Labarai

Ta Faru Ta Kare – An Saka Ranar Muƙabala Tsakanin Sheik Abdujabbar Da Malamai

Published

2 years ago

July 8, 2021

Matashiya

Gwamnatin Kano ta sanya ranar da za a gudanar da muƙabala tsakanin Sheik Abduljabbar da wasu ɓangare na malamai.

Kwamishinan harkokin addinai a jihar Kano Muhammad Adam ne ya bayyana haka bayan ya gabatarwa da dukkan ɓangarorin biyu takardar gayyata.

Kwamishinan ya ce ya kai wa Sheik Abduljabbar takardar gayyata hannu da hannu sannan ya kai wa ɓangaren da su ke sukar batun sa ƙarƙashin jagorancin Malam Abdulwahab Abdalla.

Haka kuma an sanya ranar Asabar 10 ga watan da muke ciki a matsayin ranar da za a gabatar da muƙabalar tsakanin ɓagarorin biyu.

Za a yi muƙabalar ne a ma’aikatar shari’a ta jihar Kano.

Kwamishinan y ace gwamnatin Kano ta shirya tsaf don ganin an shirya muƙabalar tare da bai wa kowa kariya na ganin an yi ta lafiya ba tare da wani abu na tashin hankali ya faru ba.

Malamai a Kano na zargin Sheik Abduljabbar da da yin ɓatanci ga fiyayyen halitta Annabi Muhammad S.A.W tare da sahabbansa, batun da ya musanta.

A sanadin haka gwamnatin Kano ta rufe masallacin sa tare da saka masa takunkumi a kan gudanar da wani taro ko wa’azi sanadin barazanar zaman lafiya a jihar da gwamnatin Kano ta yi.

Labarai

Tsadar Karatu Na Iya Sa Rabin Ɗaliban Jami’a Su Gudu – ASUU

Published

2 hours ago

September 25, 2023

Matashiya

Ƙungiyar malaman jami’a a Najeriya ta ce kashi 50% na ɗaliban da ke karatu na iya ajiyewa saboda tsadar karatu da ake ciki a ƙasar.

Shugaban ƙungiyar Frafesa Emmanuel Osodoke ne ya bayyana haka ya ce nan da shekaru biyu zuwa uku masu zuwa ɗaliban da ke karatu a jami’o’in ƙasar kashi 50% daga ciki na iya ajiye karatun nasu.

A wata hira da aka yi da shugaban a gidan talabiji na Channels ranar Lahadi da daddare, ya gargaɗi ɓangaren ilimi na ƙasar da su farga a kan abinda ka iya faruwa.

Sai dai ya alaƙanta ƙara kuɗin da jami’o’i su ka yi da mafi ƙarancin albashin da ake biya na naira 30,000 a ƙasar.

Sannan ya ce akwai hatsari mai yawan gaske idan aka samu ƙarin matasa masu yawa da su ka bar makaranta.

Idan ba a manta ba, a makon da ya gabata gwamnatin Najeriya ta ce ta ƙarawa malaman jami’a albashi da kashi 30 ga masu matsayin farfesa.

Labarai

Gobara Ta Kama A Kotun Ƙoli Ta Najeriya A Abuja

Published

15 hours ago

September 25, 2023

Matashiya

Rahotanni daga baban birnin tarayyar Najeriya Abuja na tabbatar da cewar kotun ƙoli ta kama da wuta.

Ofishin alƙalai uku aka ruwaito sun ƙone bayan tashin gobarar.

Godan jaridar Arise ya ruwaito cewar, wutar ta kama wai ɓangare na cikin kotun.

Sai dai ba a san sanadin tashin gobarar ba.

Wannan dai itace gobara da aka yi a kusa-kusa wadda ta shafi ofishin gwamnati.

Ko a watan Mayun shekarar da mu ke ciki, gobara ta kama a rundunar sojin samar Najeriya.

Yayin da a shekarar da ta gabata ta 2023 ma’aikatar kuɗi ta tarayya wani ɓangare ya kama da wuta.

Labarai

Amuruka Ta Gargaɗi Ƴan Ƙasar Mazauna Najeriya Kan Ziyartar Wasu Jihohi Har Da Kano

Published

2 days ago

September 23, 2023

Amina Muhammad

Ƙasar Amurka ta gargaɗi ƴan ƙasar mazauna Najeriya da su kiyaye wajen ziyartar wasu jihohi da ka iya faɗawa cikin hatsari.

Sanarwar na zuwa ne bayan gudanar da wani bincike da su ka gano an samu ƙaruwar aikata manyan laifuka a jihohin.

Jihohin sun haɗa da Borno, Adamawa, Yobe, Kogi, Bauchi, Kaduna, Kano, Gombe, Bayelsa, Rivers, Enugu da jihar Bayelsa.

Sauran jihohin su ne Imo, SokOto, Zamfara, Katsina, da jihar Abia.

Ƙasar ta gargaɗi mutanenta da su kiyaye wajen ziyartar waɗannan jihohi domin su na iya faɗawa cikin tarkon masu garkuwa da mutane ko wasu miyagun laifuka.