Majalisar dokokin jihar Legas ta amince da dokar hana kiwo a jihar.
Hakan ya biyo bayan matsayar da gwamnatocin kudancin Najeriya su ka cimma a baya don ganin an hana makiyaya kiwo a jihohin su.
Majalisar ta amince da dokar haka kiwo a jihar a yau Alhamis bayan ta samu goyon bayan mafi rinjiyaye daga wakilai a majalisar.
An zartar da dokar bayan an tsallake karatu na uku ba tare da samun cikas daga mambobin majalisar ba.
Majalisar ta saurari ra’ayin al’umar jihar a dangane da dokar ranar Laraba.
Shugaban majalisar ya gode wa wakilai a majalisar a bisa hadin kai da ya samu wajne kafa tarihi a jihar.
Gwamnonin kudu a Najeriya sun lashi takobin hana kiwo a yankunan su tun bayan da aka fara samun masu garkuwa da mutane.
Jihar Enugu ce ta fara yanke hukuncin tare da zartar da dokar hana makiyaya kiwo a jihar.