Labarai

Gwamnatocin Kaduna Da Pilato Za Su Haɗa Kai Don Magance Rikici

Published

2 years ago

September 6, 2021

Gwamnatin jihar Kaduna da gwamnatin jihar Plateau sun ɗauki damarar aiki da sauran jami’an tsaro don magance matsalolin da su ka addabi jihohin biyu.

Gwamnonin biyu sun ƙulla wannan yarjejeniyar aiki ne yayin da gwamnan Kaduna Mlaam Nasir El’rufa’I ya kai wa gwamnan Plateau Simon Lalong ziyara a ranar Lahadi.

Gwamnan Kaduna ya kai ziyarar ne don jajanta wa a bisa kashe-kashen mutane da a ka yi a wasu yankunan jihar.

Gwamnan El’rufa’I ya ce jihohin Kaduna da Plateau ba maƙoftaka kadai su ka had aba sun haɗa alaƙar aiki mai ƙarfi don ganin an samar da zaman lafiya.

Ya ƙara da cewa a ƙoƙarin sun a ganin an samar da zaman lafiya a jihohin gwamnonin su ka I ƙoƙarin samar da hukumomi musamman a kan zaman lafiya.

A nasa jawabin gwamna Plateau Simon Lalong wanda mataimakin sa Farfesa Sonni Tyoden ya wakilce shi ya ce a tsawon lokaci jihar Kaduna da Plateau na da kyakkyawar alaƙa a don haka duk abin da ya shafi Plateau ya shafi Kaduna.

Gwamnan ya yaba wa El’rufa’I a bisa hadin kai wajen aiki da kuma nuna damuwa a kana bin da ya faru a kwanan nan.

Labarai

Tsadar Karatu Na Iya Sa Rabin Ɗaliban Jami’a Su Gudu – ASUU

Published

1 hour ago

September 25, 2023

Matashiya

Ƙungiyar malaman jami’a a Najeriya ta ce kashi 50% na ɗaliban da ke karatu na iya ajiyewa saboda tsadar karatu da ake ciki a ƙasar.

Shugaban ƙungiyar Frafesa Emmanuel Osodoke ne ya bayyana haka ya ce nan da shekaru biyu zuwa uku masu zuwa ɗaliban da ke karatu a jami’o’in ƙasar kashi 50% daga ciki na iya ajiye karatun nasu.

A wata hira da aka yi da shugaban a gidan talabiji na Channels ranar Lahadi da daddare, ya gargaɗi ɓangaren ilimi na ƙasar da su farga a kan abinda ka iya faruwa.

Sai dai ya alaƙanta ƙara kuɗin da jami’o’i su ka yi da mafi ƙarancin albashin da ake biya na naira 30,000 a ƙasar.

Sannan ya ce akwai hatsari mai yawan gaske idan aka samu ƙarin matasa masu yawa da su ka bar makaranta.

Idan ba a manta ba, a makon da ya gabata gwamnatin Najeriya ta ce ta ƙarawa malaman jami’a albashi da kashi 30 ga masu matsayin farfesa.

Labarai

Gobara Ta Kama A Kotun Ƙoli Ta Najeriya A Abuja

Published

14 hours ago

September 25, 2023

Matashiya

Rahotanni daga baban birnin tarayyar Najeriya Abuja na tabbatar da cewar kotun ƙoli ta kama da wuta.

Ofishin alƙalai uku aka ruwaito sun ƙone bayan tashin gobarar.

Godan jaridar Arise ya ruwaito cewar, wutar ta kama wai ɓangare na cikin kotun.

Sai dai ba a san sanadin tashin gobarar ba.

Wannan dai itace gobara da aka yi a kusa-kusa wadda ta shafi ofishin gwamnati.

Ko a watan Mayun shekarar da mu ke ciki, gobara ta kama a rundunar sojin samar Najeriya.

Yayin da a shekarar da ta gabata ta 2023 ma’aikatar kuɗi ta tarayya wani ɓangare ya kama da wuta.

Labarai

Amuruka Ta Gargaɗi Ƴan Ƙasar Mazauna Najeriya Kan Ziyartar Wasu Jihohi Har Da Kano

Published

2 days ago

September 23, 2023

Amina Muhammad

Ƙasar Amurka ta gargaɗi ƴan ƙasar mazauna Najeriya da su kiyaye wajen ziyartar wasu jihohi da ka iya faɗawa cikin hatsari.

Sanarwar na zuwa ne bayan gudanar da wani bincike da su ka gano an samu ƙaruwar aikata manyan laifuka a jihohin.

Jihohin sun haɗa da Borno, Adamawa, Yobe, Kogi, Bauchi, Kaduna, Kano, Gombe, Bayelsa, Rivers, Enugu da jihar Bayelsa.

Sauran jihohin su ne Imo, SokOto, Zamfara, Katsina, da jihar Abia.

Ƙasar ta gargaɗi mutanenta da su kiyaye wajen ziyartar waɗannan jihohi domin su na iya faɗawa cikin tarkon masu garkuwa da mutane ko wasu miyagun laifuka.