Shugaban Ya yi wannan furuci ne yayin da ya kai ziyarar aiki jihar Imo a yau Alhamis.
Shugaban Njaeriya Muhammadu Buhari ya tabbatar da bayar da goyon bayan yaƙi da masu tayar da ƙayar baya na jihar Imo.
Shugaba Buhari ya bayyana haka ne a yayin da ya kai ziyarar aiki jihar a yau don ƙaddamar da wasu aikace-aikace a jihar.
Ya ce gwamnatin sa za ta taya jihar imo wajen yaƙi da yan bindiga da sauran masu aikata muggan laifuka a jihar.
Shugaban ya ce babu wata al’uma da za ta ci gaba muddin a na fuskantar matsalar tsaro.
Buhari ya lashi takobin kawo karshen tashe-tashen hankulan da a ke fuskanta a jihar.
Jihar Imo cibiya ce da ƙungiyar IPOB ke da ƙarfi daga cikin jihohin da ke iƙirarin ɓalle wa daga Najeriya tare da kafa ƙasar BIAFRA.