Connect with us

Labarai

Gwamnatin Katsina Ta Rufe Wasu Manyan Tituna A Jihar Saboda Tsaro

Published

on

Gwamnatin jihar Katsina ta rufe wasu kasuwanni da tituna a jihar a wani salon a daƙile ayyukan ƴan bindiga a jihar.

Gwamnan jihar Aminu Bello Masari ne ya bayar da umarnin hakan a yau Talata tare da dakatar da cinikin dabbobi a wasu yankunan jihar.

Daga cikin titinan da a ka hana a dinga bi akwai babban titin Jibia zuwa Gurbin Ɓaure wanda a ka umarci matafiya da su sauya hanya zuwa Funtua.

Sannan an hana ababen hawa na haya bin titin Ƙanƙara zuwa Sheme shi kuma motocin gida kaɗai a ka amince su bi titin.

Sannan gwamnatin ta haramta wa manyan motoci shiga dazuka don dakko itace.

Haka kuma gwamnatin ta dakatar da cinikin dabbobi a Charanchi, Mai’adua, Safana, Faskari, Sabuwa, Ɓaure, Kaita, Kafur, Ƙanƙara, Duntsinma, Jibia, Batsari, Ɗanmusa da ƙaramar hukumar Malumfashi.

Sannan an haramta siyar da dabbobi tsakanin Katsina da sauran jihohi.

Haka kuma gwamnatin ta haramta ɗaukar mutane uku a babur mai ƙafa uku da a ka fi sani da adaidaita sahu, sannan an haramta cinikayyar babur na hannu a kasuwar Charanchi.

Haka kuma an haramta siyar da man fetur da yah aura dubu biyar sannan an hana siyar da shia  cikin jarka.

Sannan a cikin Katsina an saka dokar hana hawa babur daga karfe shida na safe zuwa ƙarfe goma na dare, yayin da sauran ƙananan hukumomin jihar za a dinga hawa babur daga ƙarfe shida na safe zuwa karfe shida na yamma.

Wannan doka na zuwa ne bayan gwamnatin jihar Zamfara ta saka makamanciyar wannan doka a ƴan kwanakin nan.

Click to comment

Leave a Reply

Labarai

Gwamnatina Ta Yi Duk Abinda Ya Dace Ga Ƴan Najeriya – Buhari

Published

on

Shugaban Najeriya Muhammadu Buhari ya sake tabbatar da cewar gwamnatinsa ta yi duk abinda ya dace wajen ciyar da Najeriya gaba.

Muhammadu Buhari ya bayyana haka a cikin jawabinsa na zagayowar ranar samun ƴancin kai a Najeriya.

Shugaban ya ce gwamnatinsa ta yi ƙoƙari matuƙa wajen bunƙasa tattalin arziƙi da kuma tantance bayanai a kan asusun ajiyar banki ta ƴan ƙasar.

Haka kuma ya ce gwamnatinsa ta mayar da hankalin wajen bunƙasa aikin gona wanda hakan ya zamtowar ƙasar hanyar nasara duka a ƙarƙashin mulkinsa.

Shugaba Buhari ya ce ya na jin matuƙar ciwo a bisa yajin aikin da ƙungiyar Malamn jami’a su ka shafe fiye da watanni bakwai su na yi.

A ɓangaren yajin aikin, ya ce gwamnatinsa ta yi tsare-tsare da aka shafe fiye da shekaru 11 ba a yi su a a gwamnatocin baya.

Shugaban ya sake tabbatar da aniyarsa na ganin an gudanar da sahihin zaɓe a shekarar 2023.

Wannan ne karo na ƙarshe da shugaban ya yi jawabin tunawa da zagayowar ranar samun ƴancin kai a matsayinsa na shugaban ƙasa.

Continue Reading

Labarai

Ganduje Ya Buƙaci Matasa Su Rungumi Zaman Lafiya

Published

on

Gwamnan jihar Kano Abdullahi Umar Ganduje ya buƙaci al’ummar jihar su zamto jakadun zaman lafiya.

Gwamna Ganduje ya bayyana buƙatar hakan a cikin jawabinsa na zagayowar ranar samun ƴancin kai da ya gabatar a filin wasa na Sani Abacha da ke unguwar Ƙofar Mata a Kano.

Yayin da Najeriya ke cika shekaru 62 da samun yancin kai, gwamna Ganduje buƙaci jama’a su kauceea dukkan maganganu da ayyukan da za su iya rusa zaman lafiya a jihar Kano.

Gwamnan ya godewa mutanen Kano a bisa haɗin kai da su ka bayar tare da tabbatar musu da cewar a shekara mai zuwa wani gwamnan ne zai kasance a Kano ba shi ba.

Sannan ya buƙaci ƴan Najeriya da su ci gaba da haƙuri a kan kasancewar bambancin ɗabi’u addini da al’ada wanda jihar Kano da Najeriya ke da su.

A taron da aka gudanar, sarkin Kano Alhaji aminu Ado Bayero ya jagoranci addu’a ta musamman a kan zaman lafiya tare da buƙatar matasa da su zamto jakadun zaman lafiya a duk wajen da su ka sami kansu.

Continue Reading

Labarai

Sarkin Kano Ya Buƙaci Matasa Su Kaucewa Fitina Lokacin Yaƙin Neman Zaɓe

Published

on

An Ja hankalin Matasa da yan Siyasa su gujewa dukkannin abunda zai tada hankalin al’uma a lokutan yakin neman zabe: Sarkin Kano.

Mai Martaba Sarkin Kano Alhaji Aminu Ado Bayero yaja Hankalin al’umma da yan siyasa su rika yin kalamai masu inganci a cikin al’umma

Sarkin ya bayyana haka ne lokacin da ya jagoranci gudanar da addu’oi na musamman domin samun zaman lafiya ga kasa baki daya wadda aka gudanar a babban masallacin juma’a dake cikin birnin Kano.

Alhaji Aminu Ado Bayero yace ya shirya wannan addu’a ne domin yiwa kasa addu’a da kuma zabuka da suke tunkararmu a shekara 2023.

Mai martaba sarkin kazalika yayi kira ga Matasa su gujewa dukkan abinda zai kawo fitina a lokutan yakin neman zabe.

Sarkin ya buƙaci al’umma su zama masu Ladabi da biyayya da tausasa harshinansu.

Kuma sarkin yayi fatan dukkan yan Siyasa zasu karbi shawarwari da Malamai suke bayarwa na suyi yakin neman zabe cikin nutsuwa ba tareda wani tashin hankali ba.

Daga nan kuma Mai Martaba Sarkin na Kano Alhaji Aminu Ado Bayero yace shirya adduoin yazo dai dai lokacin da ake bikin cikar Najeriya shekara 62 da samun yancin kai.

Continue Reading

Talla

Trending

%d bloggers like this: