Mujallar Matashiya

Mai Tsage Gaskiya Komai Ɗacinta

Talla

Labarai

Ƴan Bindiga Sun Buɗe Wa Sojoji Wuta A Zamfara

Wasu da ake zargi yan bindiga ne sun buɗewa sojoji wuta a ƙauyen Wanzamai da ke ƙaramar hukumar Tsafe ta jihar Zamfara.

Bayan buɗe wutar sun kashe sojoji biyar daga ciki yayin da su ka kwashe mkaman jami’an.

Wani da al’amarin ya faru a gabansa ya shaida cewar, ƴan bindigan sun buɗe wa sojojin wuta ne yayin da su ke kan hanya.

Al’amarin ya faru da misalin ƙarfe biyu zuwa uku na rana, daga bisani sojoji sun rufe hanyar wanda hakan ya haifar da tsaikon ababen hawa a babbar hanyar.

Wasu mutanen yankin sun ce su su ka taya ƴan sanda kwashe gawarwakin sojojin bayan da abin ya lafa.

Ƙaramar hukumatr Tsafe iyaka ce tsakanin Katsina da Zamfara.

An rufe kafofin sadarwa a Zamfara sama da wata guda domin kawo ƙarshen ta’addancin ƴan bindiga da ya ƙi ci ya ƙi cinyewa tsawon lokaci.

LEAVE A RESPONSE

Your email address will not be published. Required fields are marked *

%d bloggers like this: