a gaban kotu.

Sannan ya ce an yi nasarar yin hakan a ranar 19 ga wata Satumba aka zauna domin sauraren shari’ar.

Continue Reading

Labarai

Gwamnatin Tarayya Ta Gargadi ASUU Kan Watsi Da Umarnin Kotu

Published

on

Gwamnatin Tarayya ta ja kunnen Kungiyar Malaman Jami’a akan ƙin bin dokar Kotun Ma’aikatun Kasa ta Najeriya na komawa bakin aikinta daga dogon yajin aikin da ta ke yi.

Chris Ngige, Ministan Kwadago da Ayyuka, ya ce Kungiyar tana faɗawa ‘yan Najeriya zancen da babu sui akan batun cikashe fom din daukaka karar akan umarnin kotu.

Ministan ya yi kira ga kungiyar akan ta mutunta umarnin kotun, ta kuma koma kan aikinta yayin da su ke kokarin ganin sun sasanta akan sauran matsalolin.

Ministan ya yi wannan batun ne ta wata takarda da aka fitar a ranar Lahadi wadda Olajide Oshundun, mataimakin darektan yaɗa labaran ministan ya sanyawa hannu.

A cewar sa kungiyar ba ta fadin asalin gaskiyar yadda aka yi da ita ga mutanen ƙasa da kuma mambobinta, dangane da batun daukaka kara bisa umarnin da kotu ta yi mata ranar 2 ga watan Satumba.

Sai dai ASUU ta bukaci a ba ta damar daukaka kara. Sannan ta hada wannan bukatar tata da kuma takardar daukaka karar da ta ke da niyar yi da zarar an bata wannan damar.

Continue Reading

Labarai

Jami’an NDLEA Sun Kama Mai Yin Safarar Miyagun Kwayoyi A Abuja

Published

on

Hukumar yaki da sha da fataucin miyagun kwayoyi ta kasa NDLEA, ta cafke Misis Pamela Odin, ‘yar shekaru 32, bisa yunkurin safarar alluran Rohypnol mai nauyin kilogiram 2.150 ta filin jirgin saman Nnamdi Azikiwe da ke Abuja.

Daraktan yaɗa labarai na hukumar NDLEA Femi Babafemi ne ya bayyana hakan a wata sanarwa da ya fitar a jiya Lahadi a Abuja.

Babafemi ya ce an kama matar ne a ranar 23 ga watan Satumba, yayin da take yunkurin shiga jirgin sama kamfanin jirgin saman Turkiyya dauke da maganin a boye a cikin barkono da kuma wasu cushe a cikin kayan abinci.

Ya ce wacce ake zargin ‘yar asalin kauyen Afiesere ne a karamar hukumar Ughelli ta Arewa a Delta, ta yi ikirarin cewa tana gudanar da wani gidan cin abinci a birnin Istanbul na kasar Turkiyya.

Babafemi ya kara da cewa ta yi ikirarin cewa ta zo Nijeriya ne domin ganin ƴan uwanta da kuma siyan kayan abinci don kasuwancinta na gidan abinci ƙasar.

Continue Reading

Talla

Trending

%d bloggers like this: