Connect with us

Labarai

Tambuwal Ya Yi Wa Furzuna 32 Afuwa

Published

on

Gwanatin jihar Sokoto ta yi wa furzuna 32 afuwa tare da sakin su don gudanar da rayuwar su.

Babban jojin jiha kuma kwamisinan shari’a a jihar Sokoto Sulaiman Usman ne ya bayyana haka a madadin gwamnan jihar.

Ya ce an yi wa mutane 32 afuwa ne tare da hada su da yan uwansu domin ci gaban jihar da ma ƙasa baki ɗaya.

Babban jojin jihar y ace gwamnatin jihar ta wanke wadanda aka saka daga laifukan da ake zargi sun aikata.

Kuma yana fata sakin nasu zai amfanar da al’umma wajen samun ci gaba da wadata a tsakanin al’umma.

Waɗanda gwamnatin ta yi wa afuwar sun sha alwashin kaucewa duk wata hanya da za ya sa su kuma aikata wani laifi a nan gaba.

Click to comment

Leave a Reply

Labarai

Majalisar Dinkin Duniya Ta Yi Gargadi Akan Zanga-zangar Da Za A Yi A Najeriya

Published

on

Majalisar ɗinkin duniya ta yi gargadi dangane da shirin zanga-zangar da wasu ke shiryawa a Najeriya.

Majalisar ta ce akwai yiwuwar wasu bata gari su yi amfani da damar don cimma bukatarsu

Ɓangaren kula da harkokin tsaro na majalisar dinkin duniya ne ya fitar da bayanan wanda su ka ce sun gano wasu mutane da ke son amfani da damar don cimma burinsu.

Majalisar ta ce a shekarar 2023 an samu fusatattun matasa da su ka fake da fushin chanjin sabon takardun naira a ƙasar su ka far wa wasu bankuna.

Haka kuma shafe kwanaki goma ana zanga-zanga lokaci ne mai tsawo da zai taba tattalin arzikin ƙasa.

Matasa a Najeriya dai na shirya zanga-zangar ne don jan hankalin gwamnati kan tsadar kayan abinci, tsadar man fetur da sufuri da sauran wahalhalu da ake fama da su a ƙasar.

Sai dai gwamnatin ta roki matasan da su janye daga zanga-zangar tare da ƙara mata lokaci don cimma ayyukan da su ka sa a gaba don magance matsalolin.

Continue Reading

Labarai

Wasu Batagari Sun Yiwa Wasu Dalibai Biyu Fyade A Ogun

Published

on

Wasu da ake zargi ƴan fashi da makami ne sun yi wa wasu dalibai biyu fyade a jihar Ogun.

Lamarin ya faru da ƙarfe 12:30am na daren Litinin wayewar yau Talata.

Yan fashin sun shiga jami’ar ilimi ta Tai Solarin da ke Ijagun Ijebu Ode a jihar.

Rahotanni sun bayyana cewar yan fashin sun fara kwace wayoyin daliban sannan su ka tafi da su zuwa wani gini da ba a kammala ba.

Rundunar yan sanda a jihar ta tabbata da faruwar lamarin.

Mai magana da yawun yan sanda a jihar Omolola Idutola ta ce sun samu labarin faruwar hakan a safiyar yau Talata kuma tuni jami’an su su ka bazama don neman waɗanda su ka yi aika aikar.

Sannan waɗanda lamarin ya faru a kansu an yi gaggawar kai su asibitin da ke jami’ar don duba lafiyarsu.

Continue Reading

Labarai

Majalisar Tarayya Ta Amince Da Mafi Karancin Albashi

Published

on

Majalisaar dokokin Najeriya ta amince da naira 70,000 a matsayin mafi karancin albashi.

Majalisar dattawa ce ta amince da kudin a zaman da ta gudanar yau Talata.

A shekarar 2019 ne majalisar ta amince da naira 30,000 a matsayin mafi ƙarancin albashi tare da alkawarta bibiya a kai duk bayan shekara biyar.

A amincewar da ta yi ta gamsu da bibiyar tsarin duk bayan shekara uku maimakon biyar a baya.

A makon da ya gabata ne dai shugaban ƙasa Bola Ahmed Tinubu ya amince da naira 70,000 a matsayin mafi ƙarancin albashi.

Kuma daga bisani ya mikawa majalisar bayan da ƙungiyoyin ƙwadago su ka amince a kan haka.

Continue Reading

Talla

Trending

%d bloggers like this: