Connect with us

Labarai

Rashin Abba Boss Babban Giɓi Mai Wahalar Maye Gurbi

Published

on

Alhaji Muhamamd Aminu Adamu wanda aka fi sani da Abba Boss guda ne cikin jama’ar da ke talafe da rayuwar dubban mutane tare da ƙoƙarin ceto da yawa daga cikin don inganta rayuwar su.

Ya kasance ɗan kasuwa kuma manomi wanda ya sadaukar da rayuwarsa wajen hidimtawa jama’a da addinin musulunci.

Mutum ne da ya ɗauki nauyin marayu wajen ciyar da su shayar da su da ma tufatar da su har ma da harkar ilimin su.

Marasa lafiya da dama ke biyawa kuɗin magani ba tare da sun san wanene ya yi ba.

Kyautata mutane ya ke yi musamman idan ya fuskanci mutum na da jajircewa wajen neman na kansa ko karatu.

Ya samar da tsarin ciyarwa don marayu da iyayen marayu da ma marayun wanda ke amfana daga lungu da saƙo na jihar Kano.

Ya na daga cikin ɗabi’un sa kyautata wa tare da mutunta Ɗan’adam wajen ganin an samar da ci gaba ta hanyar hada kai.

Mutum ne mai kishi tare da ƙoƙarin zaburar da mutane masu kishi wanda hakan ya sa ya ke kulawa da mutane da dama musamman masu ƙaramin ƙarfi wajen ganin sun tsaya da ƙafarsu.

Abba Boss ya zamto guda ɗaya tilo da ake kwatance da alherinsa a ciki da wajen yankin sa.

Kiyaye lokaci, tabbatar da adalci da gaskiya na daga cikin abubuwan da ya ke bai wa muhimmanci.

Alhaji Aminu Adamu jajirtacce ne wajen ganin an samawa talaka ƴanci wajen gudanar da tsarin rayuwa tare da ingantata.

Ya na daga cikin mutanen da ke amfani da kuɗaɗen sa don wayar da kan jama’a ta yadda za su san yancin su.

Abba Boss na daga cikin mutanen da su ka ja hankalin gwamnati yayin da aka sanya dokar kulle ta KORONA har aka sassautata wanda miliyoyin ƴan Najeriya su ka fita daga ƙangin da su ke ciki a wancen lokaci.

Hidimarsa ba ta tsaya a nan ba sai da ci gaba da yin amo don ganin ya ja hankalin gwamnati a kan yadda ake tsadar kayan masarufi tare da jan hankalin ƴan kasuwa don ganin sun rangwantawa talakawa.

Wannan kaɗan kenan daga cikin kyawawan halayen da marigayi Alhaji Muhammadu Aminu Adamu Abba Boss ya bari kuma mutane ke ƙoƙarin koyi da shi.

Ya rasu a ranar Asabar 09 10 2021 ya bar mata biyu da ƴaƴa maza da mata daga cikin iyalan sa akwai jikoki a ciki.

An yi jana’izarsa ranar Lahadi 10/10/2021 a gidansa da ke unguwar Gama (B).

Allah ya ji ƙansa da rahama idan tamu ta zo Allah ya sa mu cika da imani amin.

Abubakar Murtala Ibrahim

(Abban Matashiya)

10/10/2021

Click to comment

Leave a Reply

Labarai

Kasar Dubai Ta Cirewa Najeriya Takunkumin Da Ta Sanya Mata

Published

on

Ministan yaɗa labarai a Najeriya Mohammed Idris ya ce ƙasar Dubai ta dage takunkumin da ta kakabawa yan Najeriya.

Ya bayyana haka ne yayin ganawa da yan jarida yau a Abuja.

Ya ce an cimma matsaaya kuma tuni hadaddiyar daular larabawa UAE ta dage haramcin bayar da biza ga yan Najeriya.

Ya ce daga yau Litinin yan Najeriya na iya tafiyar ƙasar ta Dubai.

Duk da cewar ministan bai bayyana cikakken bayani a kan haka ba, amma ya ce kowanne lokaci daga yanzu yan Najeriya na iya tafiya kasar.

Tun a baya dai gwamnatin Najeriya ke ta cuku cuku don ganin an dage haramcin bizar ga yan ƙasar waɗanda aka haramtawa zuwa.

Hadaddiyar daular larabawa dai ta kakabawa yan Najeriya takunkumin hanasu shiga tun a watan Disaamban shekarar 2021.

Dubai ta haramtawa ƴan kasashen Najeriya da Congo shiga kasar.

Continue Reading

Labarai

‘Yan Sanda A Kaduna Sun Haramtawa ‘Yan Shi’a Yin Taro A Jihar

Published

on

Rundunar yan sanda ajihar Kaduna ta haramtawa mabiya mazahabar Shia gudanar da kowanne taro a jihar.

Hakna na kunshe a wata sanarwa da mai magana da yawun yan sandan jihar Mansir Hassan ya saanyawa hannu.

Ya ce rundunar ta haramtawa mabiya mazahabar ta Shia taron Ashura a shekarar da mu ke ciki.

Haka kuma yan sandan sun gargadesu kan su kaucewa yunkurin shirya kowanne irin taro

Sun dauki matakin haka ne ganin yadda aka samu asarar dukiya da raunata wasu har ma da rasa rayuka a tarukan da su ka yi a baya.

Sannan yan sandan sun hana yan Shia gudanar da kowacce irin zanga-zanga da kuma wani gangami da sunan Ashura a bana.

Rundunar ta bukaci jama’a da su ci gaba da gudanar da harkokinsu ba tare da fargaba ba.

Continue Reading

Labarai

Kotu A Kano Ta Hana Aminu Ado Bayero Da Sauran Sarakuna Hudu Bayyana Kansu A Matsayin Sarakunan Kano

Published

on

Babbar kotun jihar Kano ta haramtawa Alhaji Aminu Ado Bayero da sauran sarakunan Gaya, Karaye, Bichi da Rano amsa kansu a matsayin sarakunan Kano

Kotun ƙarƙashin mai shari’a Jusctice Amina Aliyu ta haramta haakan ne a zamanta na yau bayan da gwamnatin jihar Kano da majalisar dokoki ta jihar da shugaban majalisar da ma kwamishinan shari’a su ka shigar da kara a gabanta tun a watan Maris.

Kotun kuma ta umarci sarakunan da su mayar da dukkanin kaya mallakin gwamnatin jihar Kano

Kafin zaman kotun na yau, lauyoyin waɗanda gwamnatin ke ƙara sun bukaci kotun ta dakatar da shari’ar ganin yadda su ka daukaka kara

Sai dai alkaliyar kotun ta ki amincewa da bukatarsu ganin cewar ba ta samu umarni daga kotun daukaka kara ba.

Haka zalika, sun mika rokon soke sabuwar dokar da majalisar dokoki ta jihar Kano ta shigar amma kotun ta ki aminta, a cewar kotun ba a gabatar mata da gamsassun hujjojin da za ta ƙi aminta da sabuwar dokar majalisar ba.

A zaman da kotun ta yi ranar 4 ga watan Yulin da mu ke ciki ne dai lauyoyin da ke kare Alhaji Aminu Ado Bayero a gaban kotun su ka janye daga kare shi a shari’ar.

Gwamnatin jihar Kano ce dai ta shigar daa kara a gaban kotun ta na mai rokon kotun ta hana Alhaji Aminu Ado Bayero, da sarakunan Gaya Karaye Bichi da Rano amsa kansu a matsayin sarakunan Kano.

Tirkatirkar dai ta fara ne tun baya daa majalisar dokoki ta jihar Kano ta soke dokar karin masarautu tare da dawo a tsohuwar dokar da ta dawo da Malam Muhammadu Sanusi ll a matsayin sarkin Kano.

 

 

 

Continue Reading

Talla

Trending

%d bloggers like this: